خماسية في الهلال

[خــــالـــــد]

الشارقة في 18 مايو/ تأهل فريق الشارقة الاماراتي إلى دور الثمانية من دوري أبطال آسيا بفوزه التاريخي على

ضيفه فريق الهلال السعودي بخمسة أهداف مقابل هدفين في المباراة التي جرت مساء اليوم الثلاثاء ضمن

المجموعة الثالثة.

ظهرت المباراة بمستوى فني متميز حيث كان فريق الهلال الأميز في الشوط الأول والذي أنتهى لصالحه بهدفين

مقابل هدف،أفتتح سعيد الكأس مسلسل الأهداف في الدقيقة13 وعادل للهلال سامي الجابر بعد ست دقائق. وقبل

نهاية الشوط بست دقائق سجل عبدالله الشريدة الهدف الثاني.

في الشوط الثاني تغير سيناريو المباراة وسجل فريق الشارقة أفضلية مطلقة نتج عنها تسجيل 4 أهداف متتالية

سجلت عن طريق البرازيلي اندرسون(هدفين) ونواف مبارك وعبدالعزيز محمد.

بهذا الفوز ينفرد الشارقة بصدارة المجموعة برصيد 10 نقاط وبفارق 3 نقاط عن فريق الهلال صاحب المركز

الثاني.يذكر ان فريق واحد يتأهل عن هذه المجموعة ليصل لدور الثمانية الذي تأهل له حتى الآن بختاكور

الاوزبكستاني عن المجموعة الأولى، والوحدة الاماراتي عن المجموعة الثانية، داليان الصيني عن المجموعة

السادسة.

** نقاط

* المدرب لم يوفق في تغييراته في المباراة .. وكانت سيئة جداً ... وعشوائية

* أستغرب دخول فهد المفرج في الجناح الأيسر في ظل تواجد المطيري في الاحتياط !!

* الوسط كان في أضعف مستوياته اليوم سواء الوسط المهاجمين أو المحاور .. باستثناء الخثران

* الله يوفق الزعيم ... ومبروووك للشارقة

* ومبروووك لمجنونها :برافو: وصل سلامك يالغالي





تحياتي

[أبوعبدالرحمن]

:o

[خــــالـــــد]

أخوي عشق ليل

ارفع راسك أنت هلالي // غيرك ينقص وأنت تتعالي :confused:

لكل جواد كبوة ..... ليس عيب أن ننهزم .... وليس عيب أن يدخل فينا خمسة أهداف

ولكن العيب هو تساهل واستهتار اللاعبين في الفريق المقابل !!!!

والعيب هو أن تتواصل الهزايم بشكل مستمر







تحياتي

[مفرح بن مناحي]

مبروك للشارقة تأهله .. الذي جاء عن جداره ..

بصراحة استغربت المستوى المتواضع جداااااااا للهلال ... ولكن البقاء للأفضل ... وأعتقد أن عدم تأهل الهلال أفضل في ظل هذا المستوى المخجل .. لأنه سيقابل فرق عريقة .. قد تسجل في مرماه أرقام قياسية غير الخمسة !!!

هذا هو حال الكرة .. وليس هناك فريق لا ينهزم بنتائج كبيرة .. ولكن في ظل تكامل الهلال .. يظهر على السطح أكثر من علامة استفهام !!

* لماذا لعب الدعيع .. وقد أبدع حسن العتيبي في المباريات السابقة بمستوى خرافي ... ؟!!

* هل يقتنع سامي الجابر بأن من يأخذ زمنه وزمن غيره ... سيخسر كل شئ !!

* تشكيلة الهلال .. تضم أكثر من لاعب تجاوزوا 34 سنة فهل يتركون المجال للفريق الأولمبي ليأخذ فرصته ؟!!

* العجلاني .. ( جاء يكحلها .. وأعماها ) << هي خاربة ,, خاربة ,, خلينا نعميها :mad:

* الهلال أضاع التأهل من مبااراته أمام الفريق العراقي .. وشاهدوا الفرحة الهلالية بعد تسجيل هدف الفوز في آخر دقيقة .. ستجدون أن هذه الفرحة ما هي إلا استعداد للخروج .. !!

