000 خبر 000 [الأرشيف] - منتديات غرابيل

محمد بن ضاوي

01-06-2009, 08:32 PM

,

,

,

والله مدري منين ابدا وكيف اقول!!

انا اكيد ماكتبت الموضوع الا اني بقول اللي عندي

قبل لا اقول احب اقول لكم اني معكم وراح ابقى معكم باذن الله

ومافيه شي بالدنيا راح يقدر يحرمني منكم او يحرمكم مني باذن الله

انا هنا في غرابيل حسيت بالامان كثير وحسيت اني بين هلي وربعي وفعلا عشت الانتماء بكامل معانيه لهذا الصرح الشامخ

صحيح ما اقدر ابالغ واقول ان وقتي كله له ولكن معظم وقتي صار له وصار معكم يا اعضاء غرابيل

في النهايه حنا بشر وتحكمنا واجبات والتزامات وسنة البشر اللي تمشي عليهم

انا قد ماقدرت كنت احاول اكون معكم بس جا اليوم اللي صار لازم فيه اني اكون اسره واتزوج وفعلا قررت اتزوج وتزوجت

صار لي تقريبا شهر متزوج وحقيقه اني انزعجت كثير يوم انقطعت عنكم فترة الشهر اللي عدا بس والله كان غصب عني وماحبيت اقول لكم قبل زواجي عشان ماتقولو انو تزوج وتغير علينا وانقطع عنا

حبيت اقول لكم بعد ما ارجع واعتذر واوعدكم باذن الله اني ماراح انقطع عنكم مره ثانيه

صحيح اني راح اتعب شوي بكيفية التوفيق بين التزاماتي العائليه وتواصلي معكم بس انا من البدايه راسم منهج لي ومبلغ زوجتي انها لها علي حق ولكن جمهوري ايضا له علي حق ولا يمكن اني اتجاهله او اغيب عنه باي شكل من الاشكال

والحمدلله اتقبلت الوضع اللي قلت لها عليه وإتفهمت وجهة نظري

انا بيني وبين نفسي ادري اني ماني مشهور حيل بس ادري بفضل الله ان لي معجبين ومعجبات من شتى بقاع المنتدى

وادري ايضا انو خبر زواجي بقد ماهو مفرح لكم ولكنه يترك بعض الألم في نفوس بعض المعجبين والمعجبات

اللي فعلا اتمناه انو مانخلط بين الاعجاب بشخص وبين اي مشاعر اخرى

وانا هنا اوجه نداء وخصوصا لمعجباتي

اقولكم انو الحياة ماتقف على شخص واحد ,, الحياة ستستمر سواءا تزوج محمد بن ضاوي أم لم يتزوج

محمد بن ضاوي بشر .. مجرد انسان عادي قدر الله له انو يصبح مشهور ولكن من حقه انو يعيش حياته ويكون اسره وبإذن اله يجيب عيال يحملون على عاتقهم النهوض بهذا الصرح الشامخ تحت إدراة ابو سعد الذي اتوسم فيه المدير الناجح الفذ

في الختام اتمنى حقيقه انو يكون خبر زواجي خبر مفرح لكم جميعا
خبر فرحته تغطي على مساحة الحزن اللي تولدت بسماعه لاني على ثقه تامه ان اعجابكم بي وحبكم لي اكبر من اي شي كان

اتمنى تدعون لي بالتوفيق وبالذريه الصالحه واتمنى انو تثقون فيني اكثر واني ماراح اتغير عليكم ابد ابد

الله يسعدكم جميعا

مفرح بن مناحي

01-06-2009, 09:04 PM

ههههههههههههههههههههههههه ههااااااي

ههههههههههههههههههههههههه هاااااااي

بصراحة معك حق تحط التنويه هذا

والله لو أني ما حضرت زواجك لأقول أنك تكذب علينا ما تزوجت ههههههههههههههههههههههههه هههههههههههههااااااااي

الموضوع كله على بعضه منتاااااااااااااز بالحيل

لكن

ولكنه يترك بعض الألم في نفوس بعض المعجبين والمعجبات

المعجبات وفهمناها بس وش دخل المعجبين يزعلون ؟!!!!!

بالتوفيق لك في حياتك وفي هذا الشمخ الصارح خخخخخخخخ

أبوعبدالرحمن

01-06-2009, 09:04 PM

صراحة صدمني الخبر

لأني لاحظت أنك من يوم رجعت تواجدك قل كثير

وعطائك صار لايذكر

هذا وانا ما واطنك كيف معجبينك ومعجباتك الله يكون بعونهم

على العموم لازم ابارك لك

واقول منك المال والعيال والله يرزقك الذريه الصالحة

وهارد لك

أبوعبدالرحمن

01-06-2009, 09:06 PM

كتب : مفرح بن مناحي
بالتوفيق لك في حياتك وفي هذا الشمخ الصارح خخخخخخخخ

الله الله

متعلم حركات من ورانا يابومناحي

هذي من وين جبتها

اكيد من مازن

همس الرووح

01-06-2009, 09:06 PM

http://www.dohaup.com/up/2009-06-01/dohaup_1283529977.gif (http://www.dohaup.com/)

http://www.dohaup.com/up/2009-06-01/dohaup_1316317403.jpg (http://www.dohaup.com/)

http://www.dohaup.com/up/2009-06-01/dohaup_1070224642.gif (http://www.dohaup.com/)

http://up.3ros.net/get-5-2009-2jk4tpzx.jpg (http://up.3ros.net/)

راشد الراشد

01-06-2009, 09:07 PM

مبروك الزواج

وأنا رغم إني ما أعرفك لكن عندنا بنقالي بالاستراحة متأثر حيل بزواجك وحزين في نفس الوقت

ويقول خلاص أنا ما يبغى سعودية يبغى يروح بنجلادش خلاص نفر صديقي فيه يتزوج

جواهر

01-06-2009, 09:08 PM

<<<<<فيها ضحكه لو طلعت ثار بركان العيص ..

الف مبروك ياااا أخي .

والله يوفقك

غـــربة الــروح

01-06-2009, 09:12 PM

محمد بن ضاوي

01-06-2009, 09:14 PM

مرحبا يابو عبدالله ههههههههههههههههه

والله حضورك شرف كبير لي وفرحت له كثير

بس بذمتك وش رايك فيني وانا معرس؟

اهبل؟
اجنن؟

يازيني زينااااااااه صدق ههههههههههههههههههههههه

والله لو أني ما حضرت زواجك لأقول أنك تكذب علينا ما تزوجت ههههههههههههههههههههههههه هههههههههههههااااااااي

ياخي والله اني احسب العرس صعب وكنت شايل همه هههههههههه

يابسطه بسطاااااااااااااااااااااا ااااااه ,,, هههههههههههههههههههههه

المعجبات وفهمناها بس وش دخل المعجبين يزعلون ؟!!!!!

تمويه ههههههههههههههههههههههههه ههههه

همس الغصون

01-06-2009, 09:20 PM

الف مليووووووووون مبروك
والله يتمم لك على خير وسعادة
امنياتي لك بالتوفيق والسداد والذرية الصالحة

محمد بن ضاوي

01-06-2009, 09:21 PM

مراحب ابو عبدالرحمن

انتم السابقون وحنا لحقناكم هههههههه

على العموم لازم ابارك لك

واقول منك المال والعيال والله يرزقك الذريه الصالحة

باذن الله كلها سنتين ثلاث وتصير معلمه أد الدنيا ويصير كل شي منها المال والعيال ههههههههههههههههههههههههه ههههههههههه

