خوش ولد
03-05-2004, 01:09 AM
السلام عليكم ورحمة الله وبركاته
أهلاً وسهلا بكم جميعا شباب وشابات شياب وشايبات ،، يا مرحبا بكم ذكور وإناث يا مرحبا بالجنس الخشن والناعم << خاش بقالة ويدور على ملح ،، فاقول لا للديكتاتورية ولا للشيوعية والامبريالية والرأس مالية ،، اوه اسف ما عليش دخلتكم في موضوع ثاني هذا كان حق الجادة
المهم نعود إلى محور خرابيطنا عفواً اصد محور حديثنا ، الموضوع اليوم هو مشاركة بسيطة أحببت أن أشارك فيها وأن أدلو بدلو فيها (( يمديك يا مغاط على ادلو هذي )) ،، وهو ،، كيف يلبس الشباب السعودي ؟ ونركز في الموضوع على المظهر الخارجي وطريقة اللبس والاهتمام فيه ، في رأيي الشخصي ان الشباب أربعة أنواع في هذا الشأن .
النوع الأول
وهو النوع النرجسي بمعنى انه ولد بماطور بنت (( الماطور للنرجسيين الذين لا يعرفونه هو اداة ما تستخدم لانتاج الطاقة وهو نوعا ما يعتبر محرك )) ،، النوع النرجسي هذا مشكلته مشكلة قبل ما يطلع يلطخ وجه بنص كيلو نيفيا عشان يرطب البشرة تعرفون الجو عندنا واااي مرة حر موووت ،، ثم يلبس الثوب والغترة واللهم طولك يا روح ساعة ونص واربع طعش دقيقة وستة وثلاثين ثانية قدام المراية يشيك على وجه واذا خلص من الوجه ياخذ لك شوط ثاني وبنفس المدة عشان يشخص ،، والادهى من هذا والامر اذا ما كان يلبس ثوب او غترة ،، لا يروح فكركم بعيد ،، اقصد من النوع اللي يلبس جنز هذا مصيبته اكبر مرة وربع ،، تشوفه لابس ذاك الجنز اللي من كثر ما هو ضيق يقول الجنز الله يقلع هالحظ اللي خلاني على الرف الثالث ذاك اليوم في المحل واختارتي هالمخروع من بين كل الجنوز ،، ويدهن لك الشعر ويفرق الفرقة ويلبس لك التي شيرت الستريتش (( كلام مشفر للشياب )) ويكون ناعم زيادة حبتين ونص ،، وقتها تتلخبط عندك الفيوزات اللي قدامك ذكر ولا انثى ولا ...؟؟ يالله يتلكم ويالله يمشي يعني بالعامية .... خكري .... ،، مثل هذا لو ارتفعت درجة الحرارة يذوب مسكين ،، مثل هذا لو صكته امه كف على وجه ينصهر (( الانصهار حالة فيزيائية يتحول فيها الورق الى مادة تستخدم في صناعة بواجي السيارات )) .
النوع الثاني
نفس النوع الأول لكنه يختلف عنه في طريقة التعامل والكلام يعني يحب التشخيص بزيادة لكنه عادي في كلامه وتعامله وحياته يعني مو .... خكري ....
النوع الثالث وما ادراك ما النوع الثالث
هذولا اللي ما يعرفون للتشخيص طريق النوع هذا يجي طالع من بيت امه على باله شخصية يعتقد انه ؛++ خووووش سكبة ++؛ على قولة اخوانا الكويتين ،، ولو تشوفه يجيك عمى ألوان ،، النعال برتقالية ،، أبيع من عمري يومين وأعرف من وين جايبها ،، ولابس لك ثوب يا ساتر أصفر من صفار الدم (( عفواً انا نسيت لون الدم اصفر ولا ازرق )) ،، والغترة وما ادراك ما الغترة لو يدرون عنها شركة البسام وانه ما زال هناك انسان على وجه البسيطة يلبسها كان حولوا نشاطهم لجلد ودبغ جلود الخرفان وتلميع المرايا وصيانة الاجهزة الالكترونية وبيع بطيخ بدون فص ،، هذا غير الكماليات مثل الخاتم والسبحة اللي ما ادري من وين جايبها اتوقع من منجم في بركان الغابة اللي تحت البحر جنب التربة السطحية (( اتحدى احد يعرف وش السالفة من الظروف المكانية اللي قلتها )) ،، بالمختصر المفيد تقدر تقول عن مثل هالشخص انه فيلم ملون بدون الوان او فلم مصري باللغة اليابانية ومترجم للغة الانجليزية والممثلين هنود .
