~^~ حـــــــاول إذا تقـــدر ~^~

[ليــن القســا]

صدّ /وتعجل / وانتحى / يرجي الغير=ودّه يقلـــل ماوفــى من حناني
يرسم لي البسمه وفي داخله غير=ضاقت معـــاني حجتــه ماحواني
ياصاحبي ...جرب عذاب المشاوير=حـــاول .. إذا تقدر تغــــادر مكاني
مهما تروح وخطوتك تبعد السير= بيردك احساس رسمـــه التفاني
وإني زرعت بضامرك بذرة الخير=وظللتها عكف الضلوع المحاني
واسقيتها عشق ٍ تحدى المحاذير= ويممـــتها قبــلة شموخ المعاني
المشكلة قلبي يعاف المعاذير= يرفض يعاود مامضى من زماني
هذا الذي يشغل هجوس التفاكيّــر= كيف أقنعه يصفح اليا جيت عاني ؟؟