عشان اتفرغ لشؤون المنتدى ويصير نشاطي يذكر هههههههههههههههههههه

محمد بن ضاوي

01-06-2009, 09:25 PM

همس الروح ,,,

الورد والعصير ذكرني بأشياء شيييييييييي هههههههههه

الله يبارك فيك وتسلمين على المباركه

محمد بن ضاوي

01-06-2009, 09:27 PM

راشد الراشد ,,

ليه ماتعرفني ؟؟؟؟؟؟؟؟

انا محمد بن ضاوي مشرف منتدى الشعر النبطي بغرابيل

الله يبارك فيك وتسلم على المباركه ههههههههههههههه

محمد بن ضاوي

01-06-2009, 09:30 PM

جواهر ,,,

اضحكي ياجواهر وش عليك

والله ماني مصدق اني تزوجت بس عاد حصل الحاصل ههههههههههههههههه

الله يبارك فيك ويوفقنا وياك للخير

شوق الفرح

01-06-2009, 09:32 PM

الف مبروك والله يتمم فرحتك بخير

محمد بن ضاوي

01-06-2009, 09:35 PM

غربة الروح ,,

مراحب فيك والف شكر على تهنئتك ومباركتك لي

الله الله فيها أمانة استرعاك الله عليها

لا يكرمهن الا كريم ولا يظلمهن الا لئيم

بلا معجبات بلا بصل ما عليك من احد اهم شيئ زوجتك تهتم فيها وتعطيها لتعطيك اكثر مما تتصور

انشالله ماراح اقصر معاها بشي

ترى والله اني حليل معها بالحيل بس شكلها راعية مناقيد وتشره علي بالحيل عشان ضحكي واجد وأسئلتي كثيره ههههههههههههههههه

بس من تالي احس انها دخلت معي في الخط هههههههههههههههههههه

جلنار2007

01-06-2009, 09:37 PM

والله حبيت ابارك لك ياخي واقول لك

الف الف الف مبرووووووووووووك

يا اخي علي الزواح ... الله يوفقك يارب ويرزقك الزرية الصالحة يارب عاجلا غير آجل

بس لا تنساني بالدعاء ان يرزقني الله بالزرية الصالحة يا رب عاجلا غيرآجل

شوووووووووووق

01-06-2009, 10:07 PM

الف مبروووووووك

منك الماااااااااااال ومنها العيااااااااااال

عاد ماوصيك الله الله بالعروس

الله يوفقكم يارب

وعقبااااااااااااال لكل العزاب والعازبات

غلا أبوها

01-06-2009, 10:20 PM

عريسنا يابدر بادي زانت ليالك السرور

عريسنا ياعطر زاهي غطى على كل العطور

:فوشي::فوشي::فوشي::فوشي:

ولا أله الا الله

ويامصلي الخامسين

ولا أله الا الله

هاذي عطايا الراحمين

وقولو بسم الله على غزلا طب وقولوا بسم الله

:عاشو::عاشو::عاشو::عاشو:

وقولوا بسم الله على غزلا طب

وياين دله أبو العيووووووووووون السووووووود يازين دلة

:رقص::رقص::رقص:

ووووووووووووووووووووه تعبت فهده كملي الزفة عني ذا ابن ضاوي مش أي حد خخخخ

وانا أقول وين أختفى بن ضاوي غرقان بالعسل

بس انا اذا تزوجت مابسوي مثلك بعلمكم بيوم زواجي وأعزمكم مو بعد شهر تعلمنا انك تزوجت :مزون::وردي:

ألف ألف ألف ألف ألف ألف مبروووووووووك الزواج ومنك المال ومنها العيال

المارد السعودي

01-06-2009, 10:26 PM

الف مبروك الزواج
كويس اهم شئ المدام متفهمة مو زي اللي عندي
الله يجيرني
علشان كذا ردودي قليلة
بسبب الغيرة اللي ذابحتها اخاف تنجلط من كثر الغيرة

عطر طيبه

01-06-2009, 10:31 PM

محمد ضاوي

الف الف مبروووووووووووووووك الزواج والله يوفقك ويسعدك في حياتك ويرزقك الذريه الصالحه

انا هنا في غرابيل حسيت بالامان كثير وحسيت اني بين هلي وربعي وفعلا عشت الانتماء بكامل معانيه لهذا الصرح الشامخ
معاك حق يالغالي قد نختلف في الاراء مع بعض لكننا نتفق على عشق غرابيل
وسجلني منمعجبينك لانك فعلا من الاقلام المميزه والذين يملكون خفة دم وروح عاليه

سليمان الذويخ

01-06-2009, 10:55 PM

مبروك يا اخ محمد
الله يجمع بينكما على خير ويوفقكم ويسعدكم ويرزقكم الذرية الصالحة
ويكفيكم شر حاسد اذا حسد

اهم شيء لا تغير توقيعك :مزون:

جميل الثبيتي

01-06-2009, 11:27 PM

السلام عليكم ورحمة الله وبركاته

اسعد الله قلبك وجعل قادم ايامك هناء وسعادة الحياة الزوجية

استقرار وبداية اسرة ومشاركه

جمعكم الله على الخير وبالخير وابعد عنكم الشقاء واحاطكم برعايته

وفقكم الله

apple of eye

01-06-2009, 11:32 PM

ألف ألف ألف مبروك

مطنوووووخه

01-06-2009, 11:35 PM

اول شي ألف مبروك والله يسعدك ويوفقك

بعدددددددددددددددددين ........... !!!!!!!
خخخخخخخخخخخخخخخخخخخخخخخخخ خخخخخخخخخ منهي اللي مالها تسبد ومعجبه فيك
وحقيقه زووجتك اعتبرها الزوجه الفولاذيه ... في شهر العسل وتمهد لها بتواصلك مع المنتدى ؟؟؟ والمعجبات؟؟؟ يااخي وش هالذوق اللي عندك لا وانا اتخيل انه مهوب تمهيد انا اتوقع انك جبت الهرجه على بلاطه وبدون مقدمات مالت بس
عمووما الله يعينها عليك ويعوضها بالجنه خخخخخ
ومره ثانيه الف مبروك بعد ما طلعت اللي براسي ومنك تطوير المنتدى ومنها الصبر خخخخخخخخخخخ
ولاتنسى وراعاتك سمهم على اسماء اعضاء المنتدى هههه

احمد خميس

02-06-2009, 12:02 AM

http://ar.netlogstatic.com/p/oo/008/707/8707113.jpg

الأميرة الناعمة

02-06-2009, 12:03 AM

و الله ما ظنتي تزوجت :وردي:

باقي فيك صرقعه الظاهر الحرمه ما عرفت تهديك :وردي:

على العموم الف مبرووك

عقبال ما نفرح بذريتك

عبدالله بن راجس

02-06-2009, 12:49 AM

يقول منهو فالطريق مخاوي = قبلك مشيناها وهي عاديه
وان كان منتب للمهمه قاوي = السنه اربع والعزايم نيه
حذراك تضعف يامحمد ضاوي = ترااا المره ماعندها حنيه

والف مبروك والله الله فالنصيحه ان وافقتك المره ولا حط الثانيه والثالثه والرابعه وتهون

ههههههههههههههههههههههههه ههههههههههههههههههه

خ ــيآلْ ~

02-06-2009, 01:20 AM

ههههههههههههههههههههههههه ههههههههههههههههه
<~ ماقدرت تمسك الضحكه خخخخخخخخخخخخخ ’

أول شيْ /

ألف ألف ألف ألف ألف مبرووووووووووووووووووك

الله يوفقك ويسعدك يارب ..
وعقبال مانشوف صور عيالك ~

الله يكتب لك الخير وراحة البآآآل ..

