هنا الأختيار

[كلاشنكوف]

السلام عليكم ورحمة الله وبركاته

على المنتدى الشامخ غرابيل الاداب = سلامي عدد ماهلت الماء سحابه
أبي شاعرن يلعب ويبذل فالأسباب = على مانهجه المصطفى والصحابه

[فــــزآع]

صح لسانك ياكلاشنكوف


وصح لسان قبيلك

[ابومسواك]

اسمحلي بمجاراتك ياكلاش


على المنتدى الشامخ ملايين ترحاب=وداعي كلاشنكوف قلنا هلابه
وصلناك بضويف السعَد وافتح الباب=وتلقى بإذن الله منّا الاجابه

[نواف زايد الشلاحي]

في موقع ن علا ماتبى وشعر به طاب = انا معكم بغني علا قوس الربابه
يجيك الي يحسب حسابن ماله احساب = يارع السيف ليتك تشيله من نصابه

[كلاشنكوف]

مرحبا ياأبو مسواك وأخذ راحتك ونواف زايد الشلاحي أعتذر منه والجايات أكثر

يدوم البقا كثر التراحيب ياشاب = وجا في طلبنا شاعرن من عتابه
ليا بين هلال الشهر فيه من غاب = وحسبتوا حساب الناس ولا حسابه

[ابومسواك]

مافهمت ياكلاش
تبيني اواصل معك والا في خاطرك شاعر اخر
المهم استلم لين نشوف


ماندري تبينا نقلع الضرس والناب =والا ودّك انّا نتركه جنب نابه
هلال الشهر لاغاب تفقده الاحباب=وكلٍ على حزنه يدن الربابه

[ابومسواك]

وجا في طلبنا شاعرن من عتابه؟؟<<<<< مافهمت

[كلاشنكوف]

ألعب ماعندك مشكله ولا تبحث الخافي يا أبو المساويك
ألا يا أبو مسواك أنت ماعنك مجناب = وقفر الخلا ياصاح منهو رعابه
هلال الشهر جذاب ياهيه جذاب = وأنا الليله الشواي باكل كبابه

[كلاشنكوف]

التنسيق نسيته يا أبا مسواك

[ابومسواك]

التنسيق نسيته يا أبا مسواك
مهوب التنسيق وبس
ألا يا أبو مسواك أنت ماعنك مجناب

[ابومسواك]

رعاه الجمل ياصاحبي شامخ الناب=وخلا الغنم في حوشها والخرابه
ولاصار ماعندك على الصيد مخلاب=فخلّه وتكفيك الأُسد والذيابه