الموت من بكرة يجي غير غزّة ... !!

[مفرح بن مناحي]

الله يعين أخواننا في فلسطين =والله يعين الناس فديار غزّه
يا كم كلينا الضرب مرة وثنتين =و يا كم شربنا الهم في كل حزّه
عدونا يفرض علينا القوانين =وحبل الوفا لا من خذا شوي هزّه
يسلب أراضي ويتعدى ميادين =ولا من بطر جيشه على الكل دزّه
واذا ارتفع راسٍ يدافع عن الدين =عدونا وقف بوجهه وجزّه
وإذا لقانا في طريقه موالين =أشعل على جرح الموالين قزّه
حنا تعدينا مئات الملايين =بس الصحيح أنا على الخلق رزّه
كثار .. لكن فالحقيقة مساكين =نشوف .. لكن ما فرحنا بقزّه
ناسين .. لا بالله صدق متناسين =وما اقول أنا فينا العزيز المنزّه
جروحنا ماهيب من قبل عامين =في كل يوم نشوف فالجسم غزّه
أجسامنا بالشكل كبر البعاريين =وعزومنا تركب على عزم وزّه
في نشرة الأخبار نقرا عناوين =أمة تموت ونحسب إنا نتنزّه
أربع ميه وألف وعليها ثلاثين =لا شك عام الذل ماهوب عزّه
الضعف كتلة دم وسط الشرايين=يا منبر الإسلام بالله عزّه
اليوم غزة شيعتها فلسطين=والموت من بكرة يجي غير غزّه

[خــــالـــــد]

صح لسانك وقلبك

لاهنت على القصيدة

أستاااذ

دمت

[بخيت محمد الدوسري]

بيض الله وجهك يامفرح على ذا القصيده