افكار لتنمية المفاهيم الجغرافيه والتاريخيه

[مرهفه]

السلام عليكم ورحمة الله وبركاته

مساء الخير ...


يا الغاليين بغيت بس افكار من عندكم عندنا في مادة تنمية المفاهيم الجغرافيه والتاريخيه عملين بنقدمها بيوم واحد ابي افكار جديده للعمل اغلب المواضيع مكرره مثلا المفاهيم الجغرافيه كثيير شفت اعمال عن البركان والزلزال والمطر ابي مفهوم جديد كذلك المفاهيم التاريخيه اغلبها عن غزوات الرسول صلى الله عليه وسلم او توسعة الحرم المكي ...فا ابي افكار فيها ابتكار شوي عشان ابدا بالعمل من الان لانو الاسبوع الجاي لازم اقدم العملين بيوم واحد تكفون نوروني بأفكاركم وخباراتكم ..
يعطيكم العافيه وماقصرتو

[برائــة طفــل]

السلام عليكم حبيبتي ....
طيب دام البنات عندك بمفهوم الجغرافيا اخذو البراكين والزلازل انا عندي نفس الماده وفيها اعمال بس انا كمان عرضي الاسبوع الجاي يوم الاثنين

شوفي احنا افكار البنات اللي اعرضو كانت حلوه والدكتوره مره امدحت فيهم ...

فيهم من قدمها على شكل قصة اوانشوده >>> مره كانت روووعه

بالنسبه للجغرافيا فيه شي اسمه الجغرافيا الحيوانيه >> يعني قدمي قصه عن حيوان معين
واذكري صفاته او خصائصه

وانشاء الله يعجبك انا بحاول اجيب لك من البنات اللي اعرضوا اعمالهم

فيه بنت مره رهيبه سوت عمل متقن بيفيدها لبعدين بالتطبيق جناااان الوسيله كانت

اذا حابه اروح اقول ميدها واصورها لك ورسلها لك ما في مشكل
انا بالنسبه لي اشوف اللي عندي اتجهوا للحيوانات كثير فعشان كذا حابه فكره ثانيه من عندك
ياقلبي يعني شي قدموه البنات عندك وعجبك لا تبخلين علي فيه ...

وبالنسبه للتاريخ ماادري صراحه لانو انا عمل واحد فقط >> اللهم لاحسد لاينظلوني :مزون:

شوفي بالنسبه للتاريخ ماينفع مثلا .. قصة اصحاب الفيل او الاهرامات المصريه


اتمنى اكون افدتك ...

وإذا حابه اتواصل معك ع المسن يكون افضل واسرع :swords:

[مرهفه]

مشكوره حبيبتي براءة طفل اسعدني تواجدك

بالنسبه للأفكار يا اختي حنا لسى ما عرضنا اي شيء فا بني نكون اول مجموعه تعرض ونخلص عشان كذا ما عندي اي افكار عن اعمال جديده يعني من الاسبوع الجاي تبدا العروض
وفكره الجغرافيا الحيوانيه مره روووعه واحسها بتكون سهله علينا وكمان على الطفل ... كان ودي حبيبتي اساعدك بس الى الان ما بدت العروض بس اذا شفت اي شيء بقولك وانتي بعد يا ليت تخبريني بالافكار اللي عندكم

[برائــة طفــل]

السلام عليكم .......... يالغلا

كيفك انشا الله تمام ..

اذا في بالك شي معين اوتبيني اساعدك فيه او اسالك عنه انا بالخدمه وانشا الله اقدر اساعدك..

حبيت اسالك انتي باي (كليه-جامعه).؟

انا بكلية اعداد معلمات بالرياض -

واذا عندكم ماده التربيه الحسيه ؟ >> ثقلت عليك بالأسئله

لانو انا مطلوب علي عمل لحاسة الذوق اذا عندك فكره ياريت تسعفيني فيها وبكون شاكره لك

واذا سمعتي عن كتب اعمال حلوه تساعدنا ياريت تكتبيلي

وعلى فكره كثير يمدحون مجلة بريد المعلم بس المجله فيها عمل واحد بس كل شهر
فانصحك بعدد هم منزلينه بيفيدك اللحين وبالتطبيق انشا الله (حصاد 6 سنوات) قيمته 50 ريال
كله اعمال الـ6 سنوات مجمعينها فيه

اتمنى افدتك اختي وبانتظار ردودك على باسرع وقت ومشكوره مقدماً

اختك برائة طفل

[shoooooq]

مرحبا
بالنسبة لحاسة التذوق ممكن وضع ماء نقي ,ماء بحر , خل , ماء ورد , ماء زهر والطفل يكشف الماء النقي انه لا لون له ولا رائحة ولا طعم وممكن وضع علامة فم انف على ماء الورد والزهر وعلامة فم فقط على الخل لان له طعم وهكذا

وممكن وضع فواكة (تفاح ,موز , برتقال, فراولة , كيوي , افندي , ليمون .............ثم تصنيف الفواكة الحلوة والفواكة الحامضة

[برائــة طفــل]

shooooq مشكوووره ياقلبي الله يفرج لك كل ضيق يارب


وحبيبتي انا محتاره بطريقة العرض

كيف اعرضهم للطفل عندك فكره

ورجاااائي ابي كتب استفيد منها للاعمال حلوه

اللي تعرف تكتب لي


اختكم برائة طفل

[lat22]

أهلا
وحده سوت عندنا بالكليه مفهوم جغرافي مره جنان وملفت بس إلي أذكرة إنه كان عن الليل والنهار بس سوت العمل على شمسيه........
ومسويته بقطع الجوخ.....