ثاني شيْ /

المعجبآآآت يزعلن بس مصيرهن يرضن !
هن بعد بكرآ بيتزوجن ويرحن ههههههههههههههههههههههههه

أخر شي /

حلوو العرس ^_^
والا هم مثل مايقولون البعض ( همْ ) .!!
يعني تنصح فيه والا لا هههههههههههههههههـ

ألف مبروك ياخويْ ..
الله يوفقك ياااااااااااااااااااااااا ااااااااربْ ~

’

سمووره

02-06-2009, 01:33 AM

مبروك اخوي محمد
الله يوفقك ويسعدك ويرزقك الذريه الصالحه

(( الثريا ))

02-06-2009, 01:34 AM

الاخ محمد الضاوي

الف مبروك اسأل الله العلي العضيم
ان يسعدك فيها ويسعدها فيك ويجعل قدومكم قدوم السعد على بعضكم
ونسمع خبرالمولود الاول ان شاء الله

اخ محمد مايمنع انك تضيف زوجتك لهذا الصرح الشامل
بحيث نتشرف في وجوده

اكرر الف مبروك

تحياتي

(( الثريا ))

اللـــــيث

02-06-2009, 01:56 AM

الف مبروك اخوي

منك المال ومنها العيال

وعسى الله يوفقك في حياتك

عآآآآزف غلآآآآ

02-06-2009, 02:01 AM

ألف مبروك .. لقد سعدت بهذا الخبر
***تـــــــــســـــتــــــ� �ــــــــــااااااااهـــــ� �ـــــل***
... مـــــــبــــــ أألـف تــرلــيـــوون ــــــرووكـــ ...
بــــــــااالـــرفـــــ ووالـــبــنـــــيــــــن ـــــــاااااهــــ
,,, زووااج الــــســـــع ــــااادة ووالــــخــــ يـ رر,,,
مـــنـ الــ م ــاااال ومــنـ هـ ــا الأولاد ـــــــكـــ
&&& تــــــقـــ م ر وو ر ي ــــبـــل&&&

صمت الاشواق

02-06-2009, 02:09 AM

::::

>>> شافت العنوان بالبنط العريض وحمر يلق لق اخترعت قالت بحالها هذا خبر سياسي بيغير الكون :مزون:

الف الف الف مليون ترليون مبروووووك اخوي بن ضاوي

منها المال والعيال عاد بهذا الزمان كل شيء من الحرمه الرجل مريح عمره مغير يطامر من منتدى لاستراحة :مزون:

الله يوفقك ويسخرها لك ويسخرك لها ويجمع بينكم على خير

تقبل مروري

دمتـ بخير

:::

شافي الدوسري

02-06-2009, 03:06 AM

موفق اخوي محمد
والله يرزقك الذريه الصالحه

فهده

02-06-2009, 06:50 AM

تمسك الخط مع غلا بابتها :)

:فوشي: لولولولولولوولولوللولولول ولولي :فوشي:

وقولو بسم الله ع غزالن طب قولو بسم الله
وشعرن تفله كنه سواد الليل شعرن تفله

وسعو الملعب لــ زين العذاراى في وصول
خلو الملعب لها وحدها يزها بها

<هذ1 اهداء لـ مرت محمد بن ضاوي :ويوي:

الـــــــــــــف مبرووووووووووووووووك ياجدوو

خساره كان عزمتني .. نفسي اشوف شكلك بالبشت
خخخخخخخخ

طيب ماينفع تنزل صورك بالبشت < :وت:

سلام..

صالح الروقي

02-06-2009, 10:12 AM

ماشاءا لله تبارك الله يامحمد
ومتزوووووج ولا عزمتني

هذه بحق

والله يوفقك ويرزقك الذريه الصالحه
ويجمع بينكما بخير
وعقبال مانشووف وراااااااااعينك اعضاء في غرااااااابيل

وتمسكهم الاشراااااااااااف بعد ماتقاااااااااااعد انت

موفق يابو ضاوي ولو اني زعلان يوم ماعزمتني

لكن المره الثانيه اذا تزوجت الثانيه لاتنسانا :)
تحياتي

ينابيع الأمل

02-06-2009, 12:34 PM

الف الف الف مبرورك
وبالرفاه والبنين
الله يسعدكما دنيا واخرة
وانتما في اتم الصحة والعافية

فايز ماجد

02-06-2009, 01:01 PM

اليوم جينا لابن ضاوي ملبين
......... دعوة زواجه ماحسبنا للاشغال

عساه والتوفيق دايم حليفين
...........وترزقْه ياربي مع المال بعيال

++++++++++++++

ألف ألف مبروك يامحمد مرة ثانية وثانية .........ات ست را

ياخي اعقل ههههههههههههه

انت الان رب أسرة ههههههههههههههه

محمد ليلة زواجه ينصحني بالزواج يقول يااخي استقرار ههههههههههههههههههههههههه ه

نبي صور معالم جزيرة موريشيوس وصورتها على الخريطة ههههههههههههههههههههههه

مخطط لاتزوجت اروح لها

عاد بسالهم تعرفون ابوضاوي اللي جاكم العام هههههههههه

الذوق الرفيع

02-06-2009, 01:08 PM

الله يوفقك ويسعدك

فخر أهلها

02-06-2009, 03:00 PM

< ههههههههههههههههههههههههه ههههههههههههههههههههههههه هههههههههههههه ودي اكتبها من هنا لعفيف

قسم فيني ضحكه كبيره وربي عليك اسلوب مدري منين جايبه هههههههههه

اصبر بخلص ضحك وارجع ابارك لك :)

احم احم < تنحنح من كثر الضحك

اول شي مبروك الف مبروك ولو اني والله ماني مستوعبه ياخي قد ماحاولت اركبها ماجت معي محمد ضاوي وزواج واسره ومسئوليه وربي ماضبطت :)
اتخيل انك ضحكتها ليلة العرس ههههههه

الله يوفقك ويسعدك ويرزقك الذريه الصالحه

تستاهل كل خير والله والله يسخرها لك ان شاء الله

بس اهم شي لاتغيب عنا :)

بس من الحين احذرك بناتك لايقربن اشراف النبطي هذا بالوراثه العيال بكيفهم البنات لااشوفهم ههههههههههههه

الف مبروك مره ثانيه

ريم القوافي

02-06-2009, 03:40 PM

الف الف مبررررررررررررررررررررررر وك
ماتخاف المعجبات بزعلو شوي وبعدين برضو هههههههههه
شو بدك في المعجبات المهم الان انت صرت مسؤول عن بيت وزوجه واولاد مستقبلا ان شاء الله
اهتم فيهم
بلا معجبات بلا هم
:مزون:

نسيم الهبوب

02-06-2009, 04:14 PM

ألف مبروووووووووووووووووووووو وك

وحياة سعيدة مع من تحب ..........

أم عزيز66

02-06-2009, 04:46 PM

الف مبروك الزواج خفف غرورك شوي

أنين الورد

02-06-2009, 05:42 PM

الف مبروووك وربي يسعدك وترى هذي ثاني مره ابارك لك بس تستاهل

عبدالعزيزالرشيدي

02-06-2009, 05:44 PM

الف مبرووك ومنك المال ومنها العيال

والله يرزقك الذريه الصالحه

جواهر

02-06-2009, 05:45 PM

انشالله ماراح اقصر معاها بشي

ترى والله اني حليل معها بالحيل بس شكلها راعية مناقيد وتشره علي بالحيل عشان ضحكي واجد وأسئلتي كثيره ههههههههههههههههه

بس من تالي احس انها دخلت معي في الخط هههههههههههههههههههه

ههههههههههههههههههههههههه ههااي

ههههههههههههههههههههههااي

ابن ضاوي

اهنيك على التنسيم ..

محمد بن ضاوي

02-06-2009, 06:16 PM

همس الغصون ,,,

هلابك همس وشاكر لك كثير وعسى الله يبارك فيك ويسعدك

محمد بن ضاوي

02-06-2009, 06:20 PM

شوق الفرح ...

الله يوفقك ويبارك فيك وشاكر لك

محمد بن ضاوي

02-06-2009, 06:27 PM

جلنار2007 ,,
الله يبارك فيك ويسعدك ويقبل منك

بس لا تنساني بالدعاء ان يرزقني الله بالزرية الصالحة يا رب عاجلا غيرآجل

تزوجي وابشري :مزون: قسم اني لدعي لك لو تزوجتي
الله يرزقك يارب بالذريه الصالحه ويسعدك دنيا واخره

محمد بن ضاوي

02-06-2009, 06:28 PM

شوووووووووووووق ,,

الله يبارك فيك ويوفقك يارب

وعقبااااااااااااال لكل العزاب والعازبات

ياضعيفونين ههههههههههههههاي

اشتقت لأيامك

02-06-2009, 06:35 PM

الف مبــــــــــــــــروووووو ووووكـ ...
عقبـــــــال الباقين...

