*~~*( صـــحرا الظمــــا )*~~*

[ليــن القســا]

ماجفيت ولا سليت ولا علـى بالـي نوايـا=غير إني أستلذ الصمت في صحـرا ظمـاه
أختزن باعماق جوفي عـذر أبعـاد الحكايـا=امتطي ياسي وارحل ..واحتري عمري بـلاه
زادي الذكرى وشعر(ن) يملا أطراف الزوايا=مارحم شوقي ووجدي ..إلا زودنـي عنـاه
أكتم آهات المواجع..داخل أسوار الحنايـا=وسط صمت لو تكلم ..صرخة (ن )توصل مـداه
أفتعل فرحة زماني ..والله أعلـم بالخفايـا=كل فرحي ..كل سعدي ..سلوة الخاطر معاه
آتلمس في وجوه الخلق لأشباهـه حلايـا=وأتسمع من بعيـد النـاس لأخبـاره رواه
يامغادر فوق جرحـي ..لاتلفـت للعطايـا=خذني وصف دون صوره يبهج المعنى شذاه
ماخبرت الجرح يبرى ..دون مايترك بقايـا=وماهقيت القلب ينسى عشرة إنسان ٍ(ن ) هـواه