المساعد الشخصي الرقمي

مشاهدة النسخة كاملة : الشاعر القدير / الوطن تفضل لاهنت


محمد ابن براك العطاوي
14-04-2009, 12:48 AM
السلام عليكم ورحمة الله وبركاته
اخوي الشاعر الوطن
اقلط وانا يشرفني اللعب معك

استلم لاهنت :

ليامنا بدينا ماعكسنا في طريق الناس = نثبت كل حاجه ياطويل العمر في مقياس
تبيها من حديد وزنك والا من ذهب والماس = عسى الله ينصر الاسلام ويعز السعوديه



ندور للمسايل حل نبغى للحلول ثبوت = ونجمع كل الاثباتات وندون نتايجها
تشوف ان الجبل به ذيب وتشوف البحر به حوت = لكن رجليك شف مدخالها واعرف مخارجها
** الوطن **
14-04-2009, 01:11 AM
تسلم يا ابن براك الله يرفع قدرك ويعلي شانك

وامسي على جميع المنتدى بالخير

واتمنى انهم بخير وفي تمام الصحه


الله يشرفك بطاعته استلم استلم




ليامنك مشيت الدرب يامحمد تعال ورح=وانا ماشي طريق المعرفه ياصاحبي بالصح
تبي تطبخ بقدر الضغط يامحمد بياض ومح=عسى الله ينصر الاسلام ويعز السعوديه




ليامنا مشينا ياعميلي والهدف منعوت=جمال عقيل معروفه ولاتقضي حوايجها

اعرف اللي يبا المكسب واعرف اللي يدور قوت=بقدر عقول خلق الله يا ابن براك اهرجها
محمد ابن براك العطاوي
14-04-2009, 01:26 AM
قبل يلفيك شيٍ بين كل الناس ماتنساه = انا ماقلت فيك قصور خل السيل في مجراه
اباه ايعم ذيك وذيك ثم ينزل لذاه وذاه = عسى الله ينصر الاسلام ويعز السعوديه



ترى بعض الاوادم لو تكلم ماسمع له صوت = نبا نصبر عليهم لين رب البيت يفرجها
انا بثبت الكوره على المرمى وقرب شوت = ولكن ياولد بعض العرب مبغاك تزعجها
** الوطن **
14-04-2009, 01:39 AM
طيب طيب

استلم



ليامنك بغيت الدرب بالمعروف جاء معروف=ولو لفيت في درب المواجه جاك عشر كفوف
لاتسمع من نبيل شعيل لاتسمع لجرج وسوف=عسى الله ينصر الاسلام ويعز السعوديه







اعرف ان الولد لامن قصر صوته ولد مكبوت=ورجلينك يابن براك وسط الدرب تسهجها

تحت ظل السقيفه يامحمد لايفوت الفوت = تسرجها تروضها تروضها تسرجها
محمد ابن براك العطاوي
14-04-2009, 01:51 AM
تبا تمشي على اللي ودنا بالطيب واللي غار = وترى مع سابق الاصرار جاء مني عليك انذار
تبا تجيب الحطب للنار وانت امع الحطب فالنار = عسى الله ينصر الاسلام ويعز السعوديه



انا ماعاد اميز كلمة الشامت من المشموت = اشوف الناس تنكر لو على حسابك تحججها
ترى حبل الشكايم في يميني ماهو ابمفلوت = والا ياحضرة الدكتور رح عنها لاتحرجها
** الوطن **
14-04-2009, 02:07 AM
استلم استلم



انا ماقلت فيك خلاف والله صاحبن غالي = لكن اشوف بعض احيان مخك مخ بنغالي
ابيك تروح لشغالك وانا بروح لشغالي = عسى الله ينصر الاسلام ويعز السعوديه




