(l.o)بين حايل والمدينة يالأمير..!

[فايز ماجد]

أين أنت ِ
أ يامن علمتِني الحزن كيف يكون
وكيف أهيم بغياهبه
و الهذيان
و مناجاة الطيف
والبحث عنك في كل مكان
ترى
ماذا عمل بك الدمع
وبؤس السهر
في وطنك الجديد

وكم من خاطرة
وقصيدة كتبتي
.
.
.
آهٍ لوتعلمين
كم تعذبت في فراقك
الذي حدث رغماً عنّا
ليتك تقرأين حروفي المبعثرة بعد رحيلك
يامن سكنتِ في رحاب الذاكرة
يامن ملكتي
قلبي
وعقلي
وكل
جوارحي
يا أول أحلامي وآخرها
.
.
أيا من علمتني أن أرسم للعشق أبجدية
ومن الشعر معلقات
ومن حروفي الهائمة
آهات

أجيبي
أجيبي
أجيبي تسأولاتي هذه
.
.
.
(((وش بذرت ؟
ووش جنيت؟
وش ذكرت؟
ووش نسيت؟
كم فرحت ؟
وكم بكيــــــت؟
ليه هــــــذا ؟
وليــــه ذاك؟
ليه تضحك لابكيــــــــــت؟
ليه تبكي لا ضحـــــــكت؟
ليه ياهذا تكابـــــــــــر؟
وانت دمعك بس عابر
ليه ماودك يبيــــــــــن؟
أنك أنته بس حزيــــن
ليــــــــه ليــــــــــــــه؟
ليه كلك في شتات؟
لاطريت الذكـــــريات
وماضياً ولىّ وفات
كيف بتحقق حلم؟
وأنت عايش في ألم
ليه ليه
ليه قلبك في جهه؟
ليه فكرك في جهه؟
وانت رايح في جهه؟
لاجمعت القلب فكرك يبيروح
لاجمـعت الفكر قلبـك يبيروح
لاجمعت اثنين كــــلك تبتروح
والعوايد ماهي بذيك العوايد
والقصايد ماهي بذيك القصايد
حتى شعري صار مثلى
حاول أنّا نكون ســـوى
لكن أنـــــــــــــه ماقوى!!
حتى نومي صار سهد
بعد ما قلبي احترق
صرت دايـــم في أرق
بس اقلبّ في همومي
وصاير بنسيان دايم
في طريقي لامشيت
يمكن انسى وين رايح
يمكن آخالف لوايـــــــح
والله ان كني ما اشوف
لوحواليّه معــــــالم
والله أني بغير عالـم))))


.
.
أتعلمين من كان السبب
أنه
أنتِ

مقدمة بسيطة اعتبروها خربشات مرتجلة للقصيدة التالية..!

[فايز ماجد]

.
.






بين حايل والمدينة

يابدر مثلك رفيقاً يارفيقاً لي فَرَقْ=يامعذّب هالقوافي والبيوت ابمنّطقه

كانها للطيب طيبك ياعضيدي له عَبَقْ=متعلياً متفرداً تفنى القصايد تلحقه

معتلى صهوة جواد الشعر واعلنت السَبَقْ=مات الجواد وذكركم لامن طرى من يسبقه

شوق الهنوف اللي عليها قلب غيره يحترق=محدن يشابه زينها سبحانه اللي خالقه

ياخوك نفسي من سبب ماصابها فيها حَنَقْ=زهرة شبابي ذابله من عقب ماهي موَرقه

باسباب خلٍ يارفيقي مارحمني مارفَقْ=مارفق بمفارقه باللي يحب مرافقه

الفتون اللي ابحلاه انهاني اليا آخر رمَقْ=يسحرك فيه طلته في ضحكته في رونقه

مايذبح الرجال كود انه تغربل بالعشقْ=يجاوب الورقا بنوحه والعيون امغورقه

يعشق اللي يعشقه عشق بدوي حب وصدقْ=يعشق ابعشق ٍ جنوني مير مالله وفّقه

عاشقه عشقه جنونه قال بانه ماعشقْ=يعشقه ..مايعشقه مايعشقه لايعشقه


والدليل انه بعبراته يوادع واختنقْ=واقفى ولا ادري وش يبي من عبرةٍ به تخنقه

واتصلت اسأل عليه وليت جواله يدقْ=مااسمع الا "اتصل باوقاتٍ اخرى لاحقه"

قالوا انه بالمدينه قلت ادور بالطرقْ=ناس قالوا صوب حايل تهت باية منطقه..!

