يا شاعرة شمنصير أقربي حبه حبه

[كلاشنكوف]

السلام عليكم ورحمة الله وبركاته
الأخت شاعرة شمنصير ألعبي ولايهمك ياشاعره والسؤال سيورد لك البيتين الجايه (والعرف مقسوم بين سليم وعتيبه) شطر من محاوره لملفي المورقي

سلام يا أهل الحجاز ولاتهون الرجال = يا أهل الحجاز الرجال ومن في المملكه
من بنت وأخت الرجال أبغى جواب السؤال = والشاعره لايجي بلسانها لكلكه

[شقردي حرب]

حلووووه العرف قسم سليم وعتيبه
والقبائل الثانيه مالها نصيب من العرف ؟؟؟؟؟؟؟


وجهك نضرك ياكلاشنكوف

ماظنها لملفي المورقي

ملفي رجل عاقل يعرف اللي له واللي عليه

[كلاشنكوف]

الله يهديك ياشقردي حرب ألا القبايل لها قسم في كل العلوم الطيبه وهذا يكون في علمك في موال قالها ملفي وأظن رباعيه واللي معه أظن أبن عتقان السلمي واللي ضدهم أثنين قبيلتهم واحده وهذا ذكاء من أبو وافي لإستثارة الناس اللي مثلك حبيبي مع أن الرد على ذلك جاء دبلوماسي من الشاعر المقابل وبعض الخدع تعتمد حين ينظر لها أنها ذو حدين وأبو وافي صادق على حد فهمك في الشعر عموما شكرااااااااااااااا

[بتاع]

أخي كلاشنكوف



انا عندي تحفظ على بعض كلامك وبالاخص (والعرف مقسوم بين سليم وعتيبه)

ما اقولها لاني ماني بعتيبي ولكن كلامك فيه اجحاف بحق الاخرين

طرا في راسي بيت ليس للمحاوره ولكن القريحه قدمته لك على طبق من ذهب
واتمنى ان تتقبله بصدر رحب


للرجال حقوق لازم توفيها=وانا ماني بمن يجهل حقوقها



ومع كل هذا إعلم انك فرد من اقاربي اللذين يحملون اسمي على ضهورهم مهما كان ولذلك لا استطيع إلى أن أبين لك الطريق الصواب .

[كلاشنكوف]

الله يمسيك بالخير يابتاع
أول شي أنا ما أجحفت في حق أحد الله يهديك أنت بعد ومثل ماوضحت لشقردي مايحتاج أعيد ويوجد شريط فيديو وكاسيت لتلك الحفله لعلكم تشترونه وتفهمون وأنا متعمد أذكر ذلك لشاعرة شمنصير لأنها متمكنه ويمكن سمعت تلك المحاوره فتكون قريبه حول معناي الذي سأوجهه لها فيما بعد عساك فهمت
وللرجال حقوق ماني بنافيها = (ومن حضرها باع ولا أشترى في سوقها)
أخي الشاعر في الملعبه يختلف تماما عن خارج الملعبه والفتل والنقض أحيانا في الرباعيه يكون بينك أنت ورفيقك الذي معك في صفك بتقول كيف ! النقاش يرجع بينكم إذا مافهموك الثنين اللي أمامك وجاراك اللي معك وأقتنعت يعني عدل لك في ردودهم والنوع هذا مايطول والضياع مصيبه ياعزيزي

[شقردي حرب]

اللي مثلك حبيبي



لاتعليق

ليش مايكونون اللي مثلك ولازالت تردد على ذهنه ههههههه
اذا صدقت قالها ملفي



اما بالعب يمكن يقول ايت شاعر هكذا واكثر ويعتبر اللعب مزح مااحد يزعل منه
ويتقبلها الشاعر والمستمع بروح رياضيه

ولاكن مايحق للي مثلك انه يستغلها وتكون عناوين موضوعه ويعتبرها بعين الاعتبار

[بتاع]

اتمنى ان محد يزعل ولا ياخذ في خاطره لا كلاشنكوف او شقردي حرب او اي واحد يطرح رايه .


انا اترك الراي ولا يهونون الجماعه لمحمد العطاوي لاني حسب نظريتي واعتقادي انه عاقل وفاهم واتمنى انه يرد على آرائنا انا وشقردي حرب .



انا بغيت ازيد على كلامي ولكن سبقني عليه شقردي حرب وقال الي بغيت اقوله .