ليامنا دخلنا يامحمد معركة جالوت = شعمت النيره اللي ينبسط من شاف واهجها
انا خابرك يامحمد تعرف اللول والياقوت = تدرجها مع الايام ولا لاتدرجها
محمد ابن براك العطاوي
14-04-2009, 02:16 AM
علامك ياعميلي قمت تذكرني وتنساني = ليامنك زعلت اشوف قلبك قلب نصراني
وانا لامن حضرت ايبين الاول من الثاني = عسى الله ينصر الاسلام ويعز السعوديه



تحلم يوم بعض الناس يالدكتور عنك خفوت = والا ياراعي الابراج ماتقدر تبرجها
انا خابرك تاكل قبل رمانه وحبة توت = تهرجها بتال الوقت والا ماتهرجها
** الوطن **
14-04-2009, 02:45 AM
استلم استلم



انا ماانسى هل الرآي السديد اللي يجيبونه=وسم الداب بنيابه لو انه سكر عيونه
اثر بعض اللحى بالزيت مطليَه ومدهونه=عسى الله ينصر الاسلام ويعز السعوديه





عساك تعيش يامحمد بخير ومايجيك الموت=يا ابن براك درجها على مازان درجها
وتمرت خرج ابن براك ماهي تمرت النبوت=وكل ٍتحت ضرسه ياعميل الخير عالجها
محمد ابن براك العطاوي
14-04-2009, 03:03 AM
اعرف الداب والحيه واعرف النصر والعصفور= ولي كلمه ولك كلمه ولك دورك وانا لي دور
ولي منظور فالدنيا ولك ياصاحبي منظور=عسى الله ينصر الاسلام ويعز السعوديه




الا يازين شكلك ياعميلي لالبست الكوت=ولكن مخرج الافلام قلي كيف يخرجها
انا حظي كبير وحظك انته ماهو ابمبخوت = وترى حجتك من جاها من الغشمان يفلجها
** الوطن **
14-04-2009, 03:23 AM
استلم استلم



وانا اعرف كل ماقلته وزاده عرف ابو مره=ليا منَه لقى غاوي من العربان يجتره
تبا تساعد فلسطين وترد محمد الدره=عسى الله ينصر الاسلام ويعز السعوديه





سرت في داخل التابوت مدفونه مع التابوت=ياكثر اللي تبي ربي من التابوت يخرجها

الا يامدور الملفوت لو تدري عن الملفوت=عليَه من حزامي يامحمد ماتولجها
محمد ابن براك العطاوي
14-04-2009, 03:55 AM
الاخ الشاعر / الوطن صح لسانك
وتشرفت باللعب معك
ولنا لقاء فيما بعد
ان شاء الله تعالى

دمت ب 1000 خير
الغنامي
14-04-2009, 11:15 AM
الاساتذه

أبن برااك .. الوطن..

صحت السنتكم ..
** الوطن **
14-04-2009, 01:11 PM
اللعب معك يا ابن براك لعب حقيقي
على معناه وعلى نهج قويم

لله درك


وصح لسانك
** الوطن **
14-04-2009, 01:49 PM
صح بدنك الغنامي

ولاهنت على المرور الكريم



ومحمد ابن براك مكسب للشعر واستاذ
المسؤلة عن المدارس الأهلي
14-04-2009, 08:51 PM
بارك الله لكم وفيكم
عطاء رائع
عوادالعلي
14-04-2009, 11:08 PM
هلا بالابداع هلا بالجزاله

هلا بالعمالقه هلا بالاساتذه هلا بالدكاتره

شعراءنا الافذاذ / محمد بن براك /و/ الوطن

والله ان لمحاوراتكم مذاق خاص وتضيف لنا

الشي الكثير فالله دركم وصحت السنتكم
** الوطن **
16-04-2009, 12:41 AM
سلمت يا عواد العلي

بارك الله فيك على الشهاده الطيبه

وتستاهلون الجزيل
عبدالعزيز نايف
09-05-2009, 12:32 PM
صحت الالسن


أخوي محمد براك العطاوي


والاخ الوطن



صحت السنتكم وبيض الله وجيهكم





















تحياتي