واجودي وجد من هو مهجته منه انسرقْ=من كثر حزنه عليه اتشوف شيّب مفرقه

يبغى لقاه وفي غيابه كل درباً له طرق=ماحيلته ياكود دمعاً لاطرى له يطرقه

وياوجودي في غيابه وجد شايب منرهقْ=ربّا كبّر ما التفت للحال لوهي مرهقه

وآخرت عمره يساق ويرمى في عيشة زهقْ=مات غبن من الضنا اللي جار ماشاف عرقه

وياوجودي وجد مظلوماً من السجن انعتقْ=انقطع رزقه وكل عيون غيره ترمقه

جايدور والدينه بالشوارع بالشققْ=مشتاق لامه للحنان ولاجل ابوه ايعانقه

يوم وصّل دارهم لقا على بابه ورقْ=ينعى وفاة امه وابوه ومات باسباب ورقه..!


وياوجودي وجد طفلاً من لظى الشمس احترقْ=ضايعاً وسط الفيافي والمنايا تدرقه

لاظلال ولاطعام ولاديار ولارفقْ=يبكي باعلى الصوت هايم والعواصف تصفقه

هو وحيد امه وابوه وهو لهم كل الرزِقْ=وجوا عقب ماصار صيداً للضباع اتشققه

وياوجودي وجد مكلوماً وحيداً ماغرقْ=ماتوا عياله وربعه وسط غبة مغرقه

واهو ابجزيرة بالبحر من جور وقته يصطفقْ=وان جاع ياعزي لحاله سد بالدمع ارمقه

لاهو اللي مات واقفى وان تمنىّ انه لحَقْ=ولاهو اللي ردّ سالم من ليالٍ ممحقه

كل ماهبت هبوباً قلبه الباكي خَفَقْ=وكل ماحلّ الظلام ايصيح حين ايوافقه

وانا الصبور اللي همومه لو على جبالٍ شهقْ=كان ذابت من لظاها والخضار اتحرّقه

وانا العليل اللي عروقه مجدبه عرِقْ عرِقْ=كل ماجا له فرح بجيوش حزنه يسحقه

وأنا الوحيد اللي جفوه امصاحبينه والرفقْ=ملّ التشره وآهله محدن بهذا ايوافقه

وأنا الغريب اللي سلك درباً تحوّل له نفق=يبغى الخروج امن الكآبه والدروب امغلّقه

وانا الغرير اللي تصبّح ضيم وقته واغتبقْ=شرب غبوقه مادرى والا دموعه تشرقه



وانا الأسير اللي بظلما دنيته شاف الأفقْ=وده يقوم امن الأسر بس القيود اموثّقه

هذي ليالي دنيتي ظلامها فاق النُطقْ=ظلامها ماخذ عهد والنور لازم يعتقه


يابدر لا ياعزايه يستر الله ماغرقْ=ابحرت في يم الحزن مااشوف انا غير ازرقه

موجةٍ فيني بغرب وموجةٍ فيني بشرقْ=صرت مدري عن مكاني مغربه من مشرقه

ضايعاً مدري شروق الشمس هذا او شفقْ=والعيون اللي تشوف الحال لأجلي مشفقه

كل نفس اتشوف حزني في غيابه لي ترقْ=حتى عذولي شافني ثم قال يالله ترزقه

ماكني ألا ظاميا جاته سحابه مع بَرَقْ=واقفت ولاهلت مطرها والنسور اتّلاحقه

يمشي يطيح ومن شقاه بريقه اليابس شَهقْ=شقهة اللي يشهق الدنيا وحلمه تشهقه

عزتي له عزتي له عزتي للي عَشَقْ
يلعن..!
يلعن..!
يلعن..!
يلعن..!
يلعن العشق اللعين اليا كفر من يشنقه..!
















يابدر جيت المدينة قالت انه صوب حايل=رحت ادوّر يم حايل قالت انه بالمدينه
ضايعاً ملّيت حزني والدموع اللي تسايل=كلما جيت ال مدينة تبكي اليا قلت..وينه..!

