النايفاتي (مساجله)

[ناصر بن شويشان]

مساجله شعريه بيني وبين اخي الشاعر سلطان بن فيصل ابواثنين
البدايه مني:

يابوفيصل نبغي العلم الوكادي=وشهي البندق بلاراس الزنادي
اعرفك قرم(ن)تروم النايفاتي=وتفتل الابيات لا صارت عنادي
يابوفيصل ذا زمانن فيه ريبه=لوتدل الدرب غيرك فيه غادي
الطيور الطايره لو ماتطيري=كان صار الحر يشبه للجرادي
الله اكبر يازمانن كان مبطي=يوم رجل الموقفه بين وسادي
يوم ساس الطيب شيدفالرفاعه=ويوم ساس المرخمه يسكن بوادي
ياوجودي يوم افكر ياوجودي=وجد من صلى وللسياف قادي
او وجود اللي قرطه الثعل واغلث=وقام بأعلى الصوت للعالم ينادي
ثم ذكرله بالشفاء دم البرازي=واجلبه قرم(ن)يقول العمر فادي
ذاك حاله حالتي والعلم لله =والله يحقق لي اللي في مرادي
والسلام اللأولي واختام قولي=والصلاة اعداد مايركض جوادي

فرد سلطان:

حدنا ناصر على درب الجهادي=والعرب هيمانتن في كل وادي
مرحبا ترحيبة العد القراحي=وعد ماحل الوسم وقت البرادي
ابشر بعزك وانا لك يابن عمي=ان بغيت المعركه والاالهجادي
ناصل مرادك والا نرجع بدونه=دامك الفارس وركاب الشدادي
وقتنا هذا يبي صبر وجلاده=لوقلوب الناس يغشاها سوادي
والجمل لامن هبد ياطيب طيبه=ماعليه من الحلم والاالقرادي
ومن يروم المرجله يضحك حجاجه=المراجل كايده تبغى اجتهادي
كم سفيهن ماعرف يشعب ذلوله=ساقها والمشكله خلا القيادي
من يدل الدرب وعيونه حجبها=اشهد انه ضاع في وسط البلادي
لاتوجد طالبك والنار حيه=نارنا حيه والا ترث رمادي
يابومقعد موكرك فوق النوايف=وانت حرآ طاب فعلك فالهدادي
تارد حياض المنايا ماتهابي=فيك من طبع الزناتي والمهادي
اقضب العلم الوكاد ولاتحسف=قالها اللي لانطق شوره سدادي
لاتهمك بندق(ن)ثور فشقها=دامنا من دونها فوق الجيادي

وسلامتكم