خالد الجعيدان السبيعي
09-06-2009, 06:51 PM
مساكم الله بالخير جميعا
بمسيكم اليوم بهذه القصيدة المتواضعة علها ان تجيد مكانا في قلوبكم
مانيب شاعر غزل لكن بنجزّها =لجلك حروفه ولو غصب واسرّيها
اكتب بيوت ٍ من الخافق واطرّزها =ابذكرها لا طرا متجمل(ن) فيها
يا بنت شوفي هلشعار اللي ابرزها =مثل القلايد على نحرك اخليها
قومي تباهي بها باجمل طرايزها =وآنا آتباهى بمحاسنك ف قوافيها
ذكرك على هالقوافي شي يميّزها =مثل الليالي بها البدر اللي يضويها
والشعر يزها بذكرك مثل ما تزها=روضة بالازهار به عطره يندّيها
يا بخت الابيات يوم اني ابروزها =بحروف ذكرك ويا بختك براعيها
يااللي بعيونه تغدي رجال لجنايزها =ان هي غدت مهجتي فانت اللي راميها
نفسي انا من هوت محد(ن) ينغزّها =غير الهوى وما حد(ن) عنّه يسليها
اضحك وانا عبرتي بعيني الفّزها =ادموعي لو هي بمتن السحب تعييها
ودي اهله فانا لي دهر كانزها =برتاح لكني آبغرق بتاليها
اشعاري ما تخلى من شكوى تهزهزها =ولولا الهوى والعنا ما خضت واديها
ان كان ما به رجا آبتجاوزها =محبوبتي وعارف(ن) مانيب ناسيها
ماني مذلل وراها نفس اعزّزها =حتى لو اني مولع به وهاويها
ما كل من حب بنت(ن) هو تجوّزها =وما كل ثمرة تنوله يد باغيها
لا تامل لنفسك تقول اني حاجزها =وتخيب الآمال وتقضي العمر باكيها
اقنع بقسمتك ونفسك لا تكزّزها =الكل ما تشتهي تضيع ف بلاويها
والنفس يلزمها دووم الصبر يركّزها =وخيمة بلا طنب(ن) الارياح تطويها
وسلااامتكم
بمسيكم اليوم بهذه القصيدة المتواضعة علها ان تجيد مكانا في قلوبكم
مانيب شاعر غزل لكن بنجزّها =لجلك حروفه ولو غصب واسرّيها
اكتب بيوت ٍ من الخافق واطرّزها =ابذكرها لا طرا متجمل(ن) فيها
يا بنت شوفي هلشعار اللي ابرزها =مثل القلايد على نحرك اخليها
قومي تباهي بها باجمل طرايزها =وآنا آتباهى بمحاسنك ف قوافيها
ذكرك على هالقوافي شي يميّزها =مثل الليالي بها البدر اللي يضويها
والشعر يزها بذكرك مثل ما تزها=روضة بالازهار به عطره يندّيها
يا بخت الابيات يوم اني ابروزها =بحروف ذكرك ويا بختك براعيها
يااللي بعيونه تغدي رجال لجنايزها =ان هي غدت مهجتي فانت اللي راميها
نفسي انا من هوت محد(ن) ينغزّها =غير الهوى وما حد(ن) عنّه يسليها
اضحك وانا عبرتي بعيني الفّزها =ادموعي لو هي بمتن السحب تعييها
ودي اهله فانا لي دهر كانزها =برتاح لكني آبغرق بتاليها
اشعاري ما تخلى من شكوى تهزهزها =ولولا الهوى والعنا ما خضت واديها
ان كان ما به رجا آبتجاوزها =محبوبتي وعارف(ن) مانيب ناسيها
ماني مذلل وراها نفس اعزّزها =حتى لو اني مولع به وهاويها
ما كل من حب بنت(ن) هو تجوّزها =وما كل ثمرة تنوله يد باغيها
لا تامل لنفسك تقول اني حاجزها =وتخيب الآمال وتقضي العمر باكيها
اقنع بقسمتك ونفسك لا تكزّزها =الكل ما تشتهي تضيع ف بلاويها
والنفس يلزمها دووم الصبر يركّزها =وخيمة بلا طنب(ن) الارياح تطويها
وسلااامتكم