تكفى ياعجران

[ناصر بن شويشان]

هذه القصيدة كتبتها في طلب العفو لي فيحان بن غضيان السبيعي من ابن عمه عجران بن سمحان بن غضيان السبيعي .. إليكم القصيده

شيوخ القبائل فالحفر عند عجران=توافدو من كل فج(ن)وديره
تطلبه يعفوعن بناخيه فيحان=قدام بيته مع جموع(ن)غفيره
ينخون ياعجران في جاه سمحان= هذا ولد عمك إذا فيك غيره
العفو عند المقدره خير برهان=وانتم بعتق ارواح ناس(ن)خبيره
كم واحد(ن)نزح عن السيف شامان=اخرهم ابن ادهيم نزح قصيره
انتم وحنا من مداغيش سبعان=ننطح نهار الهوش قدم المغيره
والمشكله من بيننا وسط كتمان=نحلها بالعقل والعقل نيره
والوقعه اللي قد مضت فعل شيطان=جهز له سلاحه وحط الذخيره
وفيحان عانه فالسجن ذاك ندمان=ولامن طرت له صار عقله بحيره
وان كانكم سقتو على الاول الثان=عزالله انها فالمصايب كبيره
تكفى يافيصل وانت ياسعد ذيبان=تكفى يافالح طف نار(ن)سعيره
تكفى يابو سمحان علوش حوران=تشاورو والعفو لله خيره
انتم بني عمن وربعن وصحبان=وماينكسر منكم تلفه جبيره
وانتم سلايل روس قومآ وشيخان=افعالهم فالطيب فيكم بذيره
عاداتكم تعطون لاشك الاخوان=واخوانكم صاحو وجوكم نثيره
ولبت سبيع وجت معاها بعربان=ولو خابت الجاهه نكر المسيره
وتكفى ياخالد بعد تكفى ياعجران=لبو ترى فالعفو لله خيره

وسلامتكم
ناصر بن مقعد بن شويشان