بدايه ...وهج الهواجس بغرابيل

[وهج الهواجس]

سلامِ نزفه فوق ساحه غرابيل=سوات الحياء لا عل شهب الدياري
باسوق القوافي مثل سوق الفناجيل=وابا اللي مع الجزلات بايع وشاري

[الاطلسي]

الا مرحبا بك بين ربعٍ مشاكيل=لا كن انتبه لا تصير رجل انتحاري
على العد وردها وحاذر من الميل=وانا حاظرٍ مغباش والا مساري

[ابومسواك]

ياسلام ياسلام
صحت السنتكم

[وهج الهواجس]

يدوم البقاء والصدق يابن الحلاحيل=مابه بالملاعب سيف ولاشباري
ان عارف اللازم بليل التعاليل=ولازمك عارف ويش يابن الحراري

[الاطلسي]

علامك تجنبها عن الحط والشيل=عسى ما طرا لك يابن الاجواد طاري
انا شفت برقٍ في عروض المخاييل=لكن ماش سيل ولا لقينا خباري

[وهج الهواجس]

مادام الدعاوي كلبوها تساهيل=علامك تطولك علوم قصاري
ليا لازم الفارس لسل المصاقيل=ترا ماعليه ان كان منته بداري

[الاطلسي]

على الهجن والا يا عميلي على الخيل=تحفت من الدرب المجاور سماري
علامك تحسب العلم في كتب الانجيل=تمر السفينه تحت جسر الكباري

[وهج الهواجس]

على الهجن ولا الخيل كلن معه حيل=ولاضن دون الحلق فيه اعتذاري
علامك علومك كلبوها تهاويل=على الاطلسي البابور ليل ونهاري

[فهيد المورقي]

صحت السنتكم جميع

طاروق كايف


متابعين

[مشعل الثبيتي]

الله الله الله الله



بيض الله وجيهكم



كفووووو كلكم

شعراء بمعنى الكلمهـ



تقبلو مروري




الثبيتي @@

[شقردي حرب]

صح الله السنتكم ياشعاااااااااااااااااار

[الاطلسي]

بقى فوق شهرين ويبين لك سهيل=ومن يسقي الاقصين سمي عذاري
انا عارف انك تحمس البن والهيل=يا وهج الهواجس ماسحٍ لك صحاري

[وهج الهواجس]

لو ان فيه شمس شعشعت لاقتفا الليل=كلام يقولونه طوال الشباري
لابالله احمس قلوب ناس معاليل=واعرف الثعل واعرف ذيب الغداري