الشاعر (الووطن) تقدم الله لايهينك

[هداااج الهيلا]

أستلم يالوطن لاهنت


سلام الله سلامن مثل ماينساق طيب العود = ليا منا حضرنا يارد الضامي على الجمه
عليك تلبي الدعوا علينا نبذل المجهود = نبا نضيف سعادتكم ضيافه غير ومهمه

[** الوطن **]

السلام عليكم ورحمة الله وبركاته

حياك الله هداج الهيلا

واتمنى الجميع بخير وعافيه


استلم استلم



الا يامرحبابك ياهلا والبيض ماهي سود=وجود الرجل ياهداج من خاله ومن عمه

نجي حسب الطلب والسالفه في حبلها الممدود=ومجلاس الوطن معروف دايم عالي القمه

[هداااج الهيلا]

أستلم أستلم



يدوم لك البقا حنا على الزايد ترانا نزود = نشد الحيل دون الحال حتى نبري الذمه
والا يامعشر الشعار دعوانا سهود مهود= نبا نعلم عميل الخير معنى الزوم والزمه

[** الوطن **]

استلم استلم



عميل الخير في وسط المواجه ينشق البارود=وابو مره ليا شاف الوطن مايلبس العمه
توقع يا العتيبي لاتهور والبلد محدود=وانا خابرك منت الزيدي اللي ياكل الشمه

[نـواف الشمــري]

صحت السنتكم جميعا ولا هنتتتوا







كفييتوا ووفيتتوا





واصلوا وأنا بصفك يالوطن ولا يهون هداااج













فمان الكريم

[هداااج الهيلا]

أستلم استلم



على سلم العوارف والنقا ياصاحبي مجرود = وراع الصيت شاف العلم لكن ليش ماضمه
تراها فعلت ابريل فعلوها حامد ومحمود = علامك قمت يالدكتور تخط الدرب وتخمه

[االرااهي]

تراها فعلت ابريل فعلوها حامد ومحمـود
علامك قمت يالدكتور تخط الدرب وتخمـه


صحت لسنتكم ياشعاار كلام والله
واصلواواصلوا والتوالي الها والي

ونا في صفك ياهدااج والمخرج ملي
بدون قصور بالووطن

[** الوطن **]

هلا حياك الله نواف وتزيد الصف شرف بوجودك
وحياك الله يا الراهي

استلم استلم ياهداج



الا ياصحابنا هداج لاهبة هبوب النود=اشوف ان العتيبي مع هواها محرق ٍ دمه


حسابك داخل بنوك التجاره والحدث مشهود=على حاله عسى ربي يجيب الخير ويتمه

[هداااج الهيلا]

أستلم أستلم



يعقب شاربن مايحتمي لا حك عودن عود = ولك لفتت نظر ياصاح باقي فرض قم تمه
انا مالي بهاذي خص لاطارد ولا مطرود = ومن يطلق عقال الفكر في ذا المنتدى يلمه

[فهده]

صحت السنتكم يالشعار


سلام..

[** الوطن **]

استلم استلم



انا ماقلت فيك اخلاف شاعر تفهم المقصود=ولكنك تجينا احيان ياهداج بمطمه

على ماطاب ياهداج عاين والرسن مشدود=ومن ضيَع علوم ابريل مايحفظ اوصاة امه

[محمد ابن براك العطاوي]

ياسلام ياسلام

هداج والوطن

صحت السنتكم على هالمحاوره الطيبه
ولاهي غريبه عليكم

وانا في صف الوطن والمخرج ملي

متـــــــــــــــــــــــ ــابع

[عوادالعلي]

العملاقان

هداج
و
الوطن

صحت السنتكم
على هالمحاوره المميزه
متـابع

[** الوطن **]

صحة ابدانكم

وللحضور الكريم كل الشكر على مرورهم الكريم


وزيادة الابداع تواجدهم ومتابعتهم


كما اشكر المتابعين خلف الكواليس على متابعتهم


الله يعطيكم العافيه

[أمونةلوز]

ياسلااااااام محاوره ولا اروع
صحت السنكم واعتلا شأنكم

[عادل الذيابي]

صحت السنتكم والله صدقت يالوطن من ضيع علوم ابريل مايحفض وصات امه

[مفرح بن مناحي]

صجت ألسنتكم جميع