رسالة الى مسئول

[شاعرة شـمنصير]

يا سلام الله سلام ن على المتواجدين = رده ترضى كبار العرب واصغارها
ياهل الديره نبي نسكت المتشددين= قبل لا نبت الحدايق يموت ازهارها

[مسري الشعار]

ياهلا يامرحبا بالجموع الحاضرين = كلمة ٍ ترضي صغار العرب وكبارها
الحقيقه مانقول الخوارج مسلمين = مير حنا نعطي الناس حسب افكارها

[ابومسواك]

صح لسان شاعرة شمنصير
وصح لسانك يامسري الشعار
ويبي لك تسرّي الشاعرات بعد ههههه
صحت السنتكم وواصلوا هذا الطاروق الجميل

[فهيد المورقي]

شاعرة شمنصير صح لسانك

مسري الشعار صح لسانك

طاروق كايف

متابع

تحيتي

[الاطلسي]

يا سلام ياسلام


صحت السنتكم ومتابعين

[شاعرة شـمنصير]

يامسري صح بالك ترى المعنى دفين=لا تروح يم دار دفنى نارها
فية ناس ما تحب العباد الناجحين= روحت مع موجة ن عاتي ن تيارها

[أبوعبدالرحمن]

صحت قلوبكم جميع

متابع لكم

[مسري الشعار]

خابرين السالفه ياسميره خابرين = ماتطيح الطايره دام انا طيٌارها
كان تبغين الصراحه تراهم صادقين = النماره ماتخش الظباع فـغارها

[مسري الشعار]

ابو مسواك - فهيد المورقي -الاطلسي - ابو عبدالرحمن

شرفتوا ونورتوا صحت ابدانكم ولاهنتوا

[شاعرة شـمنصير]

خابرينك يالسناقي من المتخابرين= فية ناس بالحقيقه تبيح اسرارها
ابك جينا في الحقيقة على دعوة ثنين=دعوة اهل العز عندي لها مقدارها

[مسري الشعار]

لاتسوي ذيب خلك حلو يا ابا الحصين = ادخل البيبان واحذر تهد جدارها
انتي الظاهر على كل دعوه تقلطين = مارديت ان الحفر دونها حفارها

[مسري الشعار]

تعديل خطاء أملائي

مارديت > مادريت

[محمد المحلكم]

انتي الظاهر على كل دعوه تقلطيـن

مارديت ان الحفـر دونهـا حفارهـا

الليل الليل يامسري قووووووووووووووووووووويه

[شاعرة شـمنصير]

والله انا لن قلطنا على سمن وسمين= يوم بعض الناس تكثر عليها اوزارها
مايضر اهـل النقاء من كلام القايلين=كـل لحـية يامـسري لها مـقدارها

[مسري الشعار]

مانصك الباب دون الرجال الغانمين = مير حوٌا وش نحصل ورى مسيارها
انتي منتي فالحرم مع عباد ٍ صالحين = ارفعي قدرك عن الشرذمه واوكارها



شاعرة شمنصير

اللعب بالتقصيد يضيٌع ثمرة اللعب وطعمه

نكتفي بهذا القدر

وصح لساانك

والعذر كل العذر على التقصير

تحياتي

[مسري الشعار]

محمد المحلكم

صح بدنك

ولاهنت يالغالي على مرورك الكريم

[شاعرة شـمنصير]

صح لسانك
واما التاخير في الردود تحكمة ضروفي الاسرية
والعذر والسموحة