[شقردي حرب]

بتاع الله لايهينك
يبقي الحلال بين والحرام بين
ولاتخفي على الرجال الحقيقه

[كلاشنكوف]

ماتلحق الشكات كود الرديين يالطيب وأنا طلبت شاعرة شمنصير ماطلبتك وش اللي طلعك من بين جميع الأعضاء وأنت تدري أن بعض مايقولون الشعراء بالأصح ماهو إلا مزح بينهم وينتهي خارج الملعبه وبعدين أنا مدري لو أنك أنت صاحب المنتدى ولا مرجع لي عشان تعلمني باللي يحق لي واللي مايحق لي عاد أسمع اللي يفصل بيننا ماهو خرابيطك اللي تكتبها طاروق عندك ولا عندي ونشوف

[شقردي حرب]

ماتلحق الشكات كود الرديين يالطيب وأنا طلبت شاعرة شمنصير ماطلبتك وش اللي طلعك من بين جميع الأعضاء وأنت تدري أن بعض مايقولون الشعراء بالأصح ماهو إلا مزح بينهم وينتهي خارج الملعبه وبعدين أنا مدري لو أنك أنت صاحب المنتدى ولا مرجع لي عشان تعلمني باللي يحق لي واللي مايحق لي عاد أسمع اللي يفصل بيننا ماهو خرابيطك اللي تكتبها طاروق عندك ولا عندي ونشوف
ماشالله على اسلوبك والفاظك الفاظ انسان عاقل
الله لايغير عليك

اختصار الموضوع
مايشرفني العب معك لانك جاهل لاكن لو كبرت وعقلت ياحبيبي ابشر

[محمد ابن براك العطاوي]

السلام عليكم ورحمة الله وبركاته
مساكم الله بالخير جميعا
اول شي يالربع ( الخطا وارد وحصل ) والعرف مهوب لقبيله عن الثانيه العرف للقبايل كلها وكل قبيله فيها حقها من رجالها ولها نصيبها من العلم الغانم ولايلحق الشك والقبايل اكبر من تقييم الناس واكبر من كلامهم واكبر من الشعر كله

ثانيا : اذكركم ببيت قاله احد الشعار وانتم اكيد اعرف مني بلا شك والبيت يقول :

وخل الطافحات تزل عنك = يجيك من النوايب ماكفاك

ومثل هالكلام لازايد ولاناقص واللي مافيه خير فرقاه اخير

ثالثا : انا طالبكم تقطعون النقاش والجدال في هالموضوع
والزعلان يبشر بالحق ولاهنتوا

ودمتم سالمـــــــــــــــــــــ ــين

[شقردي حرب]

السلام عليكم ورحمة الله وبركاته
مساكم الله بالخير جميعا
اول شي يالربع ( الخطا وارد وحصل ) والعرف مهوب لقبيله عن الثانيه العرف للقبايل كلها وكل قبيله فيها حقها من رجالها ولها نصيبها من العلم الغانم ولايلحق الشك والقبايل اكبر من تقييم الناس واكبر من كلامهم واكبر من الشعر كله

ثانيا : اذكركم ببيت قاله احد الشعار وانتم اكيد اعرف مني بلا شك والبيت يقول :

وخل الطافحات تزل عنك = يجيك من النوايب ماكفاك

ومثل هالكلام لازايد ولاناقص واللي مافيه خير فرقاه اخير

ثالثا : انا طالبكم تقطعون النقاش والجدال في هالموضوع
والزعلان يبشر بالحق ولاهنتوا

ودمتم سالمـــــــــــــــــــــ ــين
كلام عين العقل يامحمد
بيض الله وجهك
وطلبك رخيص وانت غالي
على عيني وراسي يامحمد

[كلاشنكوف]

السلام عليكم ورحمة الله وبركاته
أخي شقردي حرب هل يوجد بحرب شقردي غيرك؟
أخي شقردي حرب أنا مثقف قبل أدخل عندك هنا وهنا لعب ماهوب كل ماطلبنا شاعر أو شاعره طمرت تفتش العلوم والعرف مقسوم بين سليم وعتيبه يعني مافيه شعار ألا أنا وأنت يا أبن عتقان في تلك الليله وهي مداعبه من ملفي للثنين المقابلين ركبت على وقفة الموال ولاننقص حق أبو وافي وهو شاعر متمكن فهمت أنت وجحا البتاع
أما أبن براك على العين والراس وأظن أنا وضحت كل شي والمعنى عادي نقدر نغيره مع الشاعره المتمكنه والعملاقه شاعرة سلمنصير

[الغنامي]

السلام عليكم ورحمة الله وبركاته
الأخت شاعرة شمنصير ألعبي ولايهمك ياشاعره والسؤال سيورد لك البيتين الجايه (والعرف مقسوم بين سليم وعتيبه) شطر من محاوره لملفي المورقي

سلام يا أهل الحجاز ولاتهون الرجال = يا أهل الحجاز الرجال ومن في المملكه
من بنت وأخت الرجال أبغى جواب السؤال = والشاعره لايجي بلسانها لكلكه


صح لسانك يـآآكلآآش وصح لسان قبيلك ..

وانا في صفك ياكلآآش

بس للمعلوميه .. الموال ذا لملفي المورقي بس كانت رباعيه بين ملفي المورقي وعبدالله الذيابي(العمى) وفيصل الرياحي (الله يرحمه) وتركي الفين

حبيت اوضح لكم فقط لاغير ...

