غيابه

[سيف الدوسري]

أحباب لأ شتاقوا دروا عنهم أحباب=وأنا أشتياقـي صاحبـي مادرابـه
ياحظ حظه لا لفى الليـل وأنسـاب=ترتاح عينـه مـا يعـرف الكآبـه
وأنا سهير الليل مجروح منصـاب=أروح وأرجع دايمـن عنـد بابـه
ماهوب يفقد كل شخص ن اذا غاب=وماهوب يعوض كل شخص بغيابـه
كم واحد غايب ولا أحسب له حساب=وكم واحد موجود ماحسب حسابـه
وأنا فقدتـه دون حجـة ولاسبـاب=وماحدن معوضني بحضرة جنابـه
أحن له وأشتاق له وأبدي أعجـاب=قلب ن ألا من شاف وجهه سهابـه
شيّب براسي من بعاده وأنـا شـاب=عزي لراسـي مـا تهنـى بشبابـه
لا قلت أنا صابـر بفرقـاه كـذاب=لا ما تحمل عـن عيونـي ذهابـه
أرسلت له ناس ن على قلبه أقـراب=يعطونه أخبـاري وياتـي جوابـه
تكفون قولولـه مـدام أنـه يهـاب=ربـي قـوي البـاس كلـن يهابـه
اذا لقى جثة حبيبـه علـى البـاب=هـذا تـرى كلـه بسبـة غيـابـه