ياذيب

[سيف الدوسري]

ياذيب يلي فوق عالـي المراقيـب=يلـي مكانـك دايمـن فالصـدارة
شديتنـي بعـواك للبـوح ياذيـب=وريّحت قلبن كان عايـش بنـاره
لا واهنيـك ماتعـرف التعاجيـب؟ت=سهر وصدرك مايعرف المـرارة
ماتعرف المنقود وماتعرف العيـب=وماذقت طعم المنذلـة والحقـارة؟
مامر بك مامر بي وجاب لي الشيب=ألين شيّـب عارضـي وبغـزارة؟
مادري شوصفلك ولكنّـه صعيـب=(العيب فـاز فبعضنـا وبجـدارة)
الجار يلمح حال جاره مصاعيـب=ومايسعفـه وماكنـه بجنـب دارة
نسى الذي وصاه جبريل بالغيـب؟=ألين ظـن أنـه وريثـن لجـاره
عيب البشر والوقت خالي عذاريب=وكل ماخذينا نقول هـذي العبـارة
(أنـه تغيّـر ماتغيّـر أكـاذيـب)=وأللي تغيّر من سكن فـي مـدارة
وترى القدر بيرن كثير المشاريـب=مرة قراحن نشربـه ودبـج تـارة
والعمر فرصة والمواقف تجاريـب=والتجربـة يافـايـدة ياخـسـارة
أما أستفد من دنيتك وأكسب الطيب=ولاأنهزم وتعيـش عيشـة قـذارة
ولا جيت تاخذلك من العالم صحيب=فكر قبل كل شي واخـذ أستشـارة
خاو الرجال أللي تسوق التراحيـب=أللي تعز الضيـف تكـرم وقـارة
وأترك قليل الخاتمة جعلـه يخيـب=أللي الردا والضعف دايـم شعـاره
بعض الأوادم مايـودي ولا يجيـب=وبعض الرجال فمعرفتهـم تجـارة
وياذيب كف عواك برتاح ياذيـب=أن كنت تفهمني بمعنـى الاشـارة