اليوم عرسكم يااعضاء غرابيل (برعايه الخطابه مشـــاعر حالمـــة)

[مشاعر شفافة]

اليوم عرسكم يااعضاء غرابيل (برعايه الخطابه مشـــاعر حالمـــة)



الله يازين الى احظرت .....غطت على كل لحظور
طلعت علينا واسفرت .....مابعد هاذا النور نور

يابنياتي يااعيالي

انا اليوم جايه جديدة في المنتدىابي اقول لكم سالفه وتهم الجميع

انا صار لي كم يوم والبطاله والجلسه بدون شغل تقطعني
علشان كذا قررت اني اشتغل خطاابه
واجمع كل راسين بالحلال

عني السالفه ومافيها
وكل الى عليكم تسونه
ياحبيباتي
انكم تقدمون طلب انكم ترغبون بالزواج
وانشاء الله انا العب في الطلب لعب
يعني الى عمرها 30 اخليها 22
والى عمرها 40 اقول توها مخلصه 25
بس انتوا تعالوا ولا تندمون

ونبي صوره علشان نوريها ام المعرس
وتكفون بنات الله يخليكم نبي صوركم وانتوا لابسين اثياب العيد:سوسي:

وحاطين كيلوين مكياج على وجيهم
مانبي نتفشل<<<<<سمعه خطابه مو لعبه

وابيكم تكتبون لي
هواياتكم والشغلات الى تحبونها
وهالله هالله
كل وحده تكتب انها تقدر الحياه الزوجيه وتعرف تطبخ
ولا تشجع وجود الخدامه بالبيت

اوكي بنات
كل وحده تقدم طلبها وبالدووور يالله طابور




اما انتوا يااعيالي
بما انه تهمني مصلحتكم ولا عندي غيركم انتوا
ابيكم وش تسون
كل واحد يقدم لي طلب الزواج حقه
ويكتب مواصفات الى يبيها في الورقه
وياويله الى بيجلس يتشرط و يفكر بناتنا
مثل هاللبنانيات

اهم شئ في الموضوع الاخلاق طيب

وابيه يرسل لنا صورته
ونبي نشوفه على الطبيعه قبل وبعد عمليه التجميل

:بفكر: <<<<<<<<كأنه في إحراج لكم

|510|<<<<<<<<قبل العملية

|529| <<<<<<<وبعد العملية

خلاص خلوها بس بعد عمليه التجميل والى راح راح نسيناه

ونبيه يكتب لنا كم راتبه
وين بيسكن عروسته
وعلى فكره اهم شئ ان حنا نشتري رجال<<<<<<< كلام جرايد:confused:



يالله المحل مفتوح
والبنات على اليمن والشباب على اليسار




وكل واحد يقدم طلبه

وعلى فكره شباب
عندنا عرض مجانا
اختار عروسه من عندنا تحصل على عروسه ثانيه
وتحصل معها بيجر

وانتوا بنات
اختاروا واحد من الشباب وقسيمه اشتراك في محلات عالميه
مثل بسطه ام على الى بجنب البقاله
معاها ضمان على زوجك
واذا طلع خربان عادي نغيره ليكي

اهم شئ سمعتنا

الخطابه مشاعر حالمة
:cool: :cool:

[مجروح]

ههههههههههههههههههههههههه هههههههههه
ههههههههههههههههههههههههه هههههههههه
ههههههههههههههههههههههههه ههههههههه

رهييييييييييييييييييييييب ه يامعلمة

زين انا ودي اعرس
يلا ...ابيها شمحوطه ...يعني طويله مو بالحيل ...

جمالها يهبل ...لونها صافي ...مثل سوني TV

وش بعد ....اذا تكلمت لحن ونغم ...واذا سكتت مثل سكون الليل

ابي فيها ....روحوقلب وطعامة قوت ....وذكاء مجروحة ....وشاعرية

وسن ....وعربجية مخاوف وهبال طيف ....ورقة دموع.....