حازمة

02-06-2009, 06:36 PM

ألف ألف مبروك يا بن ضاوي

لو أعرف اكتب شعر كتبت فيك قصدة أقول لك فيها ( خلك عاقل وخل عنك المعجبات ) :مزون:

مرة أخر ألف ألف مبروك جمع الله بينكم في خير

ابتسامة امل

02-06-2009, 06:38 PM

http://abeermahmoud.********************************************/338-congratulations.gif

محمد بن ضاوي

02-06-2009, 06:42 PM

غلا ابوها ,,

عريسنا يابدر بادي زانت ليالك السرور

عريسنا ياعطر زاهي غطى على كل العطور

والله لو اني معرس في جده هههههههههههههههه

بس انا اذا تزوجت مابسوي مثلك بعلمكم بيوم زواجي وأعزمكم مو بعد شهر تعلمنا انك تزوجت :مزون::وردي:

بس انتي منتي مشهوره مثلي

انا عشان المصلحه العامه تعمدت الشي هذا هههههههه

تسلمين غلا ابوها على هالتهنئه الذوق وعسى الله يبارك فيك ويوفقك وتصيرين مدرسه أد الدنيا (عاد افهميها انتي ) ههههههههههههههههه

محمد بن ضاوي

02-06-2009, 06:44 PM

المارد السعودي ,,,

الله يبارك فيك ويبقيك

كويس اهم شئ المدام متفهمة مو زي اللي عندي
الله يجيرني
علشان كذا ردودي قليلة
بسبب الغيرة اللي ذابحتها اخاف تنجلط من كثر الغيرة

ياخي الزوجات هذول مدري وش قصتهم ماغير بس يغارون ههههههههههههههه من جد الله يعينا يالازواج هههههههههههههه

ياحبي لي وانا زوج ههههههههههههههههههههههههه هههههههههههههههههههههههه

محمد بن ضاوي

02-06-2009, 06:46 PM

عطر طيبه ,,,

الله يبارك فيك اخوي ويجزاك عني كل خير واتشرف بكلماتك الحلوه عني

محمد بن ضاوي

02-06-2009, 06:48 PM

سليمان الذويخ ,,

الله يبارك فيك ويقبل منك ويسعدك دنيا واخره

وازهل التوقيع ماراح يتغير الا اذا وشى بي احد عند الخليفه ههههههههه

محمد بن ضاوي

02-06-2009, 06:49 PM

جميل ,,,

جميل ماكتبت ,,

الله يبارك فيك ويرضى عليك

شاكر لك كثير

محمد بن ضاوي

02-06-2009, 07:00 PM

apple of eye (http://www.g111g.com/vb/members/124824.html) ,,,

الله يبارك فيك وشاكر لك كثير

محمد بن ضاوي

02-06-2009, 07:06 PM

مطنوووووخه ,,

ثاني شي الله يبارك فيك ويسعدك ويوفقك

بعدين وش فيك علي؟؟ ليش هالتحطيم ؟ هههههه
ماتدرين انتي عن معجباتي ومعجبيني ههههههههههه ترى سمعت حالات انتحار كثيره وبكذا طريقه ههههه
شريط الاهداءات يشكي من كثر الناس اللي ترمي نفسها منه ههههههههههههههههه

ولاتنسى وراعاتك سمهم على اسماء اعضاء المنتدى هههه
تخيلي بس !!!!
واسماء مستعاره هههههههههه
قلوب الليل محمد
نهاية درب محمد
تعب قلبي محمد
بس مطنوخه وربي ما اسميها هههههههههه عشان ثاني مره ماتضحكين بي ههههههه

محمد بن ضاوي

02-06-2009, 07:07 PM

احمد خميس ,,

ياحبي لك يا احمد والله انك جدع

شكرا لحظورك

ريان عبدالله

02-06-2009, 07:52 PM

الله يوفقك ,ويجمع بينكم على خير, ويرزقك الذريه الصالحه.

خلك شديد وانا اخوك

والله شكلك قوي مررررره هههههه

محمد بن ضاوي

02-06-2009, 08:56 PM

حساسه ,,

و الله ما ظنتي تزوجت :وردي:

وربي اني متزوج ياحساسه والله صدق
حتى قسم ان زوجتي مخزنة رقمي بجوالها (زوجي العزيز الاسد القوي البطل)
ورب البيت صدق بس عاد انا اللي قايل لها تخزني عندها كذا هههههههههههههههه

انا مخزن رقمها باسمها الرباعي بس ياويل احد يجيني ويفتش جوالي ترى والله ما اسمح ههههههههههه

باقي فيك صرقعه الظاهر الحرمه ما عرفت تهديك :وردي:

الحرمه احس اني صدمتها من اول ليله هههههههههههههه

عرفتها على نفسي اول ماقابلتها (طبعا مافيه معرفه قبل العرس) هههههه
جاي رسمي بدون ضحك بدون شي قلت معاك زوجك محمد ضاوي العتيبي ههههههههههه بدون مزح بدون ضحك حسيتها انصدمت ههههههههههههههههههههههههه ههه لا وبعد سلام وجيه وكيف حالك ووشلونك عساك طيبه بشرينا عنك وكله بدون ضحك ومسوي نفسي رسمي ههههههههههههههههههههههههه هههه

عقبال ما نفرح بذريتك
والله اني مشتاق حيل اشوف ابنائي البرره هههههههههههههه ياحبي لهم حباه ههههههه

تسلمين حساسه على هالمباركه والتهنئه

سعود

02-06-2009, 08:59 PM

الف مليون ترليون مبروك

منك المال ومنها العيال

الله يوفقك في حياتك الزوجية ويسعدك

ويبعد عنك عيون الحساد

والله منت سهل يابو ضاوي

لك معجبين قصدي لك شعبية جاااااارفه

وصلت للصفحة الخامسة بسرعة الصاروخ

تحية عطرة

بنت ناس وقلبي الماس

02-06-2009, 10:15 PM

الـــف الف مـــبـــــــــرووووك الـزواج مــنك المــال ومنـــهـــا العيــال أن شاء الله

دلوعه كول

02-06-2009, 10:36 PM

مبروك ع الخبر
تقبل مروري
دمت بود

السلطعونة

02-06-2009, 11:20 PM

يا مرحبا أخوي::::

ألف مبروووووووووووك وتستاهل كل خير

الله يسعدك إن شاء الله ويكون الزواج باب رزق وخير عليك إن شاء الله

طيف

02-06-2009, 11:31 PM

<<< تحسبك متزوج منذ فتره :معقولة:

يالله بالمبارك

الله يكتب لك السعاده يارب

بالتوفيق :عنون:

ابداع القلم

02-06-2009, 11:58 PM

مبارك انشاء الله
وجمع الله بينكما بخير

ليــن القســا

03-06-2009, 12:16 AM

ألف ألف مبروك أخي محمد
أسأل الله لك السعادة وان يرزقك الذرية الصالحة ..

دفا المشاعر

03-06-2009, 12:22 AM

ومن هالمجنون اللي ما يفرح لك ولغيرك

الف الف مبارك محمد

بارك الله لكما وجمع بينكما على طاعته

منك المال ومنها العيال

الله الله فيها أمانة استرعاك الله عليها

لا يكرمهن الا كريم ولا يظلمهن الا لئيم

بلا معجبات بلا بصل ما عليك من احد

اهم شيئ زوجتك تهتم فيها وتعطيها لتعطيك اكثر مما تتصور

ردي مثل رد الغلا بانا سعودية << عاجبها حيــل

وأزيد عليه :

ألف مليار مبارك لك الزواج أخوي

وأحلى ما في الموضوع حاجتين :

- بنرتاح شوية من إزعاج شريط الإهداء ..
- بنرتاح أكثر إن انفتح شات الدردشة لا قدر الله مستقبلاً بغرابيل ..

