يا هاجســــــــــــــي

[اللؤلؤة]

ياهاجسي هات القلم ترجم إحساس
للــيل يــوم اللـيل ليل المــهمــات
تضاربت في داخلي مثل الاجراس
كلن يبي ينشد لـه الحان وابيــات
اعيش بالحاضر ولو كان منحاس
والماضي ابكي ومابغيناه قد فات
مدري البلا بالناس والا انت حساس
والا الحبيب هو بلا القلب بالذات
إحترت من كثر التفاكير بالراس
ياهاجسي دخلــتني في متاهـــات
إن قلت ياوجدي ترا الوجد لحاس
وجد الكســير اللي بــلاه الجبارات
لاحي(ن)مع الناس يمشي على ساس
ولاباللحد حطوه من عــد الاموات
أووجد من بالسجن طوق بترباس
عليه حد الســيف من وين مافــات
والايتيمن عايش(ن)عيشة إعماس
يشـيل بالمــغراف لــوعه وأهــات
والا وجودمشرب المر بالكاس
بديـار غربه والــهرم جــاه يقتات
وإن قلت صبر ايوب نصبر على الباس
والله كريم مفرج (ن)للصعيبــات
لقيت انافالصبر حكمه ونبراس
للي طواه الهم طي (ن) بلفــات
وهانت علي هموم قلبي مع الناس
والحمد لله ماعلــيه خــلافــات
ياهاجسي حدك بلاهرج هلاس
تلعب على القرطاص تنضم لك ابيات