الأصـــايل و الكديـــش ... ( اهداء لوجدان وملحقاتها ) ...

[أمل عبدالعزيز]

http://www.alyaum.com/images/12/12751/583685_1.jpg




للفن رجاله وللاتحاد سجاله , وبعد أمسية كروية , تابعتها القلوب قبل العيون , وخاضت غمارها أهازيج الجماهير الوفية الإتحادية , تلتهم النمور الزعيم , بفوز كاسح أليم , رغم أن مجرد التعادل كفيل بالإتيان بهذا الدوري في أول موسم له بهذا المسمّى ,ويأبى الإتحاد إلا أن يكون ( راعي الأولة ) ... ويتوّج تصدره مذ بزغ فجر هذا الدوري حتى آخر نفس في مباراة الليلة .......... وأخذنا الدووري .. رغم أنوف الحاسدين ,وصار الفرح فرحين ..

.
.
.

ولعيون الإتحاد وجمهوره الكريم أهدي هذه القصيدة لهم وكلي ( وناسة ) :مزون:
وأقول للغالية وجدان ومن سار على نهجها ههههههههههههه هارد ليكوو وعووئبال كل سنة :wink:


.
.

كريم يابرقٍ تلا نوره رشيش = طيح سحاب من أول الدوري نشا
يازين وبله داخل الخاطر يجيش= ومحلا سيوله تصطفق بين الحشا
من مفرق السوده إلى سينا عريش = ومن ساحل الغربي إلى وادي الرشا
ومن شمال الجوف حتى ابو عريش=والفوز ديمه قبلها الراعد وشا
ومابه معاليقٍ ضمت من هالنشيش=ومابه خفوقٍ ماتولّع وانتشا
بالإتحاد اللي ترك خصمه طشيش=وخلّى جماهيره تطرطش طرطشا
طبع الأصايل ماتناظر للكديش=توصل لخط الفوز والخاسر حشا
من يوم خرشات البطل أحمد خريش=وكل وجهٍ طاح حظّه واختشا
واللي كتب حظّه على دوش ودويش=مشّوه لكنّه تعثّر مامشا
درع البطولة مايجي بضرب ودفيش=راحت عليكم ياهلال الفرفشا
طارت زعامتكم بلا جانح وريش=و سرّ الزعامه عقب هالليله فشا
الأصل يبقى والهوامش طيش طيش=غشاكم اللي ترهبونه لا غشا
فرّق مواجعكم على ذاك الحشيش=وعشّى جماهيره من خيار العشا
ووجدان راحت كل هقواتك فشيش=وراسك عسى راسك يبطّ وينفشا
يعيش الإتّي وكل جمهوره يعيش=وكلّ قلب أصفر تعلّى وانتشا



.
.
.
أمل بنت عبدالعزيز

[مجروح ويكابر]

طبع الأصايـل ماتناظـر للكديـش

توصل لخط الفوز والخاسـر حشـا





هههههههههههههههه



صح لسانك ياامل



ومبروك عليكم يابطال

خذيتوها بدق الخشوم



تحياتي



#

[ماجد نصار]

:)

أبله أمل ألف مبروك فوز الإتحاد
كان فوز مستحق وعن جداره
وحظ اوفر لنادي الهلال
وهذه حال الكره ... العام كنا نكتب القصائد بفرح وتقرؤونها بمراره
وهذه الليله تتكرر
تكتبين بفرح ونقرأ بمراره دئلت
امممم
صح كلك أبله أمل
قصيده اممم مدري وش اقول عنها
أحس ضميري الهلالي يأنبني مايبيني أمدحها
وش الحل ؟

..........................





















































الحل صح كلك
ومافيك حيله
قافيه صعبه
وقصيده طربيه يكفي أنها كتبت في الفرح

ودامة أفراحكم يارب
بس مو على حساب الهلال ههههه

[أبوعبدالرحمن]

ههههههههههه


منوره غرابيل يا امل


ويازين هالبطولة اللي رجعتك للشعر ولغرابيل


صح قلبك وكلك


تحيتي لك

[محمد الدغيري]

