عبدالعزيز الشبلان
02-06-2009, 01:31 AM
السلام عليكم ورحمة الله وبركاته
اسعد الله اوقاتكم بالخير والمسرات
آمل ان تنال اعجابكم
على ذكرى الهجوس اللي تشد الحّل والترحال=تمر بطابع التصوير والاوراق مكشوفه
تناسيت الورق لحظه وجيت بشمعة المحتال=أدور عن بعض ذاتي وشيل الهم من جوفه
وردد فالخفاء رحلة عذابي وأضرب الامثال=على شان الزمان اللي رماني داخل صفوفه
حبيبي والزمن طاغي رماني رمية الجهال=وأنا واقف على باب الغرام ومنتظر شوفه
مواعيد الغرام اللي تعاتبني بدون إرسال=زرعت إلها المشاعر والمشاعر جات مقطوفه
وأنا ماني كذا لاكن على شان الزمن بي مال=رضيت أكون أنا المحتال قلبي يحسب وقوفه
أعاتب وقتي القاسي وعذري يا منات البال=أدور للفرح فرصه تثير الوقت وظروفه
تعال وقدر الوقفه تعال وجدد الأمال=تعال ولايهمك هرجة الشمات وحلوفه
تعال وبعثر أوراقي تعال ولايهمك حال=تعال وخلني لحظه أعيش الجو بطيوفه
عليك الله في دنياك لا تبخل على بوصال=زماني ما رحمني والزمن يا مكثر سيوفه
نثرت الشوق في دربك على شان الوله بي طال=وأنا كلي وله والشوق يقراني على كفوفه
يذوب الصمت في لحظة لقاك وعطرك القتال=وشوف الناس من حوّلي تجمد كنها طوفه
هني أهلك ودارك والتحف في غرفتك والشال=تباهو في حضورك والجمال يحير وصوفه
مواريد الوصل جفت وأنا في داخلي لا زال=سواء صوت الحنين اللي كسر في داخلي خوفه
كتبت أغلا القصيد اللي يوثقني بدون جدال=وغنيت اللحن بأسمك وصار اللحن معزوفه
تعال وخلني لحظه أعيش بداخلي وختال=تعال وبعثر أوراق الزمن والشعر وحروفه
وسلامتكم
اسعد الله اوقاتكم بالخير والمسرات
آمل ان تنال اعجابكم
على ذكرى الهجوس اللي تشد الحّل والترحال=تمر بطابع التصوير والاوراق مكشوفه
تناسيت الورق لحظه وجيت بشمعة المحتال=أدور عن بعض ذاتي وشيل الهم من جوفه
وردد فالخفاء رحلة عذابي وأضرب الامثال=على شان الزمان اللي رماني داخل صفوفه
حبيبي والزمن طاغي رماني رمية الجهال=وأنا واقف على باب الغرام ومنتظر شوفه
مواعيد الغرام اللي تعاتبني بدون إرسال=زرعت إلها المشاعر والمشاعر جات مقطوفه
وأنا ماني كذا لاكن على شان الزمن بي مال=رضيت أكون أنا المحتال قلبي يحسب وقوفه
أعاتب وقتي القاسي وعذري يا منات البال=أدور للفرح فرصه تثير الوقت وظروفه
تعال وقدر الوقفه تعال وجدد الأمال=تعال ولايهمك هرجة الشمات وحلوفه
تعال وبعثر أوراقي تعال ولايهمك حال=تعال وخلني لحظه أعيش الجو بطيوفه
عليك الله في دنياك لا تبخل على بوصال=زماني ما رحمني والزمن يا مكثر سيوفه
نثرت الشوق في دربك على شان الوله بي طال=وأنا كلي وله والشوق يقراني على كفوفه
يذوب الصمت في لحظة لقاك وعطرك القتال=وشوف الناس من حوّلي تجمد كنها طوفه
هني أهلك ودارك والتحف في غرفتك والشال=تباهو في حضورك والجمال يحير وصوفه
مواريد الوصل جفت وأنا في داخلي لا زال=سواء صوت الحنين اللي كسر في داخلي خوفه
كتبت أغلا القصيد اللي يوثقني بدون جدال=وغنيت اللحن بأسمك وصار اللحن معزوفه
تعال وخلني لحظه أعيش بداخلي وختال=تعال وبعثر أوراق الزمن والشعر وحروفه
وسلامتكم