ههههههههههههههههه

حط زوجتك بعيونك وساعدها بالطبخ والنفخ :icon_evil
وإن انقهرت منها بيوم لا تكب الصابون بالبلاط عشان ما تتزحلق المسكينة :11ight:

<< ميتة ضحك :11ughboun

بالتوفيق لكم والله يرزقكم الذرية الصالحة

ودي وتقديري

mido 3asali

03-06-2009, 12:32 AM

يواد من بدايتها بعدت عنها وجلست ع النت ههههههههههههه

الف مبرووووووك بس صراحة احييك انك نفذت بجلدك ودخلت نت

الله يوفقك وان شاء الله حياه جديدة حلوة سعيده

اخوك ميدو عسآالي

رجا القحطاني

03-06-2009, 05:33 AM

أولا ألف مبروك الزواج

وانشالله تبقي متواصل

مع المنتدي الذي يقدر تواجدك المضئ

تقبل تحياتي ابو ضاوي

محمد بن ضاوي

03-06-2009, 03:47 PM

ويرد زوجن للمراجل حاوي=زوجن تزوج زوجتن روقيه
يقول انا ماني بدربي غاوي=ابخص اموري لو ماهوب شويه
وشورك يابن راجس نواه الناوي=بس اطلب الله تضبط الماديه

حياك يابن راجس والله يبارك فيك ويبقيك هههههههههه

يابو راجس يازين العرس زينااااااااااااااه ايوالله هههههههه

تدري انا اكثر شي يعجبني اذا سألتها على غفله وقلت مين رجالك؟ ولا انا رجال مين؟
قسم بالله اذا قالت انت رجالي اني احس بنشوه واحس اني رجال فعلا ههههههههههههههههههههههههه ههههههههه

محمد بن ضاوي

03-06-2009, 03:59 PM

جنون الورد ,,,

الله يبارك فيك ويسعد قلبك ويوفقك

وعقبال مانشوف صور عيالك ~

وربي اني مشتاق لهم حيل

بالله ادعو لي كثير

ابي اسمع كلمة بابا ابي اسمع كلمة بابا

انا قاعد اوصي زوجتي (على فكره ترى اناديها كذا يازوجتي وبالفصحى بعد هههههههه)

قاعد اقولها انتبهي اذا جا لنا عيال لاتسوين سواة القرويات اذا جالهم اطفال قعدو يوصونهم ههههههههههه لاتقول يمه لاتقول يبه ههههههههههه قل بابه قل مامه هههههههههههههههههه من جد اكره الهاء في اخر الكلمات والمشكله الخبلات على بالهم متطورين ببابه ومامه ههههههههههههههههه

أخر شي /

حلوو العرس ^_^
والا هم مثل مايقولون البعض ( همْ ) .!!
يعني تنصح فيه والا لا هههههههههههههههههـ

يهببببببببببببببببل
يجنننننننننننننننن
ياااااااااخذ العقل

ترى مزح انتبهي تهورين وتقولين لهلك بتزوج هههههههههههههه

الله يوفقك ياجنون الورد ويرزقك الزوج الصالح اللي تنادينه يازوجي ههههههههههههههه

محمد بن ضاوي

03-06-2009, 04:01 PM

سمووره ..

الله يبارك فيك ويسعد قلبك ويعزنا دنيا واخره

محمد بن ضاوي

03-06-2009, 04:05 PM

الثريا ,,,

مراحب فيك شاعرتنا الجميله

الله يبارك فيك ويسعدك وشاكر لك مباركتك كثير

اخ محمد مايمنع انك تضيف زوجتك لهذا الصرح الشامل
بحيث نتشرف في وجوده

ماهيب شينه والله هههههههههههههه على الاقل استفيد منها واعرف وش قاعدين تكتبون في قسم المرأه هههههههههههههه

محمد بن ضاوي

03-06-2009, 04:06 PM

الليث ,,

الله يبارك فيك ويوفقنا وياك للخير

محمد بن ضاوي

03-06-2009, 04:07 PM

عازف غلا ,,,

الله يبارك فيك اخوي

والف شكر لحضورك وتهنئتك ولطفك

محمد بن ضاوي

03-06-2009, 04:13 PM

صمت الاشواق ,,,

شايفه بس !!! ههههههههههه

الله يبارك فيك ويسعدك دنيا واخره

الله يوفقك ويسخرها لك ويسخرك لها ويجمع بينكم على خير

هههههههههههههههههه وش عرفك على خطتنا ؟؟؟

اصلا انا متفق معها وقايل انو اذا كنا عند اهلي بنفخ عليك واشوف حالي عليك واني اسد وانتي تخافين مني
واذا جينا عند اهلها اخليها تومر علي واسوي نفسي اتبعها وما اقول معها بم ههههههههه عشان نسلم من الوصايا وفاشحه عليه واقشر معها ههههههههه

حركات ازواج جدد ههههههههههههه

محمد بن ضاوي

03-06-2009, 04:15 PM

شافي الدوسري ,,,

الله يبارك فيك ويوفقنا وياك للخير

محمد بن ضاوي

03-06-2009, 04:18 PM

فهده ,,,

الـــــــــــــف مبرووووووووووووووووك ياجدوو

خليني اطلع بابه هالحين هههههههههههههههههههههه

خساره كان عزمتني .. نفسي اشوف شكلك بالبشت
خخخخخخخخ

طيب ماينفع تنزل صورك بالبشت <

المشكله زوجتي تغار بالمره تغار علي وتحبني ههههههههههه

هذا بالاضافه الى اني اخاف على نفسي من العين :مزون:

تسلمين فهده على هالتهنئه الحلوه وعسى الله يبارك فيك ويسعدك

محمد بن ضاوي

03-06-2009, 04:24 PM

صالح الروقي ,,,

الله يبارك فيك ويسعدك وابشر بالحق ومايلحق ههههههههه

وعقبال مانشووف وراااااااااعينك اعضاء في غرااااااابيل

وتمسكهم الاشراااااااااااف بعد ماتقاااااااااااعد انت

يازين ورعاني زيناه ايوالله

وربي اني احبهم وانا ما اعرفهم لحد الان

بس تتوقع بيطلعون ذيابه على ابوهم ولا لا؟ هههههههههههه

محمد بن ضاوي

03-06-2009, 04:25 PM

ينابيع الامل ,,,

الله يبارك فيك ويوفقك يارب

محمد بن ضاوي

03-06-2009, 04:36 PM

صديقي فايز ,,

راعي واجب يافايز راعي واجب

لاخلا ولاعدم

نبي صور معالم جزيرة موريشيوس وصورتها على الخريطة ههههههههههههههههههههههه

مخطط لاتزوجت اروح لها

عاد بسالهم تعرفون ابوضاوي اللي جاكم العام هههههههههه

اسمح لي الصور كلها عائليه هههههههههه

بس والله الديره تستاهل من يروح لها

تضحك يابو ماجد تقول يعرفوني ولا لا؟ هههههههههه

ترى مارست عليهم عمليات النصب اللي احبها
والله لولا احترامي للاسلام واني محسوب عليه لسوي سوايا فيهم
بس المشكله المره بعبايتها وغطاها يعني مكشوف اني مسلم ههههههههههههه
بس والله احسهم يحترمونا اكثر من الاوربيين طبعا ماقابلت عرب ابدا ومن حسن حظي اني ماقابلتهم هههههههه

واحد من الفنادق اللي نزلتها كانو يشغلون لنا اغاني عربيه مع اني ما احب الاغاني ولا فيه عرب الا انا بس ولكنهم اعجبوني لانهم اهتمو فينا كمسلمين اكثر من الغربيين

قلت الحمدلله قد مالواحد يعتز بنفسه وبثقافته وبدينه قد مايفرض احترامه على الاخرين

تصدق بعد فيه فندق ثاني طلب علي كرت عايله هههههههههههه يلعن ام الحاله من جد ماكني سافرت ههههههههههههههههه

لا وبعد مانع لبس الشورت في المطعم ومانع الحريم من التنانير القصيره واللبس العاري هههههههه

بس والله حلوين

كثرت ,,, باقي المعلومات بعدين هههههههه
باي

محمد بن ضاوي

03-06-2009, 04:38 PM

الذوق الرفيع ,,,

شكرا يالذوق على ذوقك ولطفك

محمد بن ضاوي

03-06-2009, 04:44 PM

ههههههههههههههههههههههههه ههههههههههههههههههههههههه هههههههههههههه ودي اكتبها من هنا لعفيف

