المساعد الشخصي الرقمي

مشاهدة النسخة كاملة : افـــــكـــار لليــوم المــفــــــتــو ح أرجوكم


غريبة الروح
10-05-2004, 05:13 PM
السلام عليكم ورحمة الله وبركاته...

في يوم مفتوح في مدرستنا الاربعاء بعد اسبوعين .. وبصراحة أبي أفكار لهذا اليوم
وبصراحة أبي أفكار لهذا اليوم
مسابقات ومسرحيات وكل شيء يخطر على بالكم ..بس اذا تسمحون ياريت تكون الفقرات خفيفة ..وبالنسبة للمدرسة اهي متوسطة

اتمنى ما اكون اثقلت بطلبي وما تقصرون...


تحياتي
جواهر
10-05-2004, 05:30 PM
اوكيشن




بشوف مشرفة النشااااط واخذ اللي عندهاا
م.عبدالله
10-05-2004, 07:23 PM
انا برأيي

تجيبون ساحر

يسوي حركات ويطلع حمام وبقر من الصندوق

\
:برافو:
جواهر
10-05-2004, 08:14 PM
الله ياخذ عدوك نصاااابيكو




وش شرايك انت تقوم بهذي الحركات:تصفير: :تصفير:
جريح الشمال
11-05-2004, 07:19 PM
الافكاررررررررر كثيره

اول شي المسابقات الخفيفه

مثل مسابقة أكل لليمون اسرررررع واحد يكون الفائززززز

....................

او مسابقة البحث عن الكنزززززز بحيث تجعل ريال حديد بالطحين وتخلينها في اكثر من صحن وكل طالبه عند واحد

...................................

مسابقة الحليب
تخلين الحليب في بز واللي تشرررررررب اسرع

@@@@@@@@@@@@@@@@@@
بالنسبة للمشاهد

الترجمه بحيث تعطي بنت مثل وهي تحاول تترجمه لزميلاتها دون الكلام بس لابد تكتبي بورقه كبيرة المثل من شان الجمهووووور يعرفه


اتمنى يحوووووووووووز على رضاك

يسلموووووووووو
الجريح
13-05-2004, 12:47 AM
ولا يوم مفتوح حظرته بالمدرسه
مفرح بن مناحي
13-05-2004, 10:23 PM
أختي العزيزة .. غريبة الروح

فيه فقرات كثيررررررررة ...

وسويناها عندنا في اليوم المفتوح ..

ولكن هناك فقرات ما تناسب الطالبات ..

علشان كذا بقول لك الفقرات اللي ممكن تناسب الطالبات ..

مسابقة الأكلات الشعبية ... وتكون مسابقة للأسر .. بحيث كل طالبة تحضر معها أكلة شعبية من البيت .. ويوضع على كل أكلة رقم ويتم توزيع ورقة على الحضور لاختيار أفضل أكلة ..


وأيضاً هناك فقرة .. وهي استضافة طالبة سابقة في المدرسة ( يعني تخرجت من المتوسطة نفسها ) وتكون من اللي كانوا يشاركون في النشاط ويكون معها لقاء بسيط

أما المسابقات فهي كثيرة جدااااا .. ويفضل أن يتم توزيع أرقام على الطالبات وتكون المسابقات عن طريق السحب على الأرقام .. ويكون هناك سحب على خمسة أرقام توزع عليهم جوائز بدون عمل مسابقة لهم .. حتى يكون فيه حماس ..

المسابقات ..

أسماء المدن والدول .. بحيث تكون هناك طالبتين متقابلتين .. وكل وحدة تذكر مدينة أو دولة .. واللي تكرر اسم من الأسماء اللي ذكرت تكون خاسرة ..

الرسم الجماعي .. وطريقته .. تكون هانك فرقتين كل فرقة مكونة من خمس طالبات أو أربع ... ويوضع قماش على عيونهم بحيث ما يشوفون شئ ... وقدامهم ومع كل وحدة قلم رسم .. وقدامهم لوحة ... وتطلع أول وحدة وترسم مثلا وجه .. وترجع .. وتروح بعدها الثانية وترسم عيون .. وترجع .. وتطلع الثالثة وترسم الخشم .. وترجع ... وهكذا .. حتى تخلص جميع الطالبات في المجموعيتن ..
والمجموعة الفائزة .. هي اللي ترسم أفضل .. ( طبعا بيكون هناك ضحك على الرسم اللي بيطلع .. لأن الوجه بيكون في جهة والعيون في جهة .. والخشم لحاله في زاوية ) ...


هذا اللي عندي الحين ..
وإذا ذكرت شئ برجع أضيفه على الرد نفسه ...

تحياتي

سهم المنايا
فالح الشلوي
14-05-2004, 01:57 PM
انا انصحك بالمسرحيات

وحاول تأخذين طالبات مهبولات معك يقدمون المسرحيه


وأذا بغيتي نص للمسرحيه أو مقدمه انا حاضر
غريبة الروح
14-05-2004, 02:02 PM
مشكور اخوي عـذب الأوهـــام

ياريت لو تعطين المسرحية

وعلى المهبولات أني اولهم


تحياتي
مفرح بن مناحي
14-05-2004, 09:45 PM
ما كنّ فيه ناس انجحدوا يا غريبة الروح :confused:
فالح الشلوي
15-05-2004, 01:21 AM
^
^
^
سهم وش تبي أنشالله :تصفير: