كريــم يابرقــن ؟؟الي متــذوقــي الشـعــر

[سيف المهلي]

السلام عليكم ورحمة الله وبركاته

اتمنى ان تنال هذه القصيده وهي احدى قصائدي المتواضعه....


_ كريــــم يابـــرقٍ بـــدى لـــــه تــــرزام **** متعطشــين الشــــعر يــروي ضماها

_ يمطر وينبت له نـــواويــــــر وخـــزام **** عــذب المعــــاني منه كــــــلٍ جناها

_ ينتج خليــــط ابـــداع وافكـــار والـــهام **** يصــوغهــا شعـري وكلن قراهـا

-قصيـــدتي عــــطــر وشــــذا ورد وانغام ****تبقى ...ويبقى بالمســـــــامع صداها

_ الـله واكــــــبر ياتصـــاريف الايــــــام **** ماحدٍ عرف مضمــونها وش خفاها

_ مرات تضـــبط لك وتمشـــــي بك ارقام **** ومرات تتــــــكدرويصـــعب دواها

_ حتى ولو زانت لك شهـــور واعــــوام **** ان ماشكــرت الله يحـوشــك رحاها

_ شفت الليـــالي كـــيف ســوت بصـــدام **** الـله يكافيـــــنا السنــيــن وغثـــــاها

_ والكـــــــون ذا مخلوق بأبـــداع واحكام **** سبحــــانه المعــــبود اتقـــن بــــناها

_ سبحان!!مـن يحي الاجــــنه فالارحـــام **** فالبطــــن يوصلـها غذاها ومـــــاها

_ وسبـحان!!من ساق المطــر سحب وغمام **** وديــان ماجاها ....و وديـــان جاها

_ وسبحان!!من عافــــاك بجلــــوس وقيام **** وبعــض الاوادم ماتحـــرك اعضاها

_ انا كـــــتب فيهـــــــا يجفــــن الأقـــــلام **** وقصـــيدتي تنبـــيك عــن محتواها

_ (امر شي)..يصــــــــير من فوقك اقــزام **** تبـــــغاك تمشــي تحتها وبرضاها

_ (واحر دمعه) دمعــة ضـــــعوفٍ أيـــتام **** صــار البقـاء في رأس عـــمٍ كلاها

_ (وأقسى فراق) افرق غالـــــــين واحشام **** حصل خطا وأبليـــــس زود لظاها

_(وألذ حاجه) وصل مقطــــــوع الارحام **** تطلب اجر...ولا تـــــدور وراهــا

_ والآدمـــي لولا الامـــــــــــاني والاحلام **** ماصارع الدنـيا وكابــــــــد عناها

_ تمشــــــــــي بنا الايـــــــام والعلم قــدام **** والكل منا..عـــــــارفٍ منتهــــاها

_ نهايـــــتك!!بتحـــــط في كم متر خــــام **** ويهال فوقك رملــــــها مع حصاها

_ ويالــله عفوك يوم زلات الاقــــــــــــدام **** في يوم تلهى المرضعه عن ضناها


اخوكم \\\ سيف المهلي

[مذكر الروقي]

سيف المهلي

صح السانك


مليار ولايسدون

لله درك

ابدعت ياالقرم

تقبل مروري واعجابي

[أبوعبدالرحمن]

صح قلبك وكلك

جزله وم نشاعر جزل

تحيتي لك

[نـواف الشمــري]

سيف المهلي


صح الله لسانك ولا هنت

قصيده جزله

وأنت شاعر جزل وفحل

تقديري وأحترامي

فمان الكريم

[ناصر الراشد]

صح الله لسانك يا ابو ناصر

شاعر جميل وصاحب مفردات جميله لله ردك

ولاهنت ع النقل الذي يتميز بالابداع

[ليــن القســا]

رائعة تسمو بالحكمة وسلاسة اللفظ ..
سلمت ودمت للأعذب شاعرنا ..

[صهيل الصمت]

,,,
سيف


صح لسانك وقلبك ملايين


ارق تحية


ود,,

[محمد بن ضاوي]

مرات تضـــبط لك وتمشـــــي بك ارقام **** ومرات تتــــــكدرويصـــعب دواها

سيف المهلي ,,

مرحبا بك والف صح لسانك ولاهنت

[صلاح الأحمدي]

.؛

وكريمٌ هذا الصباح بعناقي ل هذا الندى المتساقط فالهنا شعرا


سيف المهلي
صحّ قلبك وكلك ، لاهنت ، مودتي

.؛

رُوح العِ ـطْر
http://up.9ll9.com/uploads/images/9LL9-15e06ed7f6.gif

[سيف المهلي]

مذكر الروووقي
صح بدنك

وتسلم على مرورك الذي عطر صفحتي يشذاه

اسعدني اعجابك وتمنى ان نقدم مايسر الجميع

[سيف المهلي]

ابو عبد الرحمن

ماعليك زود

مرورك\بحد ذاته شرف للقصيد

وتسلم على ما قلته من كلام

وان شاء الله نقدم يرقى بذاقت الشعر

[سيف المهلي]

نواف الشمري

ماعليك زود يانواف

مروك رقى بصفحتي عاليا

واسعدني اعجابك بالقصيده

كت انه اعجبني توقيعك الجميل

[سيف المهلي]

ناصر الراشد
تسلم ع المرور ياناصر
شهادتك وسام على الصدر نفتخر به دائما

ولاهنت يالغالي

[سيف المهلي]

لين
هلا وغلا

عطرتي صفحتي بشذا عطرك

واسعدني مرورك

[سيف المهلي]

صهيل الصمت

صح بدنك يالغالي

ولاهنت ع المرور الذي اسعدني كثيرا

[سيف المهلي]

محمد ضاوي
محبا فيك
وجودك ومرورك لصفحتي شرف بحد ذاته

اسعدني اعجابك بالقصيده

[سيف المهلي]

صلاح الاحمدي

صح بدنك

ومروك يسعدني


واتمنى ان اقدم مايعجب القراء