الكيف .. والكمّ .. !!

[مفرح بن مناحي]

الأخوة في غرابيل ... تحية طيبة

قصيدة قديمة نشرت في صفحة مدارات في جريدة الجزيرة .. وأحببت أن أجددّ الذكرى معها .



لو كل ما نبغى يجينا على الكيف= ما صار فينا إنسان ضايق من الهمّ
بس الحياة هموم صدر وتكاليف=مع فرحةٍ تجلي عن الضايق الغمّ
أحدٍ بنى مجمل حياته على الكيف=وأحد مضيِّع كل عمره على الكمّ
بعض القصيد إن جاك في حسبة الضيف=وبعض القصيد يجيك كنه ولد عمّ
وأنا صدفني في زماني صواديف= شيٍ ينشف داخل عروقي الدمّ
ياما تكسر في حياتي مجاديف=لكن عزومي قاومت عاتي اليمّ
أبني مشاريعٍ من الحلم وأضيف=ويا كـم مشروعٍ بنيته ولا تمّ
وتلفيني أحلام السعادة مراديف=وأحلامي أبعد لي من الذوق والشمّ
مثل سحابة صيف مرت على الصيف=ما تروي الظامي ولا خيرها عمّ
واللي عرفته شيء غير التعاريف=شيءٍ تعدى نبرة الفتح والضمّ
موت البنادم ما هو بضربة السيف=ولا هو بشرب السّم لا قيل له : سَمّ
الموت صدر الحي كله سواليف=لكن يرجـعـها إذا وصلـت الفـمّ

[خــــالـــــد]

لبى قلبك والله

صح لسانك يا أبو عبدالله

لوحة أدبيّة

[بخيت محمد الدوسري]

شاعر ولا فيك حيله بيض الله وجهك

[نااايف الناايف]

صح لسانك قصيدة جزلة وبيض الله وجهك

[سـامـيـه]

لـو كـل مـا نبـغـى يجيـنـا عـلـى الكـيـف .. مـا صـار فينـا إنسـان ضـايـق مــن الـهـمّ

جبتها على الجرح
وترجمت احساس غيرك
صح قلبك يامناحي
ودااااااام حرفك

[أريج الرياض]

مفرّح بن منآحي..،
وخآلقي اشبعني هذا المتصفّح شعرآ
من اجمل ماقرأت مؤخرآ
قصيده مترفه من الفها الى يائهآ
صح لسآنك مليون ولايكفون
ودمت يآشعر..،