ايو الله يا ابو عبدالرحمن

الله يجزاء البطوله الي نشوف فيها شاعرتنا العزيزه امل

الف مبروك الفوز


وصح كلك يا أمل


تحيه ع ــطره

[محمد بن ضاوي]

الأصل يبقى والهوامش طيش طيش

,,,,,,,,,,,,,,,,,,,,,, غشاكم اللـي ترهبونـه لا غشـا





ياسلام ,,,





أمل عبدالعزيز ,,,



الف صح لسانك ولاهنتي



قصيده فيها من الاحتراف الشي الكثير



طراه مدري وش طراه ,,,, طراه دوري المحترفين اللي اخذه الاتحاد ههههههههههههه





مره ثانيه صح لسانك ولاهنتي



وعلى فكره ترى ما تجريت ارد الا بعد ماشفت ابو عبدالرحمن رد



خايف يفهمني خطا :مزون:

[ليــن القســا]

رائعة ترسم نشوة الانتصار ..
_ رغم إني لا أفقه شيئا في الكرة _
إلا أنك جعلتني أشعر بشعور المنتصر حينما يصدح بأغاريد الفرح , وينثر أكاليل الورد ..
عسى فرحتك دوم عزيزتي
ولاعدمنا هطولك شاعرتنا ...

[وجــــدان]

السلام عليكم ورحمة الله وبركاته

رديتيها يعني ؟

كفو يابنت عبدالعزيز ومن ماتقاضى وهو حي لامات يدمح

وماقول غير حسبنا الله على خالد عزيز وجه النكبه

المهم مبروك البطوله وتستاهلون




سهمٍ يصيب وسهم باذن الله يطيش=كلن يشا والله يفعل مايشا
ولاطاح بدر من السما لاتقول ليش=تحمّد الله ونام من بعد العشا
والبارحه ياموجنا شربة جريش=والشوشه انتفشت بلا جل ونشا
سبّة عزيز وخشّته نمنا عطيش=تقطّعت دون أزرق الموج الرشا


بالنسبه للقصيده عاديه

وتتراوح من متوسط لضعيف فيها ركاكه وصور مستهلكه ويتهيأ لي ماني متأكده يعني ان العجز زايد بحرفين الا ربع عن الصدر ههههههههههه

أمل صح لسانك ملايين

هذي حرام تنقال في الكوره كلها ماهوب هلال واتحاد

ويحسب لك ذكاء اختيار القافيه داريه اني متقفيتك بالرد وحشرتينا بهالقافيه العسره ههههههه تعلميني فيك

مبروك والوعد البطوله الجايه ويارب يطردون خالد عزيز يارب

تحيتي القلبيه لك

[لــيــل]

كريم يابـرقٍ تـلا نـوره رشيـش=طيح سحاب من أول الدوري نشا
يازين وبله داخل الخاطـر يجيـش=ومحلا سيوله تصطفق بين الحشـا



هنا انتِ هتان لاينقطع من العذوبة والجمال....




ووجدان راحت كل هقواتك فشيش=وراسك عسى راسك يبـطّ وينفشـا



ههههههههههههههههههههههههه ههههههه....


وجدان اشوف راسك؟؟؟؟....


غاليتي ( امل عبدالعزيز )


الحمدلله اني لستُ ضد ولا مع....ولكنّي بالتأكيد مع فرحة كليكما في حالة الفوز....فترليون مباركِ لكِ....


ورأيي من رأي ( وجدان ) فمثل هذه القصيدة حرام ان تكتب في الكورة....


حقيقةً انتشيتُ طرباً هنا....


صحّ لسانك الى مالانهاية....


نورتي غرابيل بعودتكِ البهية....فعوداً حميداً ان شاء الله....


لاعدمناكِ....ولا اطلالاتكِ وحروفكِ....


ودمتِ بودّ....