قسم فيني ضحكه كبيره وربي عليك اسلوب مدري منين جايبه هههههههههه

اصبر بخلص ضحك وارجع ابارك لك :)

طيب وصليها الدوادمي على دربك هههههههههههه

تزوجت يافخر تزوجت ههههههههه صدق

بس من الحين احذرك بناتك لايقربن اشراف النبطي هذا بالوراثه العيال بكيفهم البنات لااشوفهم ههههههههههههه

الف مبروك مره ثانيه

انا راح اكون اب ديمقراطي اذا والله احدى كريماتي صارت شاعره وقالت بابا ابي انشر شريت لها عشر روس من الغنم وخليتها تنشر فيها ها ها ها ها ها ها

الله يبارك فيك فخر والف شكر لك ولحضورك

محمد بن ضاوي

03-06-2009, 04:47 PM

ريم القوافي ,,,

هلابك ياريم وحياك وعسى الله يبارك فيك ويسعدك

بلا معجبات بلا هم

انا كنت وفي وراح ابقى وفي :مزون:

محمد بن ضاوي

03-06-2009, 04:47 PM

نسيم الهبوب ,,,

الله يبارك فيك ويوفقك يارب

محمد بن ضاوي

03-06-2009, 04:49 PM

ام عزيز 66

الله يبارك فيك ويسعدك

خفف غرورك شوي

ليش يا ام عزيز

هذا كان مجرد شعور حسيته ومن باب صدقي مع نفسي ماحبيته اخبيه عنكم

محمد بن ضاوي

03-06-2009, 04:50 PM

انين الورد ,,,

الله يبارك فيك مره ثانيه وثاليه ورابعه

وشاكر لك كثير لطفك وذوقك

lana115

03-06-2009, 05:13 PM

"بارك الله لك ، وبارك عليك ، وجمع بينكما في خير "
أنت الحين متزوج الله يوققك ويرزقك الذرية الصالحة
ليش تفكر في المعجبات و(المعجبين)

الشماااالي

03-06-2009, 08:04 PM

السلام عليكم ورحمة الله وبركاته

الف الف الف الف مبروك اخ محمد

اتمنى لك حياة زوجية سعيدة

تقبل خالص تحياتي ,,,الشمالي

N n y ~

03-06-2009, 09:18 PM

.

وألف الصلاة والسلام عليك ياحبيب الله محمد

:فوشي:

مبرووووك ألف ألف مبروووك

وأخيرا ودااااعااااا للعزوبية

عقبال صديقك خخ

تدري وش نفسي فيه :مزون:

أجيب اقتباسات لردودك يومنك عزوبي هع هع

بن ضاوي ,,

ألف مبروووك مرة تانية

وبالرفاه والبنين

والله يسعدك ويوفقك بحياتك

.

بسمة العشاق

04-06-2009, 12:12 AM

الف الف الف مبروك
والله يوفقك

بعدين كان سحبت على المنتدى << بتنطرد
لين تخلص السنة الاولى من الزواج خخخخخخخخخخخخخخخخخخخخخخخخخ خ وتصير سنة عسل مو شهر عسل

المهم
منك المال ومنها العيال

وتوقيعك تووووووووووووووحفة يضحك

باذن الله كلها سنتين ثلاث وتصير معلمه أد الدنيا ويصير كل شي منها المال والعيال ههههههههههههههههههههههههه ههههههههههه

:11ctor::11ctor::11ctor::11ctor::11ctor:

لالالالالالا
الشعار مو كذا غير الناس هم :مزون:
<< اشطحت البنت

تحياتي

(هجير الشمس)

04-06-2009, 01:17 PM

الـــــــــــــــــــف مـــــــــــــــــــبــــ ـــــــــــــرووووووووووو ووك

shikon_85

04-06-2009, 03:33 PM

الاخ محمد

الف الف الف الف الف الف الف الف الف
مليون مليون مبرووووووووووووووووك
اتمنالك من كل قلبي حياة سعيدة ومستقرة
مع شريكة حياتك وفي بيتك اما المعجبات
بقي فيلهم رب اسمه الكريم ياعم محمد
وعبقال يارب كدة منسمع خبر قدوم ولي العهد
ياعم محمد اتمنالك من كل قلبي السعادة والاستقرار

تقبل مني ارق التحيات والف مبروك

:36_1_11[1:رقص::عاشو::36_15_4[1

منور العوني

06-06-2009, 03:59 PM

ههههههههههههههههههههههههه ه

ههههههههههههههههههههههه

تصدق يابو ضاوي انك لو اعلنت عن زواجك وماخليته سري يمكن يغطي
على قضية طلعت مصطفى وعلى زيارة اوباما ويمكن يشغل الرأي العام :)

بس

مدري كيف طاوعك قلبك واعلنت عنه في غرابيل وصدمت معجباتك

ههههههههههههههههههههههههه ههههههههههه

الف الف مبروووك ومنك المال والعيال على ماقال ابو عبدالرحمن

alwafe

06-06-2009, 04:39 PM

مبروك لك دائم مع اني حضرت زواجك لكن لايمنع انا نبارك في كل مرة حتى تجيب عيل صغير ونسمية حمودي محمد ضاوي ههههههههههههههههههههههههه ههههههه
لاتحرمنا من جديدك الشعري يامحبوب الجماهير واللة يوفقك ؛؛؛؛؛؛؛؛؛؛؛؛؛؛

هَذْيَّان

06-06-2009, 05:25 PM

.

ألف مِليَار مُبارك لِك
والحَمدلله ع سلامتك
وربِي يوفقك

خــــالـــــد

07-06-2009, 02:16 PM

حموودي

حماااادة

مصيرك ترد للمعجبين والمعجبات

ههههههههه

إذا جاتك قوائم الطلبات

ومكتوب فيها بصل وجبن البقرات الثلاث وكرتون بيبسي حار بتعرف ان غرابيل راس مالنا هههههههههه

أقول على البركة بس توديع كاسات الجبن << يقولون إنك ما عاد تشرب الا في كاسات ورق مسوي رومانسي أول يوم بزواجك
هههههههه

مبروك يا محمد

تصدق ما بعد شفتك عاقل إلا في يوم عرسك .. << مدري عقل ولا لخمة ولا أم الركب جايتك

مبروك

والله يوفقك

محمد بن ضاوي

07-06-2009, 06:13 PM

عبدالعزيز الرشيدي ,,,

الله يبارك فيك اخوي والف شكر لك

محمد بن ضاوي

07-06-2009, 06:22 PM

جواهر ساده هههههههههه
ههههههههههههههههههههه

حياك اخيتي مره اخرى

لو بحكي لك كان علووووووووووم ههههههههه

تدرين .. تقول لي ليش ماتمثل؟؟ شكلها اكتشفت موهبتي هههههههههه

محمد بن ضاوي

07-06-2009, 06:23 PM

اشتقت لايامك,,,

الله يبارك فيك وعقبال الصغيرونين اللي ماتزوجوا :مزون:

محمد بن ضاوي

07-06-2009, 06:31 PM

حازمه ,,,
الله يبارك فيك ويسعدك

لو أعرف اكتب شعر كتبت فيك قصدة أقول لك فيها ( خلك عاقل وخل عنك المعجبات ) :مزون:
بساعدك ياحازمه ههههههه

خلك عاقل وخل عنك المعجبات=ترى قسم زوجتك محتاجه لك حيل
ليه يامحمد تسوي هالسوات=ماتدري انك كنت وش حلك حليل
ترى والله من جد اكتب لك ابيات=اعقل ترى الزوجين هم قدوة الجيل

الزوجين = بكسر الجيم ,, جمع زوج :مزون:

مرسي حازمه مره ثانيه

محمد بن ضاوي

07-06-2009, 06:32 PM

ابتسامة امل ,,,

شكرا لك وعسى ايامك فرحه

محمد بن ضاوي

07-06-2009, 06:36 PM

ريان عبدالله ,,,

الله يبارك فيك ويسعدك دنيا واخره

والله شكلك قوي مررررره هههههه

هههههههههههه شكلك تقولها مو من قلب ههههههه بس ترى والله لايغرك ضحكي ترى وربي اني مصور مع اسد كله عشان ابين لها اني ما اخاف

