دار السخا حايل زبر قفرها السيل=من دون جبه لين قفرا الغزاله

[رشيد الهديرس]

http://www.yy44.net/upfiles/D5u79950.jpg
http://www.yy44.net/upfiles/Ypg79508.jpg
http://www.yy44.net/upfiles/Jvj79508.jpg
http://www.yy44.net/upfiles/BC079950.jpg
من تصوير عزوز القحطاني




دار السخا حايل زبر قفرها السيل=مع طالع الشرطين سالت جباله

وبل وبرد مع راشقات الهماليل=من مزنتن سودا تلاوح جلاله

ركامها يلعج سواة القناديل=اليا تدانت يستزيد اشتعاله

يوم اقبلت والقمع يسحب كما الذيل=جتهم مع القبله ثقيلن خياله

توحي رعدها كنها الحرب بالخيل=يمينها يبرق ويلسب شماله

حين ادلهمت فوق روس المطاويل=رزيمها يلعب مع الخير فاله

تواثبت من دون اجا كنها الليل=والذود بالبيدا تزايد جفاله

واقصى مثانيها له رجود وتطبيل=وهلت رمقها من ثقايل حماله

صبت ودايقها بريع ودراكيل=من دون جبه لين قفرا الغزاله

ضاقت بها الضلعان عيت لها تشيل=والما تصافق من عوالي رماله

ودلا شعيب مشار يجري كما النيل=والقاع من دون البيوت استواله

يشيل في دربه جذوع وبراميل=حتى المواتر والمحابيس شاله

امرن يهول شوفت العين تهويل=يا جعل ستر الله على من خطاله

حقيقتن ما هيب قالن ولا قيل=ومن يطلب التوصيف ينشد رجاله

سيلن نحيله لاستشاره وتحليل=ومن عارفين الطقس تفصيل حاله

مثله ترا يحتاج نظره وتفصيل=ولا نلوم اللي برجله عناله

هواية مولع بطرد المخاييل=ينقل لنا المشهد ويثبت مقاله
شاعرها يوسف الخليفة


http://www.smanalhrj.com/vb/images/uploads/908_132134a204004e6674.jpg
http://www.smanalhrj.com/vb/images/uploads/908_143004a20420170226.jpg
http://www.smanalhrj.com/vb/images/uploads/908_150974a2043a6c67e0.jpg
من تصويري

[رشيد الهديرس]

مشكور وماقصرت ياالنوري

[يتم]

؛



يعطيك العافيه ..عطاء لاحدود له ..ونقل يصرخ بكل جميل


احترامي


.

[النوري]

رشيد الهيدرس

ذائقة رائعه

واختيار موفق


نشكر لكـ حسن الإنتقاء

قصيدة جسدت كل المشاعر


سلمت ولاهنت مشكورا

[هَذْيَّان]

.


أعَانَ الله أهْل حَائِل وحَماهُم وحَفَظهُم
يَارَبّ
وشُكرًا عَطاؤك يَا سَخِي

.