تسجيل الدخول

مشاهدة النسخة كاملة : ثورة الذات



عبدالعزيز عبيد العدواني
04-06-2009, 08:26 PM
بين الغلط والصح سير(ن) يلفي = مع كل هبة ريح من غير توقيت
من خلقتي ما طحت رجوى لشفي = ولا على غير الله بسري ابديت
شاعر ولو هي بالمشاعر لطفي = مني لهيب(ن) يحتمي كل ما اخفيت
كم لي وانا والوقت ماهو بصفي = لين احسبني من جفاه استخفيت
عشر النجوم بثقلها وسط كفي = وعشرين فخ بوسطه الحي والميت
عن حاجة عفون الرجال استعفي = ومن دون حاجة من نخاني توابيت
ما اطلب مدام الحظ عني مقفي = حتى القلم لو عاضب اليوم صديت
اجاوب العزله واطلع واخفي = واليا اسفهل الجو للجو ناديت
كنت احسب ان الصدق قربه يدفي = يا ما انكويت من القهر بالتناهيت
الشعر عن بعض المواقف يكفي = لو بالمواقف يكثرون الطواغيت
ولو ما الشوارب عن طلبها تحفي = ما كان بان الصيت ومدور الصيت
يا خافقي راعيك دوم متعفي = دام القناعه كنز والعز له بيت

مفرح بن مناحي
04-06-2009, 09:05 PM
صح لسانك يا عبدالعزيز

جزل ورائع

لله درّك

وبانتظار جديدك

خالد الجعيدان السبيعي
04-06-2009, 11:12 PM
شاعر جزل ماشاء الله عليك

صح لسانك مدد بلا عدد

بانتظار جديدك وفريدك

أبوعبدالرحمن
05-06-2009, 11:53 PM
صح لسانك

وسلمت اناملك

تحيتي لك

عبدالعزيز الجفان
06-06-2009, 07:48 AM
صح لسانك يالعدواني عبدالعزيز..

موفق بإذن الله تعالى..

عبدالعزيز الجفان

عبدالكريم بن خزيّم
06-06-2009, 04:41 PM
الجزل / عبدالعزيز العدواني

صح لسانك مليون ولايوفون

نص وافي من وافي

تقديري ,,,,,

محمد بن ضاوي
06-06-2009, 04:50 PM
ولو ما الشوارب عن طلبها تحفي

ما كان بان الصيت ومدور الصيت

,

,

عبدالعزيز العدواني





صح لسانك ولاهنت

عبيد السراد
07-06-2009, 05:13 PM
الشعر عن بعض المواقـف يكفـي = لو بالمواقف يكثـرون الطواغيـت
ولو ما الشوارب عن طلبها تحفي = ما كان بان الصيت ومدور الصيت
يا خافقـي راعيـك دوم متعفـي = دام القناعه كنز والعـز لـه بيـت
عبدالعزيز عبيد العدواني
صح لسااااانك حتى ترضى
نص رائع وشاعر جزل
لله درّك يارجل
تحياااااااتي لك

عبدالعزيز عبيد العدواني
11-06-2009, 05:30 AM
الغالي / مفرح بن مناحي


صح بدنك ولا هنت


تحيتي لك

صهيل الصمت
11-06-2009, 11:30 AM
صح لسانك وقلبك ملايين ياعبد العزيز


اطيب تحية

حامد الجهني
11-06-2009, 11:58 AM
الرائع عبدالعزيز

صح لسانك أخوي ولاهـــنت
قصيدة جزلة بيض الله وجهك
تقديري واحترامي
أخوك
أبو تركي

ليــن القســا
12-06-2009, 08:24 AM
رائعة تحاكي الغمام سموا ..
سلمت ودمت للرائع شاعرنا