* الله يوفق الاتحاد في مباراته .. ليمسح الصورة الهزيلة التي رسمها الهلال عن مستوى الكرة السعودية .. فبعد خروج منتخبنا الأولمبي .. و ( فضيحة ) الهلال الآسيوية .. يبقى الأمل بعد الله في الاتحاد ليعيد لنا هيبتنا ..

* بما إن كلامي كله جاف .. وأنا أعرف الأخ الغالي ( الغريب ) يحب النكت الرياضية .. أهديه هذه النكتة على الطاير ..
(( شركة الاتصالات تعلن للجمهور الهلالي .. باستبدال الصفر برقم خمسسسسسسسسة )) << انبسطوا من قدكم :p

* هاردلك لكل الجماهير السعودية عامة .. والجمهور الهلالي خاصة .. وأخص بالذكر ( الغريب وعشق ليل ) .. وأقول لهم القادم أجمل بإذن الله ..
بس انتبهوا لمشاكل الهلال .. واتركوا الأندية الثانية على جنب :تصفير:

تحياتي

سهم المنايا المتأثر جداااااا للخروج المذل لممثل الوطن الهلال :mad:

[تواق]

انوووووووووواع الفشييييله



اشوى اني ماني بهلالي :تصفير:

[عـادل التميمي]

:D :D :D

الله يعطيك العافية أخوي خالد

على العموم والله يشهد على كلامي

إني صفقت لشارقة بعد الهدف الثالث والخامس

الرابع يوم دخل ( قلت والله قهر ) :)

على العموم الحمد لله ما تأهل الهلال

لأنه مو مستعد للبطولة ( بدليل النتيجة ) ومستوى بعض الاعبين

سهم المنايا

أنا أحب النكت صحيح وجايب معي لكم نكت نصراوية

بس قبل ما أقولها ( ليه أنتم مبسوطين لهذي الدرجة ) ؟؟؟؟؟

على العموم السنة هذي ما فرحتوا إلا مرتين بس

المرة الأولى في الدوري يوم فزتوا على الهلال

والمرة الثانية يوم طلع الهلال من الأسيوية :D :D

والله ما أمداني أوصل لبيتنا إلا ورسالة من نصراوي جاية تمشي مليون

والله جلست أضحك وقلت أية من قدك الهلال إنهزم

من جد ليه :

الهلال إذا فاز تضيق صدور بعض الناس :بفكر:

وعشان ما أطولها خذ هذي النكتة إلي بصراحة أعجبتني

وعشانها أعجبتني وضحكت عليها أكتبها لكم :

يقول ما هو وجة الشبة بين خسارة السعودية من ألمانيا 8 - 0

وخسارة الهلال من الشارقة 5-2 ؟؟؟؟؟؟؟؟؟


( المســــــــــــــــــــن تر وا حد )

و

(الحـــــــــــــــــــــ� �ـارس وا حد )

:D

هاه بالله مو حلوة ؟؟؟

أنا أعجبتني حيل

تحياتي

الغريب ( الهلالي )

[يزيد]

الهلال . . . . أي كلالالالالالالالام

[بدر]

* ومبروووك لمجنونها :برافو: وصل سلامك يالغالي


تحياتي



يااااااااااااااااااااحبني لكم والله .


خالد .ياحبني لك والله .



ويسلمك ربي زين وصلت السلام . :) .. :)




بس كانت لي امنيه صراحه .


اشوف الغريب والاهداف تأتي تباعاً ..


ادفع مليوووووووون واشوفه :)


ههههههههههههههههههههههه


الغريب .. (( ماالومك لانك هلالي ياحبيب قلبي ))



تفشلنا بالإمارات . عاد من فريق الشارقة ..

الحين الهلاليين صارت فيهم عقدة من السيارات التصدير اللي بالسعودية اللي لوحتها زرقاء مكتوب عليها الشارقة .

ههههههههههههههههههههههههه ههههههههههههه





تحية لكل هلالي ..




سهم المنايا .. تسلم ايدينك على التحليل الأكثر من رائع .. :)


سبحان الله . ياخي كانوا من اول يتتريقون على الفرق الثانية (( لاحظ معي الفرق الثانية ماقلت فريق معين عشان مايزعجني الغريب )) وتتفاخرون بالبطولات . هذي آخرتها . تنصكون بخمسة . زي الحلاوة .

