*~*~*~ كــن الزمــنـــــ ـ ـ ــ ــ ــ واقـــف *~*~*~

[ليــن القســا]

سنين ماهز الوصل سود الأهداب = اسنين وغيابه يغذي حنيني
اسنين مرت مالها عندي حساب = كن الزمن واقف على دمعتيني
دمعة عذابي حين صرح بالأسباب = ودمعة خضوعي يوم فارق يميني
من يومها عايش بذاتي ولاغاب = ذاك الشعور إنه يعاود يجيني
يسري بدمي كل مااغضيت ينساب = طيف (ن ) من اطيافه يبيح كنيني
كني سكنته ولف واغلقت الأبواب = وهجرت كل الناس لو هي تبيني
أسامر الذكرى الين الدجى شاب = واخبرشعاع الشمس وش صار فيني
شوق وحنين وزادها لوعة غياب = والعالم الله وش بعد يحتريني !!
ياهل ترى مثلي عليل(ن) ومنصاب = يشكي من الفرقا وجرحه دفيني ؟؟
ولا طفى ضوه وشمع الغلا ذاب = واقفى ماكن العرف بينه وبيني ؟؟