شيبت من كثر التفاكير تشييب

[فهيد المورقي]

هذه قصيده تعبر عن نفسها ارجو ان تنال على استحسانكم







شيبت من كثـر التفاكيـر تشييـب

عزي لقلبـي مـن همـومٍ ثقالـي

ماغير اودي بالهواجيـس واجيـب

وازريت من هـمٍ كنفنـي لحالـي

الهم عكـر صافيـات المشاريـب

ولاعادلـي قـدره ولاش احتمالـي

اونس بكبدي مثل حـر الملاهيـب

ياخـوف قلبـي لايجينـي هبالـي

عز الله اني من سلايل هل الطيـب

لكـن هـذا الوقـت لـه اجتوالـي

الوقت قاسي والزمن كلـه صعيـب

يالله عليـك المشتكـي واتكـالـي

المال شيـخ بومـةٍ كلهـا عيـب

والفقر هـدم لـه بيـوتٍ طوالـي

تكفون ياربعـي طـوال الاشانيـب

تكفون والا رحـت يـم الشمالـي

ابا انخي اهل الطيب واهل المواجيب

والا الـردي خلـه يقفـي حثالـي