شموخ عرعر والشمال ..... قصيده القيتها امام امير عرعر

[عبدالله رجاء العنزي]

ياتراحيب القصايد ذعذعي حلو السلام =ذعذعي حلو المعاني في جماهير الحضور
ياسلام الله ياميراً رفعته شان ومقام=ياسلام الله نزفه من نسانيس العطور
حي من هو له مكانه تنعرف وسط الانام=حيو معنا اخو نوره نسل وافين الشبور
صقرنا صقر الشمال وصقرها باحلى وسام=صقرنا راع المكارم ساطعاًنجمه بنور
باسم تركي به نحيي والتحايا باهتمام=عد ماقالو قصايد من قديمات العصور
باسم تركي ابن مقرن نسل وافين الكرام=باسم من هو باحتفاله بخر العليا بخور
يالله حيه يالله حيه مابها زيف وعسام=من قلوبن بالمحبه نضمها فيكم جهور
كلنا لاجلك سيوف سلها سيفاً حسام=في يمينك في يمينك كلنا عندك صقور
ياشمال السعوديه ياشمالن باحترام=ياشمالن نحتفل به من جنابك له ضهور
انت رمزاً نعتلي به عن متاهات الضلام=انت درعاً شيدو به من معالم او جسور
كيف ابمدح والمدايح تنذكر لك باهتمام=المدايح في جنابك تبتهج لك في سرور
انت عدلن يعتدل به كل مضلوماً مضام=وانت خيراً سطرو به بالمكارم من سطور
ساهره عينك تراقب كل حقاً ماتنام=كل شعله بالحقايق من شموخك ماتبور
وكل حاقد او مخرب جعل حضه في عدام=جعل حضه ماتساوا كانه ارهابي فجور
من نواكي يابلادي مايبشر بالسلام=روحنا تفدا عشانك بالحميه لك تفور
دام ابومتعب زعيمك مايزعزكي هدام=دامنا صفاًبصفه ابشري بسرب النسور
ياتراحيب القصايد ذعذعي حلو السلام=ذعذعي حلو المعاني في جماهير الحضور
ياسلام الله ياميراً رفعته شان ومقام=ياسلام الله نزفه من نسانيس العطور