الصوره هذي هي اللي خلتها تقتنع تخزن رقمي بجوالها (زوجي العزيز الاسد القوي البطل) :مزون:

محمد بن ضاوي

07-06-2009, 06:37 PM

سعود ,,,

مراحب ياسعود وعسى ربي يبارك فيك ويوفقنا وياك للخير دائما

والله منت سهل يابو ضاوي

لك معجبين قصدي لك شعبية جاااااارفه

وصلت للصفحة الخامسة بسرعة الصاروخ

تشوف !!!! ههههههههههه

الله يخلي اللون الاحمر بس ههههههههههههه

محمد بن ضاوي

07-06-2009, 06:38 PM

بنت ناس وقلبي الماس ,,,

الله يبارك فيك وشاكر لك كثير تهنئتك

محمد بن ضاوي

07-06-2009, 06:38 PM

دلوعه كول ,,,

شاكر لك وعسى الله يبارك فيك

محمد بن ضاوي

07-06-2009, 06:40 PM

السلطعونه ,,,

مراحب فيك كثير وعسى الله يبارك فيك ويسعدك ويجزاك خير على هالدعوه الطيبه

محمد بن ضاوي

07-06-2009, 06:41 PM

طيف ,,,

الله يبارك فيك ويسعدك

<<< تحسبك متزوج منذ فتره :معقولة:

مع انه مو باين علي هههههههههههههه

محمد بن ضاوي

07-06-2009, 06:41 PM

ابداع القلم ,,,

الله يبارك فيك وشاكر لك

محمد بن ضاوي

07-06-2009, 06:42 PM

لين ,,,

هلابك مشرفتنا ,, عسى الله يبارك فيك ويسعدك دنيا واخره

الف شكر لحضورك وتهنئتك

محمد بن ضاوي

07-06-2009, 06:45 PM

دفا المشاعر ,,,,

مراحب فيك دفا والف شكر لحضورك وتهنئتك وعسى ربي يبارك فيك

وإن انقهرت منها بيوم لا تكب الصابون بالبلاط عشان ما تتزحلق المسكينة :11ight:

ان انقهرت منها زحلقتها بدون صابون ههههههههههههههههه

محمد بن ضاوي

07-06-2009, 06:46 PM

ميدو عسالي ,,,

الله يبارك فيك وشاكر لك كثير

بس ماعليك ترى ادبر اموري

محمد بن ضاوي

07-06-2009, 06:48 PM

رجا القحطاني ,,,

تسلم تسلم ياشاعرنا وبارك الله فيك وبتواجدك اللي اسعدني كثير

محمد بن ضاوي

07-06-2009, 06:59 PM

lana115 (http://www.g111g.com/vb/members/111992.html) ,,,

بارك الله فيك ووفقنا وياك لما فيه الخير

أنت الحين متزوج الله يوققك ويرزقك الذرية الصالحة
ليش تفكر في المعجبات و(المعجبين)

والله انا مقدر نصيحتك لي بس صدقيني الانسان اللي بداخلي صعب يتغير

مو معنى اني اتزوجت اني اتخلا عن الناس اللي غمروني بلطفهم واحاطوني بمشاعرهم وكانو معي في الوقت اللي كنت محتاجهم فيه
ومو معنى اني اكون معاهم اني اتجاهل اسرتي

بالعكس انا معاهم كلهم لاتي اعيشني معاهم

محمد بن ضاوي

07-06-2009, 06:59 PM

الشمالي ,,,

هلابك يالشمالي وعسى ربي يبارك فيك ويخليك

محمد بن ضاوي

07-06-2009, 07:02 PM

ناني ,,,

الله يبارك فيك ويسعدك

وأخيرا ودااااعااااا للعزوبية

عقبال صديقك خخ

صديقي بعد قربت اسرته هههههههههههههه
ياحبه للتقليد هههههههههههه

تدري وش نفسي فيه :مزون:

أجيب اقتباسات لردودك يومنك عزوبي هع هع

جيبيها يانني جيبيها هههه

جيبيها واكتشفي الفروقات الواجد هههههههه

مره ثانيه شكرا لك ولاهنتي

محمد بن ضاوي

07-06-2009, 07:18 PM

بسمة العشاق ,,

الله يبارك فيك ويوفقك امين

بعدين وش هالنصيحه اللي بتنزلني زائر لو سويتها ههههههههههههه؟؟؟

لالالالالالا
الشعار مو كذا غير الناس هم :مزون:
<< اشطحت البنت

ايه ايه ههههههههههههههه الا الشعار اكثر ناس مصلحجيين بس صبرك علي

اصلا انا قايل لها عن طموحاتي في راتبها اذا توظفت ههههههههههههههههههههه

محمد بن ضاوي

07-06-2009, 07:19 PM

هجير الشمس ,,,

الله يبارك فيك

شكرا لك

محمد بن ضاوي

07-06-2009, 07:30 PM

shikon_85 (http://www.g111g.com/vb/members/87199.html)

الله يبارك فيك ويسعدك يارب

ترى فرحت بتهنئتك كثير وعسى الله يقبل منك دعوتك ويجزاك خير

اما المعجبات
بقي فيلهم رب اسمه الكريم ياعم محمد

إزاي ياشيكون ؟؟؟ ماتؤولشي كذياه ,, واللهي اني أقودي بالمره وطيب فوء ماتتخيل ومش حتخلا عنّكم ابدا لو مهما حصل ,, في زمتي ما بهلسشي عليكو ههههههههههه

وعبقال يارب كدة منسمع خبر قدوم ولي العهد

يارب امين

شكرا لك مره ثانيه والف شكر لك ولحضورك

محمد بن ضاوي

07-06-2009, 07:41 PM

منور العوني ,,,

الله يبارك فيك يامنور ويخليني لك تتابع ابداعي ههههههه

اجل تضحك علي وعلى شهرتي !!!!

بكره تشوف انشالله ههههههههه

مدري كيف طاوعك قلبك واعلنت عنه في غرابيل وصدمت معجباتك

والله ادري انها صعبه بس ماكان قدامي الا هالحل

اكره اني اتلاعب بمشاعر حدا

اكره اني اخلي احد يعيش على امل او يعيش بوهم واكون انا السبب

شايف اش قد ضحيت يامنور!!

محمد بن ضاوي

07-06-2009, 07:43 PM

الوافي ,,,

هلابك يابو عبدالعزيز

تشرفت بحضورك والف شكر لك وعسى ربي يبارك فيك ويقبل دعوتك ياواحد من جمهوري هههههههه

محمد بن ضاوي

07-06-2009, 07:43 PM

هذيان ,,,

الف مليار شكرا لك وعسى الله يبارك فيك ويوفقك

محمد بن ضاوي

07-06-2009, 08:14 PM

خالد ,,,

خلودي ,,, خلدلد هههههههههه بدلعك زي ماتدلعني منت بجاي اطيب مني ههههههههههههههه

مصيرك ترد للمعجبين والمعجبات

ههههههههه

إذا جاتك قوائم الطلبات

ومكتوب فيها بصل وجبن البقرات الثلاث وكرتون بيبسي حار بتعرف ان غرابيل راس مالنا هههههههههه

هههههههههههههه والله جتني ياخالد

تخيل بس فيري جاي بين كوسه ومايونيز !!!! يلعن ام لخبطة طلبات الأسر الناشئه ههههههههههههههههههههههههه ههههههههه

أقول على البركة بس توديع كاسات الجبن << يقولون إنك ما عاد تشرب الا في كاسات ورق مسوي رومانسي أول يوم بزواجك
هههههههه

يوه ياخالد ههههههه هي على كاسات الجبن!! البقاله كلها ودعتها

الله يعينها علي بس وعلى رومنسيتي هههههههههههه
ما اكمل دقيقتين على بعضها رومنسي هههههه