زي كافيه كذا

[ابتهال]

الله يعطيك العافيه اختي مشااااعر حالمه
بس انا ابي شرط وحيد ابي مهري مليونين ريال بس;)
صح مهري مو غالي لاني اراعي شباب المستقبل :تصفير:
انا المفروض اربع ملااااااايييين تدرون انا ابتهااال مو اي احد:eek:
يسلمووووووووو:confused: :mad: :confused:

[ميـ1ــمونـــه]

اقـــــــــــــــــــــــ ـــــــول

هالسوالف مافي فيها لعب وهزل هذي امور مايجوز اللعب فيها

الموضوع ماله داعي مع احترامي لكاتبة الموضوع

[ريم الرياض]

عيب يا بنات استحن اختشن :eek: :eek: :eek: :eek:


بنات مايستحون قليلات الحياء

[مجروحة الزمن]

ممكن اشارك:eek:

<<<<<<< علي بالها داخله استار اكاديمي :)


انا اسمي مج مج الدلوعه

عمري 44 يؤ اقصد 22 :تصفير:

اقدس الحياه الزوجيه

وانا طباخه ماهره اعرف اسوي جميع انواع الطعام

وخاصه خبز وجبن وزيتون :confused:


ابي زوج يكون ظريف وانيق واهم شي يكون جيبه مليان :تصفير:


<<<< داخله علي طمع :)

وهذي صورتي :eek:

[فالح الشلوي]

ههههههههههههههههههههههههه ههههههههههههههههههه
ههههههههههههههههههههههههه ههههههههههههه
ههههههههههههههههههههههههه ههههههههههه

اقول حالمه وش السوالف الزينه

<<<<<<<<<<<<< متأثر بالشيبان يحب سوالف العرس خخخخخخخخخ

بصراحه انا ابي وحده تكون قويه مره

وتشبه المغنيه السابقة ( سميــرة توفيـــق ) <<< كانو خاقين معها الشيبان أول

:confused:

ايه دخلي اليومي 216 ريال <<<<<< كداد على خط الرياض الشرقية :confused:

وبسكنها عندنا بالأستراحه على طريق الرياض

ههههههههههههههههههههههههه ههه

بس الله الله نقي لي وحده فله عشان أدعيلك ;)

[طـيـف نـجـد]

اكتبي عندك ولاتنسين ؟؟؟؟

ابي خوي الدرب

فارس ما عسف وأبيه في بحر 23 مافيه زود

وابيه اقصر طويل

وابي خشم صغير مثل حد السيف

وابي البسمه مثل البرق وثناياه كما المرجان

وابي شعره ناعم وعيون عسليه

وابيه فارس بمعنى الكلمه

وابيه شامخ مثل الجبال

وابي يسابق الريح في الخطوه

وابي حكيه لي قصايد

وابيه نهر في العطاء


وسلامتك

تحياااااااااتي




:confused: :confused: :confused:

[العاشق التائب]

لالا اخواني احبابي

مايصير كل شيء فيه مزح الا الزواج

السول صلى الله عليه وسلم

يقول ثلاث هزلهن جد

الزواج

والطلاق

والعتق


اختي الكريمة حالمة

سنجد بإذن الله مايقطع علينا وقت فراغنا بغير تجاوز

حدود ديننا

اتمنى ان تقبلي نصيحتي بصدر رحب ووجه بشوش

وعينين ناعسه <<< نسى يحسب انه يكتب خاطره خخخخخخخخخخخ

تقبلي تقديري اختي

[الحنونه]

:) :) :)


أنا
ماأبي أتزوج:eek:






:confused:

[سعود]

<< واحد فاهم غلط


انا ابي مواصفات خليجية

فتحه في السقف

اللون من برا ابيض

ومن الداخل لحمي

دفع رباعي

تسابق الريح << هين


تحية عطرة