النوع الرابع والاخير وهو النوع الاكثر انتشار
النوع العادي ،، بمعنى انه يلبس عادي ويمشي عادي ويعيش عادي واكثر الناس على نفس النمط
طبعاً الهدف من الموضوع هو الدعابة ، وان شاء الله يكون خفيف عليكم
تحياتي
أهلاً وسهلا بكم جميعا شباب وشابات شياب وشايبات ،، يا مرحبا بكم ذكور وإناث يا مرحبا بالجنس الخشن والناعم << خاش بقالة ويدور على ملح ،، فاقول لا للديكتاتورية ولا للشيوعية والامبريالية والرأس مالية ،، اوه اسف ما عليش دخلتكم في موضوع ثاني هذا كان حق الجادة
المهم نعود إلى محور خرابيطنا عفواً اصد محور حديثنا ، الموضوع اليوم هو مشاركة بسيطة أحببت أن أشارك فيها وأن أدلو بدلو فيها (( يمديك يا مغاط على ادلو هذي )) ،، وهو ،، كيف يلبس الشباب السعودي ؟ ونركز في الموضوع على المظهر الخارجي وطريقة اللبس والاهتمام فيه ، في رأيي الشخصي ان الشباب أربعة أنواع في هذا الشأن .
النوع الأول
وهو النوع النرجسي بمعنى انه ولد بماطور بنت (( الماطور للنرجسيين الذين لا يعرفونه هو اداة ما تستخدم لانتاج الطاقة وهو نوعا ما يعتبر محرك )) ،، النوع النرجسي هذا مشكلته مشكلة قبل ما يطلع يلطخ وجه بنص كيلو نيفيا عشان يرطب البشرة تعرفون الجو عندنا واااي مرة حر موووت ،، ثم يلبس الثوب والغترة واللهم طولك يا روح ساعة ونص واربع طعش دقيقة وستة وثلاثين ثانية قدام المراية يشيك على وجه واذا خلص من الوجه ياخذ لك شوط ثاني وبنفس المدة عشان يشخص ،، والادهى من هذا والامر اذا ما كان يلبس ثوب او غترة ،، لا يروح فكركم بعيد ،، اقصد من النوع اللي يلبس جنز هذا مصيبته اكبر مرة وربع ،، تشوفه لابس ذاك الجنز اللي من كثر ما هو ضيق يقول الجنز الله يقلع هالحظ اللي خلاني على الرف الثالث ذاك اليوم في المحل واختارتي هالمخروع من بين كل الجنوز ،، ويدهن لك الشعر ويفرق الفرقة ويلبس لك التي شيرت الستريتش (( كلام مشفر للشياب )) ويكون ناعم زيادة حبتين ونص ،، وقتها تتلخبط عندك الفيوزات اللي قدامك ذكر ولا انثى ولا ...؟؟ يالله يتلكم ويالله يمشي يعني بالعامية .... خكري .... ،، مثل هذا لو ارتفعت درجة الحرارة يذوب مسكين ،، مثل هذا لو صكته امه كف على وجه ينصهر (( الانصهار حالة فيزيائية يتحول فيها الورق الى مادة تستخدم في صناعة بواجي السيارات )) .
النوع الثاني
نفس النوع الأول لكنه يختلف عنه في طريقة التعامل والكلام يعني يحب التشخيص بزيادة لكنه عادي في كلامه وتعامله وحياته يعني مو .... خكري ....
النوع الثالث وما ادراك ما النوع الثالث
هذولا اللي ما يعرفون للتشخيص طريق النوع هذا يجي طالع من بيت امه على باله شخصية يعتقد انه ؛++ خووووش سكبة ++؛ على قولة اخوانا الكويتين ،، ولو تشوفه يجيك عمى ألوان ،، النعال برتقالية ،، أبيع من عمري يومين وأعرف من وين جايبها ،، ولابس لك ثوب يا ساتر أصفر من صفار الدم (( عفواً انا نسيت لون الدم اصفر ولا ازرق )) ،، والغترة وما ادراك ما الغترة لو يدرون عنها شركة البسام وانه ما زال هناك انسان على وجه البسيطة يلبسها كان حولوا نشاطهم لجلد ودبغ جلود الخرفان وتلميع المرايا وصيانة الاجهزة الالكترونية وبيع بطيخ بدون فص ،، هذا غير الكماليات مثل الخاتم والسبحة اللي ما ادري من وين جايبها اتوقع من منجم في بركان الغابة اللي تحت البحر جنب التربة السطحية (( اتحدى احد يعرف وش السالفة من الظروف المكانية اللي قلتها )) ،، بالمختصر المفيد تقدر تقول عن مثل هالشخص انه فيلم ملون بدون الوان او فلم مصري باللغة اليابانية ومترجم للغة الانجليزية والممثلين هنود .
النوع الرابع والاخير وهو النوع الاكثر انتشار
النوع العادي ،، بمعنى انه يلبس عادي ويمشي عادي ويعيش عادي واكثر الناس على نفس النمط
طبعاً الهدف من الموضوع هو الدعابة ، وان شاء الله يكون خفيف عليكم
تحياتي