السياسي
25-05-2009, 01:07 AM
على ذكرى الفراق إللي قسمنا آخر المشوار
سجنتك صوره ف قلبٍ غرامك صار سجـّانه
***
أعيش في حارة الماضي بقايا من رماد النار
غريب في شارع الغربه يعاني غربة اوطانه
***
على نفس الرصيف إللي جمعنا بصدفة الاقدار
وقفت اتذكر ايام الغرام وآخر ازمانه
***
تخيلتك تذكرت الرسايل وباقة الازهار
كلام الليل ولحظات الجمال واعذب الحانه
***
عزفت الحب لإحساسك وكنتي الناي والقيثار
وروح الروح ياروحي ونبض العشق ووجدانه
***
جمالك عشت له شاعر ولا توفي الجمال اشعار
اميره كنتي بإسلوبك وذوقك ذوق سلطانه
***
تنفس قلبي انفاسك ومن نفسك عليكِ غار
وكانت حتى من روحك عليكِ الروح غيراااانه
***
رسمتك فيني تمثال الطفولة .. عفـّت الابرار
ازّعل لأجلك الدنيا إذا جيتيني زعلانه
***
وفيتك والوفاء طبعي ولو طبع الزمن غدار
خذلني يوم طاوعته ولا طاوعني عصيانه
***
انا من حاضر الماضي سجين فـ ظلمة الانوار
وأنا صرخه في قلب العشق واستعبدها كتمانه
***
وأنا يانصفي الاخر بقايا نصفك المنهار
وأنا لحظات مهجوره في ماضي الجرح واحزانه
***
تمنيتك وجت عكس الاماني وجهة التيّار
تركتيني لجحيم الجرح بعد ماثار بركانه
***
كسرتي أجنحة حلـٍم تعّلا في سماك وطار
قسيتي مثل مانسيتي حنان الحب وأحظانه
***
نزعتي روح غاياتي .. دفنتيها وراء الاسوار
ذبحتي حبنا الطاهر ولا عـّـزيتي جثمانه
***
خلعتي ثوبك العفة .. تعريتي بثياب العار
رخيصة ولا ما بعتي هوانا بأرخص اثمانه
***
وقف عمري على لحظة وداعك والفلك دوّار
فقدتك بعد ما كنتي وريد القلب وشريانه
***
بكيتك وليتها جفـّت دموعي قبل ماتنهار
كسرني الضعف بغيابك وقلبي اهتزت اركانه
***
توقعت البكاء يردك ذرفت من الدموع انهار
وشابت روحي في ارض الجفاء والضيم عطشانه
***
قتلني جرحك الثاير هدر دمي بعد ماثار
نزفت وليتها تنزف جروح العشق احزانه
***
حلمتك والحلم عينه بصيره والأيادي قصار
عطشتك لين ماجفت عروق الشوق ذبلانه
***
سكنتي موطن افكاري وصرتي محور التذكار
رحلتي وإنتي في قلبي سجينه خلف قضبانه
***
تشّوه جرحي من كثر الطعون إللي ملته آثار
وماتت ضحكتي الحيّه قتلها الصبر وحرمانه
***
حشاء ماجـّفت جروحي ولا تتجـّفف الآبار
جروحي مستحيل تجف وهي بالدم غرقانه
***
غديت من الهواء جثه تعبثها الزمان وجار
وعشق استنزفه جرحك وذبلت فيه اغصانه
***
عرفت إن الغرق آخر حكاية قلبي البحار
لأن الماضي ما تغيّر في شكله غير الوانه
***
على ذكرى بقايانا ورق يابس خريف اشجار
اعيش بقلب متشّوه بصوره لشبه إنسانه
عبدالله الحداد
سجنتك صوره ف قلبٍ غرامك صار سجـّانه
***
أعيش في حارة الماضي بقايا من رماد النار
غريب في شارع الغربه يعاني غربة اوطانه
***
على نفس الرصيف إللي جمعنا بصدفة الاقدار
وقفت اتذكر ايام الغرام وآخر ازمانه
***
تخيلتك تذكرت الرسايل وباقة الازهار
كلام الليل ولحظات الجمال واعذب الحانه
***
عزفت الحب لإحساسك وكنتي الناي والقيثار
وروح الروح ياروحي ونبض العشق ووجدانه
***
جمالك عشت له شاعر ولا توفي الجمال اشعار
اميره كنتي بإسلوبك وذوقك ذوق سلطانه
***
تنفس قلبي انفاسك ومن نفسك عليكِ غار
وكانت حتى من روحك عليكِ الروح غيراااانه
***
رسمتك فيني تمثال الطفولة .. عفـّت الابرار
ازّعل لأجلك الدنيا إذا جيتيني زعلانه
***
وفيتك والوفاء طبعي ولو طبع الزمن غدار
خذلني يوم طاوعته ولا طاوعني عصيانه
***
انا من حاضر الماضي سجين فـ ظلمة الانوار
وأنا صرخه في قلب العشق واستعبدها كتمانه
***
وأنا يانصفي الاخر بقايا نصفك المنهار
وأنا لحظات مهجوره في ماضي الجرح واحزانه
***
تمنيتك وجت عكس الاماني وجهة التيّار
تركتيني لجحيم الجرح بعد ماثار بركانه
***
كسرتي أجنحة حلـٍم تعّلا في سماك وطار
قسيتي مثل مانسيتي حنان الحب وأحظانه
***
نزعتي روح غاياتي .. دفنتيها وراء الاسوار
ذبحتي حبنا الطاهر ولا عـّـزيتي جثمانه
***
خلعتي ثوبك العفة .. تعريتي بثياب العار
رخيصة ولا ما بعتي هوانا بأرخص اثمانه
***
وقف عمري على لحظة وداعك والفلك دوّار
فقدتك بعد ما كنتي وريد القلب وشريانه
***
بكيتك وليتها جفـّت دموعي قبل ماتنهار
كسرني الضعف بغيابك وقلبي اهتزت اركانه
***
توقعت البكاء يردك ذرفت من الدموع انهار
وشابت روحي في ارض الجفاء والضيم عطشانه
***
قتلني جرحك الثاير هدر دمي بعد ماثار
نزفت وليتها تنزف جروح العشق احزانه
***
حلمتك والحلم عينه بصيره والأيادي قصار
عطشتك لين ماجفت عروق الشوق ذبلانه
***
سكنتي موطن افكاري وصرتي محور التذكار
رحلتي وإنتي في قلبي سجينه خلف قضبانه
***
تشّوه جرحي من كثر الطعون إللي ملته آثار
وماتت ضحكتي الحيّه قتلها الصبر وحرمانه
***
حشاء ماجـّفت جروحي ولا تتجـّفف الآبار
جروحي مستحيل تجف وهي بالدم غرقانه
***
غديت من الهواء جثه تعبثها الزمان وجار
وعشق استنزفه جرحك وذبلت فيه اغصانه
***
عرفت إن الغرق آخر حكاية قلبي البحار
لأن الماضي ما تغيّر في شكله غير الوانه
***
على ذكرى بقايانا ورق يابس خريف اشجار
اعيش بقلب متشّوه بصوره لشبه إنسانه
عبدالله الحداد