[السُّلمي]

من يوم خرشات البطل أحمد خريش

وكل وجهٍ طـاح حظّـه واختشـا

واللي كتب حظّه على دوش ودويش

مشّـوه لكنّـه تعـثّـر مامـشـا

درع البطولة مايجي بضرب ودفيش

راحـت عليكـم ياهـلال الفرفشـا

طارت زعامتكم بلا جانـح وريـش

و سرّ الزعامه عقب هالليله فشـا

الأصل يبقى والهوامش طيش طيش

غشاكم اللـي ترهبونـه لا غشـا

فرّق مواجعكم على ذاك الحشيـش

وعشّى جماهيره من خيـار العشـا




الشاعرة العذبة : أمل بنت عبد العزيز

صح لسانك ولاهنتي

الله يا أحمد خريش أنت في تاريخ العميد
بس بس اللي ماله تاريخ مثل العميد وين يروح ؟

يعنى البارح
هو صد
ولاهو بكى ؟
وين راح وين راح
يوم كونه
كلها نمور
وهو ماله حتى عشاء !!



ألف مبروك يا أمل وألف مبروك للأحبة الإتحادية


وعساكِ على القوة


لكِ التحايا

أخوكِ السُّلمي

[عوادالعلي]

ههههههههه
تستاهلون

الفين مبروك مني يافريق النمور=الله حسيبي على المنكوب خالد عزيز
لو مابغيت اعترف بجهود وابداع نور=ابعترف لك هنا يابنت عبدالعزيز

صح لسااانك ابدعتي كما ابدع هزازي

[صالح الروقي]

أمل

ماابطى السيل الا من كبره

وينك لك فتره غاااااااايبه

ماطلعك غير فوووووز الاتحاد

صح لسانك عدد بطولات الاتحااااااااااد :)


يالله عشان الاتحاد جاء ضيف عندنا ماودنا نخسره المشوار
خلوه يفوز هالمررررررره ههههههههههههه

تحياتي

[نـواف الشمــري]

أمل عبدالعزيز














صح الله لسانك ولا هنتي













تقبلي مروري المتواضع













فمان الكريم

[ابوحاتم العطاوي]

صح لسانك يا أمل


والف مبروك الفوز



وتستاهلون درع الدوري

[نواف زايد الشلاحي]

صح السانك يا امل عبد العزيز علا القصيد الجارحه ولقويه تقبلي مروري
اخوك/ نواف الشلاحي

[فهد المخلفي]

والله كل شي اعرفه الاالكوووووووووره
من يوم الله خلقني
لاكن القصيده جزله ومن شاعره جزله

[مقرن بن زقيع]

أمل صح لسانك وقصيده من العيار الثقيل وشكلك حشرتي وجدان في زاويه مافيها احد:)



بس ماتوقعتك متعصبه لهاالدرجه لكن مادمتي اتحاديه حتى في اطار القصيده مالومك اجل




بس عاد ماتشوفين انك ظلمتي الهلال الزعيم بهالقصيده:)



عندي ملاحظه ياأمل سنبقى في الصداره دوما وابدا بعدين ترانا لاعبين بعشره فقظ وجبنا هدف واحنا بدون محور وانتم احدعشر لاعب ويالله فزتوا:)


الف الف مبروك فوزكم وتستاهلونه بصراحه بس الوعد قدام انشالله


وبيتين على الطاير من باب المداعبه وانقاذ لوجدان:)




بكره يبايبين الصحيح من الغشيش=وتبا تعود بالمحاله والرشا
والموج الازرق سطوته سطوة قريش=والكم تصدق بالكرامه والعشا
[/poem]



تقبلي مروي وتحيتي لك...

[صهيل الصمت]

رائعة تحسب لك

ويكفي الاتحادية فخر هالقصيدة


اعجبتني كثير والردود استوقفتني بعد !!!



الف مبروووووك للاتحاد



ومن فرح لفرح يارب دوم


سلم قلبك لنا ,,


ود,,

[أمل عبدالعزيز]

مجروح ويكابر



شكراً لك الحضور وربي يبارك فيك

وعوئبال كوول مررة

تحيتي لك

[ناصر الذرفي]

الله الله عليك يـ أمل

صح لسانك وتعلى شانكـ

يستاهــل العميـــد

تميزك يجبرنا على انتظار جديدك

مودتي