الشيـــخة والفـــارس

[ليــن القســا]

غاب وتركني في ظما ...أنشد الريّ =ليته عطاني عن غيابه تفاسير
الصاحب اللي عشرته تنعش الحيّ =واليا لمحته راح همي تباشير
راح ونساني في ظلام بلا ضيّ =من بعد ماعشته ليالٍ مسافير
أنا أشهد إنه كاويٍ مهجتي كيّ=وأنا أشهد إن الربح دونه مخاسير
علمي بي أغلى من نظر عينه أشويّ =وأدري بشوقه ماتلمه تعابير
علمي بي (الشيخه)وهو( فارس) الحيّ =تهون من أجلي بعاد المشاوير
حاولت أجنب خاطري ظني السيّ =وأثر الغياب يفوق جملة معاذير
لاني تشربته مثل ظامي المي= وصرت أفهم أحواله بيسر ومعاسير
وأصبح ملاذ الروح لاصابني شيّ=ألوذ به ...وألقى برايه تياسير
يامن يزيح الروح يم بارد الفيّ =ويامن يخبرني عسى نوهم خير