واصلوا واصلوا

[كلاشنكوف]

مرحبا يالغنامي والله يعطيك العافيه وأتشرف أنك بصفي
وأنت صادق في الرباعيه وعبدالله بن عتقان السلمي كان معهم في الحفله وقصد ملفي مثل ماقلت أنا مداعبة الثنين على مسمع أبن عتقان ألا إذا هو نفسه بيغير ماقاله في تلك الرباعيه!
بس الشباب كبروها شوي يالغنامي وأنت ماتبي لك طاروق حامي

[الغنامي]

يـآ كلآآش .. المحاورة ذيك ماكان فيها إبن عتقان .. لأنهم ع ماظن لعبو رباعيه مرتين وهم نفس الشعار ..

يعني لو ابن عتقان معهم كان لعب في الرباعيه الثانيه

كلاش .. خل عندك روح رياضيه

شقردي .. خل صدرك وسيع . وانت مالاحقك شك فيك وفي قبيلتك .

وشكرا ..

[شاعرة شـمنصير]

يالي تسلم ومالي في سلامك مجال= ياراعي الفبركه ما تمشي الفبركه
اذا صرفت الذهب ياتيك صرف الريال= وشلون نصه خذيته وانت ما تملكه

[كلاشنكوف]

أثبت كلامك يالغنامي بعدين وش نقزك بيننا المطلوب من الحبايب أبن براك وأنت وش موقعك من الأعراب

أنتي من أهل الحجاز بدون شك وجدال = أن كان فيك بركه ولا مافيك بركه
غير الذهب والريال أنتي معك راس مال = قالوا تغنين فالحفلات في مدركه

[كلاشنكوف]

تراني مستعجل ونسيت التنسيق ياشمنصيره

[شاعرة شـمنصير]

ماتصلح التاليه والجود فال وعقال=تدرك كلامي وبعض الناس ما يدركه
انا مقرب مكان الجرب يابن الحلال= مايقرب الجرب غير اللى يبى الحكحكه

[كلاشنكوف]

أنتي سمعتي بوعل يضرب براسه جبال = أنا أشهد أنه معه يابنت كثر حركه
يالطاهره مالحقك الشك في كل حال = اللي يعرف الفلك علمه يحيط فلكه

[شاعرة شـمنصير]

اكلاش يطلق رصاصه في جنوب وشمال= ابلا عيار اطلقه والناس في معركه
اذا شربنا شربنا من منابع زلال= وشعيل ما يبرك اللى لا لقي مبركه

[كلاشنكوف]

كلاش يطلق رصاصه والهدف عال عال = يفتل ولوك غديتي دربه بيسلكه
أركيت معناي يالسلمان في جال جال = صاف البحر غثربه شيعي يحب سمكه

[ابومسواك]

الله الله
فعلا عال العال
كلاشنكوف اعجبتني بيوتك جدا
وتراك محجوز لقافي القادم ولاتهون
شاعرة شمنصير
عيني عليك باردة
كل ما زاد عليك الحمل ثبتتي
صحت السنتكم
والمحاورة لاتقبل النقاش

[كلاشنكوف]

الله لايهينك يا أبو مسواك وأحترامك لنفسك أولا ثم أحترامك لغيرك هو بحد ذاته تشجيع لي وشاعرة شمنصير عملاقه بمعنى الكلمه ومجاراتها ونقضها يعجزن المتحدث عنهما وأنا أتشرف باللعب معك على أي طاروق وفي أي وقت

[مشعل الثبيتي]

هدوووووووء هدووووووووء




شباب على كلام اخوي محمد الخطا واااااارد




ونعم بجميع القبايل ولافيهم قصور



والدعوهـ : استفزاز للشاعر المقابل فقط لاغير



لاتفسرونها على كيفكم




بيض الله وجهكـ ياكلاشنكوف


وبيض الله وجهك يالشقردي


وانتم اكبر من الكلام هذا




انا طالبكم تقطعون الجداااااال والنقاااااش




وشكراً


تقبلو مروري



اخوكم



الثبيتي @@

[شاعرة شـمنصير]

اكلاش يطلق رصاصه مير شارد وذال = واذا رميناه رميه متقنه تهلكه
اركيت معناك لوانه مجرد خيال=والشيعى اوثقت في راس العزيز اشركه

[فهيد المورقي]

الله الله الله

صحت السنتكم جميع


تحيتي

[كلاشنكوف]

مرحبا بك يامشعل الثبيتي وأنت صادق فيما تقول والحمد لله ماصار شي والنفوس طيبه والمجال هنا مجال لعب فقط وليس للحقد والمنافسات الملغومه من باب ضعف النفس وأبشرك ماحصل عندي أي أختلاف ولعبي مع شاعرة شمنصير كان من أحسن الطواريق ولعب جزل بين الطرفين فيه شد وربط وفهيد المورقي مشكور

[كلاشنكوف]

هلا شاعرة شمنصير أكتفيت بردودك ويعطيك العافيه أنتي أسطوره في المحاوره ولنا لقاء اخر إن شاء الله