ودي اسألك في تال الليالي علامك = ياولد ليش متنيل بستين نيله

[محمد ابن براك العطاوي]

السلام عليكم ورحمة الله وبركاته
الشاعر : الراهي لو سمحت اقلط على هالطاروق
استلم :

واجب انا نسلم لو بتقطع سلامك = ياسلامي سلام اسلام في كل ليله
ودي اسألك في تال الليالي علامك = ياولد ليش متنيل بستين نيله

[شقردي حرب]

صح الله لسانك يامحمد بن براك


وبنتضار الراهي

[محمد ابن براك العطاوي]

صح بدنك يالشقردي
ولاهنت على مرورك الكريم
دمت بخير

[ابومسواك]

صح لسانك وبدنك يابن براك

[االرااهي]

وعليكم السلام ورحمة الله وبركاته
حياك الله يابن براك

وأستلم لاهنت

مرحبا ياعميلن ماجهلنا مقامك = والتحيه صفات للرجال النبيله
يامحمد حلالك لايخالط حرامك = خابر ان لك مع الايام تسعين حيله

[محمد ابن براك العطاوي]

استلم لاهنت :

البقا وانت قدمي لاتراخى عظامك = ثم يقولون بعض الناس ضاع الدليله
الخطام بيميني والشداد بسنامك = والحمل يابعير القوم لازم تشيله

[محمد ابن براك العطاوي]

ابو مسواك لاهنت على مرورك الكريم

شرفتنا طال عمرك

دمت بخير

[فهيد المورقي]

محمد العطاوي

الراهي


صحت السنتكم جميع


متابعين

[بتاع]

الله الله


مبدا كايف

وطاروق شيق




صحت السنتكم ولا هنتو

[االرااهي]

أستلم أستلم



ماحسبنا حسابك لو بتكرب حزامك = وأنت مثل الذي لاشاف موته يجيله
يالعطاوي توقع لاتزعل عمامك = من عصى قدمنا يسري بها في شليله

[االرااهي]

فهيد المورقي
بتـــــاع
صحت ابدانكم والله لايهينكم
شاكرين مروركم

[محمد ابن براك العطاوي]

استلم لاهنت :

انت صايم ولكن ليش تجرح صيامك = هات علمك وتاخذ ياعميلي بديله
لو تزيد الهقاوي لايغرك كلامك = انت حقك على روس الرجوم الطويله

[االرااهي]

أستلم أستلم

أنت تحلم ولكن لايغرك منامك = لد عينك وخايل يم ذيك المخيله
ليش وقتك تلومه يامحمد ولامك = وحظك اللي يحدك في دروب الفشيله

[مشعل الثبيتي]

الله الله الله الله الله الله



الله اكبر عليكم يالمبدعين



كالعادهـ ابداعكم


وشهادتي فيكم مجروحهـ



ههههههههههههه



ومازلتوا مدفونين >>>> فاهميني صح ؟؟




صح السنتكم




وتقبلو مروري !!



اخوكم





الثبيتي @@

[الغنامي]

إبن برآآك ... الرآآهي

صحت ألسنتكم

متـآآبع لكم