اخر دروبي ...!!

[كبريـاء أنثى]

http://mzyonh.com/up/uploads/images/traidnt-0f83dd71c8.gif

http://www.6rb.com/songer/x/sh/86/86-akhr-drwby.rm

يا بشر تكفون حلّو عن سمايه
مايصيب الهرج لو الهرج صوبي

كم سكت لكم بما فيه الكفاية
اشتموني لو زعلتوا واشمتوا بي

عيبوني واتركوني في عمايه
واتركوا لي واحدٍ يرضى عيوبي

http://mzyonh.com/up/uploads/images/traidnt-0f83dd71c8.gif
اتركوا لي واحدٍ يمسح شقايه
كل ماحط الزمن دوبه و دوبي
http://mzyonh.com/up/uploads/images/traidnt-0f83dd71c8.gif

ذاك والله لا ذكرت انه ورايه
أشعر ان الكون كله وسط ثوبي

يكفي انه لو يسولف للمراية
كنّ صوته يهمس لصورته ذوبي

كيف انا ما اذوب مادامه معايه
اسمعه واسهر معه لاول ذنوبي

كل ما قال: السهر درب الغواية
قلت: كله من عيونك هبّلوا بي

كل ماقال: الخطا ماهو خطايه
قلت له: قل للعيون السود توبي

ضيعتني واسأل الله الهداية
وين اجيب العقل؟؟ اجيبه من جيوبي!

http://mzyonh.com/up/uploads/images/traidnt-0f83dd71c8.gif
من يعرفك ما يدل العقل رايه
ياشروق العمر مدري يا غروبي
http://mzyonh.com/up/uploads/images/traidnt-0f83dd71c8.gif

أذكر انك كنت لي مثل الهواية
لو تروح ولو تجي يبقى شحوبي

بس مدري كيف صرت اليوم غاية
صرت اجي واروح مدري عن دروبي

يا بعد عمر الكتابة والقراية
يا الشمالي يابو الملح الجنوبي

لا قريت اللي كتبته يا رجايه
رح وبلّغ ربعي اللي جننوبي

قل لهم يمكن يخلّون الوشاية
وان تمادوا خلّهم مهما حكوا بي

انت خلك بس فـ الدنيا عزايه
لا تفكر فـ العواذل وانت صوبي


ادري انّه كل درب وله نهاية
بس انا باقي معك لاخر دروبي
http://mzyonh.com/up/uploads/images/traidnt-0f83dd71c8.gif



كلمات الشاعر : فهد المساعد

[عبيد الكثيري]

صح الله لسانك مدد بلاعدد ياكبرياء أنثى

قصيده وافيه والله لايهينك ,,,,,,,,,,,




تقبلي ارق وازكى التحايا

عبيد الكثيري

[محمد العطريز]

اختي كبرياء انثى



ايش امدح وايش اخلي كل مااعجبني بيت يجي اللي بعده اطلق واطلق



فلذالك كل القصيدة بمعانيهاوقافيتهاوكلماتهاو حروفها تدل على ان شاعرها مبدع اكثر من الابداع,,,,,,,,,,.



صح لسانك الله يوفقك,,,,,,,,,,,.


فمان الكريـــــم

[كبريـاء أنثى]

صح الله لسانك مدد بلاعدد ياكبرياء أنثى

قصيده وافيه والله لايهينك ,,,,,,,,,,,




تقبلي ارق وازكى التحايا

عبيد الكثيري

صح بدنك " من قال مايهون "
الله يعطيك العافيه على مرورك لاهنت "

[كبريـاء أنثى]

اختي كبرياء انثى



ايش امدح وايش اخلي كل مااعجبني بيت يجي اللي بعده اطلق واطلق



فلذالك كل القصيدة بمعانيهاوقافيتهاوكلماتهاو حروفها تدل على ان شاعرها مبدع اكثر من الابداع,,,,,,,,,,.



صح لسانك الله يوفقك,,,,,,,,,,,.


فمان الكريـــــم


صح بدنك "
يعطيك الف عافيه على مرورك الذووق ولاهنت "

[أنين الورد]

امووووت فيها عندي انشودة تجنن ومشكوووره يالغلا

[كبريـاء أنثى]

العفوو "
لاهنتِ على مرورك "

[يتم]

؛




نقل مدهش ياكبرياء ..وكم احسدني لـ وجودك ِ


ودّي



.

[كبريـاء أنثى]

المدهش مرورك يالغلا"
الا احسد نفسي انا لي وجودي بينكم فديتك"
لاهنتِ"

[غـــــرور أنثى]

يعافيك ربي حياتي ...

عالنقل الرائع وننتظر جديدك ..

(( غرور .. ))

[كبريـاء أنثى]

ويعافيك يالغلا "
يعطيك العافيه على مرورك فديتك "
لاهنتِ "