[ناصــ(NASSER)ـر]

السلام عليكم ورحمة الله وبركاته

صباح النور

صح بدنك مليار على القصايد الجزله والرايعه
والصراحه لقد بخست حق القصايد وايضا حقنا في قرايتها منفرده وبتمعن

صح لسانك مرة اخرى على الابداع

[فايز ماجد]

وعليكم السلام
صح بدنك
أخوي
ناصر
واشكرك على مرورك وكلماتك الجميلة
وأدرك يا أخي
أنني ضحيت بالكثير من القصائد
لكن تأكد أنني مجبور أن أفعل ذلك
وعندي الآن ماهو أهم من قصائدي
لاحقاً سأعطيها كل اهتمام
وساتفرغ لكتابة الشعر وغيره
تحياتي لك

[فالح الشلوي]

تشكيلة رائعة

وسمفونيات من شاعر نبض الشوارع


شاعر يبهرني في تشكيلة للنص ورسم الحرف على جدار العشق والشعر

ولكنه شتتني بهذا الموضوع ماعرفت وين امسك الأعجاب واستلذ فية


قل قصيدة تقول عندي زود


صح لســـانك يابوماجد

[رائد الشريف]

يابوماااااااااااجد

يالغااااااااااالي والله انك لو تكتب
الفيه اني لغير اقراها بعدد ابياتها

ترى انت غير والله غير

شعر مو طبيعي


لاتهتم


اكتب وعلينا القراءه


الا اذا كنت مسيكثر علينا المتعه والفرحه

ننتظر المزيد


اخوك المحب الدويبي

[طيف الوله]

ابو ماجد

اولاااا لي عتب صغير وطلب اصغر:eek:


واعتقد الكل له نفس الطلب

كل قصيده كتبت مقطع منها نريدها ان تكون كامله لانها بحق ممتعه رااائعه

شوقتنا لقراءتها كامله

مبدع يابو ماجد الى آخر مدى

راائع الى ابعد حدود الروعه

ماشا الله عليك فعلا شاعر جزل يملك حسا يجبرنا على ان ننتظر منه المزيد

صححححححح قلبك مليااارااات شاعرنا الغااالي

[فايز ماجد]

صح بدنك أخوي
الغالي
عذب الاوهام
واشكرك على كلماتك الجميلة
تحياتي لك

[فايز ماجد]

هلا وغلا
بأخي الغالي على قلبي
الدويبي
صح بدنك يالغالي
وأنت تآمر أمر
والله
تحياتي لك

[فايز ماجد]

هلا وغلا
أخت طيف الوله
صح بدنك
وانت تآمرين أمر
وأن شاء الله سترين القصائد كاملة
تحياتي لك
أخوك
أبوماجد

[ناصر العبدالله]

أخي الغالي .. و أستاذي الفاضل

كحل النظر

أسعد الله جميع أوقاتك بكل خير و مسرة

ماذا نقول بهذه التحفه الشعريه

التي ما أن أكتملت .. الا و قد عقدت الألسنه عن الكلام

بحق روعه روعه

و مهما قلنا عنها .. لن نوفيها حقها من الجمال ..

لا حرمنا الله من أبداعك

سلمت .. و سلمت يمينك

التي نسجت لنا تلك الابيات

صح لسانك و قلبك

و في رعاية الله دمت ،،،

[مفرح بن مناحي]

كحل النظر ...... بل كحل الشعر

أبو ماااااااااجد .... أشعر أن الإبداع يتوارى أمام روعة حروفك ..

وأشعر أنك تكتب متى تشاء .. وكيفما تشاء ... ما شاء الله عليك ..

إن قرأنا قصائدك كاملة نطلب المزيد .. وإن أهديتنا أياها مبتورة ننتظرها كاملة .. ما الحل أمام جمال أبياتك ؟

صح لسانك .. لا تكفي ... بل صح لسانك وقلمك وقلبك

والله إني استمتع عندما أجد اسمك وقد كتبت ما هو جديد .. فكيف بي إذا قرأت ما تكتب ؟!

أنت والروعة وجهان لعملة واحدة ..

لله درك يا فايز ... وسلمت يمينك على كل حرف تنثره هنا ..

عندما أقرأ أبياتك أعرف أن للإبداع بقية ..

بانتظار دائماً ..

تحياتي

سهم المنايا

[فايز ماجد]

أخي العزيز على قلبي
ناصر العبدالله
أشكرك جزيل الشكر
على مرورك وكلماتك الرائعة
التى زادت مشاركتى جمالا
لما لا وهي من شاعر أبهرنا بروعة حروفه
صح بدنك
ودمت لمن تحب
أخوك
أبوماجد

[فايز ماجد]

أخي العزيز
سهم المنايا
صح بدنك
وأشكرك على مرورك
وكلماتك الرائعة
وهي وسام اعتز به
تحياتي لك
أخوك
أبوماجد