تصدق ما بعد شفتك عاقل إلا في يوم عرسك .. << مدري عقل ولا لخمة ولا أم الركب جايتك

بذمتك خالد وش رايك فيني يوم زواجي ؟؟ ترى محلق عند حلاق بـ 15 ريال والله

بس الزين يبقى زين ياربي لك الحمد ههههههههههههه

على فكره خالد ترى لك صوره عندي انت وابو مناحي تاااااخذ العقل

طالعين فيها طخمان أوي ههههههههه

شكرا شكرا خالد ولاهنت على حضورك وتشريفك لي

خــــالـــــد

08-06-2009, 12:35 PM

بذمتك خالد وش رايك فيني يوم زواجي ؟؟ ترى محلق عند حلاق بـ 15 ريال والله

تبي الجد ؟

على بالي داخل زواج أشوام من الزين اللي فيك

بس يوم شفت فايز بن ماجد ودخلة أبو عبدالرحمن علينا

عرفت إن الدعوة صدق ههههههههه :مزون:

أمينة الصابرة

08-06-2009, 04:38 PM

الأخ محمد ألف ألف ألف مبروك وعقبال الذرية الصالحة انشاء الله

كريزي اورنج

08-06-2009, 10:15 PM

عليك ثقه :p
والله ما اعرفك واول مرة اسمع بك :p
بس على العموم
الف مبروك ومنك المال ومنها العيال
ابد حتى لو هي توظفت لازم تصير انت الابو > تموه هع
على العموم
مبرووك ^_^
الله يزرقك بالذرية الصالحه
ولاآء عزآآء للـمعجبات > براا
لوووول:)

الوزير

09-06-2009, 09:29 AM

محمد بن ضاوي بشر .. مجرد انسان عادي قدر الله له انو يصبح مشهور

معليش يامحمد ين نايف:icon_evil

روابي الدوسري

10-06-2009, 12:22 AM

الف مبروك اخوي على الزواج

عيون المستقبل

10-06-2009, 07:04 PM

بارك الله لكما وجمع بينكما بالخير
أتمنى لك حياة سعيدة وبالرفاهية والبنين إن شاء الله
تحياتي لك

http://www.syrianstory.com/images/image0011.gif

زهرة الخزاما

14-06-2009, 12:17 AM

هههههههههههههههههههه

الف الف الف مبروك لك اخوي محمد عساها حياه هاديه وسعيده

بس عاد اثقل بتصير رب أسره بلاش الخفه هذي

وارحم معجبااتك ولا عاد تدخل المنتدى ههههههههههه

جعل ربي يوفقك دنيا واخره اخوي محمد فرحت لك من كل قلبي

وبعدين انتم يا رجال ليش داايم عيونكم على راتب الحرمه

محمد :) عطني رقم حرمتك بوصيها عليك خخخخخخخخخخخ

الله يوفقك من جد فرحت لك بس ليه ما عزمتنا نقوم بالواجب
نصااابه<<<
وسوري متاخره بالرد بس اهم شي توصل

محمد الدغيري

14-06-2009, 06:33 AM

الف مبروك

بس ليه الكلام جاء بعد العرس .؟
وليه ما عزمتنا .؟

جريح الوقت

25-06-2009, 02:39 AM

ياخوي خوفتنا قلنا أحد ميت وإلا شئ ...خخخخخخخخخخ

عالبركة يامحمد ..!!

مودتـي ..

صمـ الحياه ـــود

30-06-2009, 02:56 PM

الف الف مبروك منك المال ومنها العيال

محمد بن ضاوي

08-07-2009, 06:40 PM

تبي الجد ؟
على بالي داخل زواج أشوام من الزين اللي فيك

شكلك ماطالعت يمين ويسار
شكلك بس كنت تطالع فيني اول مادخلت ههههههههههه انا المزيون الوحيد هاك الليل

بس يوم شفت فايز بن ماجد ودخلة أبو عبدالرحمن علينا

عرفت إن الدعوة صدق ههههههههه :مزون:

عرفت ان الدعوى صدق انو زواج اشوام ولا ايش؟ ههههههههههههههههه

محمد بن ضاوي

08-07-2009, 06:41 PM

امينه الصابره ,,,

مراحب فيك والف شكر لحضورك وعسى الله يبارك فيك ويقبل منك ويجزاك الف خير

محمد بن ضاوي

08-07-2009, 06:48 PM

كريزي اورنج ,,

(البرتقاله المجنونه) على بالك ما اعرف انقليز

عليك ثقه :p
والله ما اعرفك واول مرة اسمع بك :p

ها اعرفيني واحفظي اسمي زين هههههههه بعد ثقه

ابد حتى لو هي توظفت لازم تصير انت الابو > تموه هع

طيب واذا هي توظفت وش بيتغير في الموضوع ؟؟؟ انتي شكلك ورعه وصغيرونه وماتعرفين علوم الكبار ههههههههههههههه

ولاآء عزآآء للـمعجبات > براا
لوووول:)

هههههههههه اقعدن بها امعجبات مار الله يجيب لهن مشهورن غاري ههههههههههههههه

كريزي مجنونه ,,,

الف شكر لحضورك العطر وعسى الله يبارك فيك ويرزقك الزوج الصالح العاقل اللي مايطمع في وظيفتك ابد ابد عشانه اساسا يرفض فكرة شغلك هههههههههههههههه

محمد بن ضاوي

08-07-2009, 06:50 PM

الوزير ,,,

معليش يامحمد ين نايف:icon_evil

مشاكل المنتدى من جد مشاكل ههههههههههههههههههههههههه ه

محمد بن ضاوي

08-07-2009, 06:50 PM

روابي الدوسري ,,,

الله يبارك فيك والف شكر لتهنئتك وحضورك

محمد بن ضاوي

08-07-2009, 06:51 PM

عيون المستقبل ,,,

جزاك الله الف خير وعسى الله يبارك فيك ويوفقنا وياك للخير

محمد بن ضاوي

08-07-2009, 07:06 PM

زهرة الخزاما ,,,

الف الف الف مبروك لك اخوي محمد عساها حياه هاديه وسعيده
بس عاد اثقل بتصير رب أسره بلاش الخفه هذي

ههههههههههه الله يبارك فيك ويسعدك دنيا واخره

والثقل ماعليك ازهليني ازهليني ههههههه

وارحم معجبااتك ولا عاد تدخل المنتدى ههههههههههه

لا ماعليك ههههههههه صرت ماعاد ادخل الاقسام اللي متعودات ادخلها سابقا

تخيلي صار لي تواجد في منتدى المواضيع اللي تكرر طرحها وصحتك بالدنيا ومنتدى المراه والمكياج ههههههههههههههههه

جعل ربي يوفقك دنيا واخره اخوي محمد فرحت لك من كل قلبي

الله يسعدك يارب والله اني لمست صدق مشاعرك وفرحت كثير بتهنئتك لي

لايفوتك لمست هههههههههههههههه والله اني شي اذا بغيت اصير شي ههههههههههههههههه

وبعدين انتم يا رجال ليش داايم عيونكم على راتب الحرمه

عشان الديون اللي تحملناها باسباب الاستقرار الاسري
والله حاله قال استقرار اسري وتاليتها يشيلون من الديون لين يستقرون في السجن

الله يعافينا بس ههههههههههههههه

محمد :) عطني رقم حرمتك بوصيها عليك خخخخخخخخخخخ

ليش تبين تخربين بيتي ؟؟؟ خليني افرح فيه شوي ههههههههههه
على طاري البيت قبل يومين يسالني واحد طبعا بعد سوالف كثير قال متزوج؟ قلت ايه
قال عندك اطفال؟ قلت لا عندي حرمه ههههههههههههههههههههههههه

زهرة الخزاما ,,,

مرسي كثير كثير على تهنئتك وحضورك وباذن الله اعزمك اذا بغيت اخذ الثانيه
الا على طاري الثانيه ترى قلت لها بتزوج وزعلت مني قلت ماعليك ماراح اخليها تكون الثانيه يا الثالثه يا الرابعه !!
احس انها هدت عقبها تقول اهم شي ماتاخذ علي الثانيه ههههههههههههههههههههههه

ياحل الحريم حلااااه يصدقن على طول ههههههههههههههههه