ناصر بن ربيع المري
23-05-2009, 10:48 PM
السلام عليكم ورحمة الله
ثاني مشاركة لي اتمنى ان تحوز على القليل من الرضا
هبت هبوب الجزل والفكر معها لفى = والقلم شاش وظهر من جحر برايته
والورق زانت سطوره ورحب واحتفى = والقلم يبدع جزل والجزال هوايته
بنصحك يا صاحبي والنصيحة بالخفى = لا بديت بدرب لازم تعرف نهايته
لاتصدق كاهن يقول ما قاله هفى = المنجم لو صدق كاذبن فروايته
الوليف ان راح عنك ولقى لك قفى = عقب هبات الشتا جايتك سرايته
الوفا له سوق فيه الدعاية للوفا = وكلن بيمدح فسوقه ويسوق دعايته
الوصل عند المحبين يلقونه دفا = والهجر تنور ياكبرها شوايته
لا هجرك الخل ما تنفعك قولة (أفااا) = وما تفيدك زيد قولة (ياوشهي غايته)؟؟
الجفا ماله دوا والجروح الها شفا = واللقا وجه السعد فيه رافع رايته
من مشى درب الهوى يحسبن عقله غفا = مادرى انه واعي وضايعن فحكايته
من هوى بيضيع ثم يحسب المروة صفا = يندم وودٌه يعيد السنين الفايتة
الوليف ان راح عنك ولقى لك قفا = يمكن لروض الوصل ياتي بسرايته
ثاني مشاركة لي اتمنى ان تحوز على القليل من الرضا
هبت هبوب الجزل والفكر معها لفى = والقلم شاش وظهر من جحر برايته
والورق زانت سطوره ورحب واحتفى = والقلم يبدع جزل والجزال هوايته
بنصحك يا صاحبي والنصيحة بالخفى = لا بديت بدرب لازم تعرف نهايته
لاتصدق كاهن يقول ما قاله هفى = المنجم لو صدق كاذبن فروايته
الوليف ان راح عنك ولقى لك قفى = عقب هبات الشتا جايتك سرايته
الوفا له سوق فيه الدعاية للوفا = وكلن بيمدح فسوقه ويسوق دعايته
الوصل عند المحبين يلقونه دفا = والهجر تنور ياكبرها شوايته
لا هجرك الخل ما تنفعك قولة (أفااا) = وما تفيدك زيد قولة (ياوشهي غايته)؟؟
الجفا ماله دوا والجروح الها شفا = واللقا وجه السعد فيه رافع رايته
من مشى درب الهوى يحسبن عقله غفا = مادرى انه واعي وضايعن فحكايته
من هوى بيضيع ثم يحسب المروة صفا = يندم وودٌه يعيد السنين الفايتة
الوليف ان راح عنك ولقى لك قفا = يمكن لروض الوصل ياتي بسرايته