عبدالرحمن الدوسري
09-05-2009, 02:01 AM
السلام عليكم ورحمة الله وبركاته
إخواني الأعضاء الغالين على قلبي
أهديكم هذه القصيدة الجديدة
متمناً أن تحوز على رضاكم وإعجابكم
وأن تلامس أحاسيسكم ومشاعركم
لكم القصيدة ولي الشرف بمصافحتها
مدري وش اللي يصيبني يوم أناظرك = أضيع وأغرق وسط مدي وجزري
أنسى الخلايق كلهم وآتذكرك = يامصدر أحلامي من أيام صغري
ياملهمي لو تدري بحال شاعرك = ماكان بدلت المواصل بهجري
يمرني طيفك بليلي وأسامرك = ويضيق صدري كل ماقلت بسري
ويمرني صوتك بسمعي وأدورك = وألقاك في دم الشرايين تجري
ويمرني همسك ورقة مشاعرك = وألقاك حاضني بأبيات شعري
ويمرني غيمك ولا شوف ماطرك = وألقاك تسكن ذكرياتي وعطري
ويمرني شوقك بقلبي وأسافرك = وأبحر مع الأشواق في بحر فكري
ويمرني زولك بعيني وأساهرك = وآنا الذي من قبلك آنام بدري
المشكلة إني من سنين خابرك = عشرة عمر راحت بعمرك وعمري
لا تذيقني مرك بعد ذوق سكرك = وبعد المحبة لا تفكر بغدري
ياصاحبي مابيك تاخذ بخاطرك = لو يجرحك شعري ويوجعك حبري
أعاتبك لأني أحبك وأقدرك = عمر العتب ماحط قدرك وقدري
ودي أبوسك فوق خدك وأخدرك = وأنومك نومة هنا فوق صدري
وأقومك بشويش وأرجع وأناظرك = وأقول تكفى ما أبي شخص يدري
وسلامتكم
أخوكم عبد الرحمن سعد الدوسري
حزين الحرف
إخواني الأعضاء الغالين على قلبي
أهديكم هذه القصيدة الجديدة
متمناً أن تحوز على رضاكم وإعجابكم
وأن تلامس أحاسيسكم ومشاعركم
لكم القصيدة ولي الشرف بمصافحتها
مدري وش اللي يصيبني يوم أناظرك = أضيع وأغرق وسط مدي وجزري
أنسى الخلايق كلهم وآتذكرك = يامصدر أحلامي من أيام صغري
ياملهمي لو تدري بحال شاعرك = ماكان بدلت المواصل بهجري
يمرني طيفك بليلي وأسامرك = ويضيق صدري كل ماقلت بسري
ويمرني صوتك بسمعي وأدورك = وألقاك في دم الشرايين تجري
ويمرني همسك ورقة مشاعرك = وألقاك حاضني بأبيات شعري
ويمرني غيمك ولا شوف ماطرك = وألقاك تسكن ذكرياتي وعطري
ويمرني شوقك بقلبي وأسافرك = وأبحر مع الأشواق في بحر فكري
ويمرني زولك بعيني وأساهرك = وآنا الذي من قبلك آنام بدري
المشكلة إني من سنين خابرك = عشرة عمر راحت بعمرك وعمري
لا تذيقني مرك بعد ذوق سكرك = وبعد المحبة لا تفكر بغدري
ياصاحبي مابيك تاخذ بخاطرك = لو يجرحك شعري ويوجعك حبري
أعاتبك لأني أحبك وأقدرك = عمر العتب ماحط قدرك وقدري
ودي أبوسك فوق خدك وأخدرك = وأنومك نومة هنا فوق صدري
وأقومك بشويش وأرجع وأناظرك = وأقول تكفى ما أبي شخص يدري
وسلامتكم
أخوكم عبد الرحمن سعد الدوسري
حزين الحرف