بس فيه كم لقطه عجبتني في المباراة مع إني ماشفتها بس اغير القنوات وارجع ألقى هدف جاي بالهلال .. سبحان الله لعب .......

اللقطة الاولى لذيبكم الهلالي .. سامي الجابر . مسوي يستعرض اهو وزلوفه اللي مسوي فيها ( محمد عطيه ) ماله موقع من الإعراب في الملعب ابد ابد .


اللقطة الثانية ..... اكتشف مخرج رائع وهو الدعيع .. يناظر للكوره من يشوتها اللاعب الإماراتي لين تدخل المرمى .. واهو يناظرها .....


تراه لو يرجح لحائل .. ازين له . :)


الغريب . ماالومك لانك هلالي :)






بدووووووووري

[خــــالـــــد]

سهم المنايا
كلامك عين الصواب

تواق
شكراً لمرورك

الغريب
زين إنك كنت بعيد عني ولا كان سطرتك بعد الأهداف

يزيد
الهلال أي كلام في الشوط الثاني بس

مجنونها
إس إس إسلا عليكووو هدية لك .... بس بصراحة الغريب مازعل مثل مازعلت أنا ... كنت ناوي أسطره

وبصراحة لما انتهت المباراة قلت يالله الله يعين على التعليق اليوم :)


وتذكروا أن الرقم القياسي مازل يملكه العالمي ... ماحطمه الهلال

ألف شكر لكل من مر






تحياتي:confused: :confused: :confused:

[فكر]

يعطيك العافية
كل الود
فكر

[مفرح بن مناحي]

هلاااااااا بالغالي .. الغريب

صدقني نفس الشعور .. ليه إذا انهزم النصر يفرح الهلاليين ؟؟

وارجع لمواضيعك يا الغالي ... :تصفير:

وانا متأكد إنك إذا انهزم النصر لو في مناورة إنك تروح تعلق على أي نصراوي تعرفه ولا يسلم بعد من رسايل الجوال اللي عندك
:p

والهلال إذا فاز على النصر ترى يعتبرونها بطولة .. وعلى فكرة ترى من زمان ما شفنا النصر مهزوم من الهلال ... يمكن علشان كذا قاعدين ترقعون لفريقكم :بفكر:
===========

خالد إذا كان النصر والهلال بيتنافسون على من أقل فريق يدخل مرماه أهداف فهذي والله مصيبة !!
المسألة هي إن النصراويين مثل الهلاليين .. يبحثون عن أي سقطة للفريق الآخر .. ولا نقدر لا أنا ولا أنت إنكار هذا الشئ ..
لو تكلمنا بواقعية .. النصر والهلال وجماهيرهم يتصيدون أخطاء بعض .. !!

ومبرووووووووك للشارقة التأهل .. والبقاء في الدوري الإماراتي << لأنه كان بيهبط بس ربك ستر

تحياتي

سهم المنايا

[erty]

اولا .. ابارك لفريق الشارقة ... فوزهم المستحق ..

ثانيا .. اقول للفريق الهلالى ... القادم احلى ..

ثالثا .. اعتقد ان سبب هزيمت الهلا ل الحراسة .. والدفاع ..

وهم اضعف خطوط الفريق الهلالى ..

اخيرا .. يجب ان يراجع المسئولين عن الكرة السعودية .. التراجع المخيييف ..

فى مستوى جميع الاندية ..

تحياتى ... اخوى خالد .

[خــــالـــــد]

صح أخوي سهم المنايا إذا تكلمنا بالواقعية المطلقة فالجميع يريد أن يصطاد الآخر

في الماء العكر .. وهذا طبع التنافس ... وهذا أنا أقول إننا ما حطمنا رقمكم :) أنتوا في الماء العكر :p

ولكن تقول الهلال من زمان ماهزم النصر ... بسبب المغربي اللي في مكتبكم :برافو: الله يخليه لكم

عشان تسلمون من الهلال !!

===========================

erty كيف الدفاع والحراسة أضعف خطوط الهلال وهو من أقل الفرق ولوجاً للأهداف في الدوري

واي مسابقة يكون الهلال فيها ؟؟؟؟؟؟؟؟؟؟ :(

والتراجع المخيف للأندية السعودية صحيح ... يجب إعادة هيكلة الأندية والأنظمة الفاشلة



ألف شكر لمروركم





تحياتي