[أبله دلال]

السلام عليكم ورحمة الله وبركاته
........
..............
يا ريت اذا لقيتي موضوع جغرافي تفيدينا معاااااك
وانا اخترت تاريخي حادثة هدم الكعبة ومحتارة كيف اشرحها قدام البنات
يااااااليت تفيدوووووونا

الله يجزاكم كل خير :smile:

[برائــة طفــل]

بسم الله الرحمن الرحيم
السلام عليكم ورحمة الله وبركاته

اهلا اختي دلول ....
انا مطلوب مني عمل جغرافي والله انه حلو واسهل بس انا المشكله البنات عددهم كثير ماشاء الله
وكل ما فكر في فكره القاها ملطوشه >> حظ يكسر الصخر
وبما انها جغرافيا عندك الجغرافيا الحيوانيه والجغرافيا النباتيه وكذالك عن احوال الطقس
الحيوانيه مثلا : تتكلمين عن حيوان معين مثلا البغبغاء بطريقة قصه ومن القصة تعرضين اشياء كثيره
عن البغبغاء انه يستطيع العيش في جميع القارات وانه يقلد الصوات وان له الوان جميله وزاهيه
احنا فيه وحده من صديقاتي اعرضته بهالطريقه ومررره طلعت حلوه وامدحتها الدكتوره...
لانها شرت بغبغاء لعبه يقلد الاصوات وقالت قصه >> بالمختصر عشان القصه مو عندي وان بغيتيها بكلمها لك انشا الله
القصه تقول انه فيه بنت وولدين اخوان نجحوا وابوهم واعدهم بهدايا ولما وداهم للسوق الولد اشترى سكوتر والبنت اخذت عروسه اما بطل قصتها رفض وقال لبوه اك انت وعدتني بغبغاء قاله البو بس انت ماتعرف تعتني فيه قال له احمد بطلنا انه قراء كثير عن البغبغاء وعن طرق الاعتناء به وانه يستطيع ان يعيش في جميع القارات ولذالك سوف يستطيع العيش معنا وانه ...... إلخ
واقتنع ابوه وشرى له البغبغاء (وبعد كذا وضعت البنت مشكله في القصه وحلتها بالنهايه )والمشكله كانت ان البغبغاء قلد صوت باب المنزل وان ام احمد تذهب للتنظر فلا تجد احد وهكذا اتعبهم البغبغاء وكذالك كان يقلد نغمة جوال الاب وهو نائم فيصحى فلا يجد مكالمه فعرف انه من البغبغاء فققر ان يرجعه ولكن احمد يحبه ويريده فماذا فعل احمد ؟ >>> المقصد انك تحمسين البنات بالأجابه عرفتي
وبعدها تعطين حل انه مثلا: انهم يغيرون النغمه وصوت الجرس
للمعلوميه البنت استفادت من اللعبه يعني وقت التقليد كانت تسمعه الاصوات واللعبه تعيده كانت ممتعه مرره

اما الجغرافيا النباتيه :
عندنا بنت سوت لها حلقه وجمعت صديقاتها >> منعا للاحراج بالعدد هايل اللي عندنا >>ماشا الله
وجابت اصيص وبذره وتربه وسوت عن زراعه فاكه معينه عرفتي ومررره اعجبتها الدكتوره لا البنت ما شالله عليها مهدت للدرس وعرضت حلو واسلوب حلو وحمست البنات وعطت نهايه للدرس

للمعوميه احنا تونا اول سنه رياض اطفال يعني مو مطالبين مرره نتعمق اهم شي تمهيد عرفتي عشان كذا افكارنا بسيطا بس بالنسبه لنا واااااااااااو انجاز خخخخخ

والطقس يالغاليه ممكن تسوين عن الفصول الاربع <>>> بس ربي ميزنا وانه احنا تصير بيوم واحد يارب ترحمنا وتغفر لنا بس
او ممكن تسوين عن الماء ومصادر الماء وشوفي الرمل ووحدة الرمل ممكن تلقين افكار فيها تنفعك


اتمنى من كل قلبي اني افدتك يالغاليه :::
وانا عرضي الاسبوع الاول بعد الاجازه واحس اني محتاره وش اسوي اغلب الاشياء تكلموا عنها وما ودي بشي مكرر بس مصادر الماء ماسوها عندنا وافكر اسويها بس لسى ما جمعت اشياء فيها

وبالتوفيق للجميع :::
برائـــة طفــــل:weeping::ill_h4h::weeping:

[@بسملة@]

السلام عليكم ورحمة الله وبركاته شـكــ وبارك الله فيك ـــرا لك ... لك مني أجمل تحية .

[(* الوفـاء طبعي *)]

حضور رائع بارك الله فيكم
والله يجزاكم ألف خير

[أبله دلال]

الله يجزاك الجنة يا برائة طفل
ليت اقدر افيدك حنا بنبدأ عرض الاسبوع الاول بعد الاجازة
وانا ثاني اسبوع عرض

الله يوفق الجميع :wink:

[منى الحمادي]

أفكار جميلة وخاصة الفصول الاربعة
ليه ما تعملين عن الملابس واختلافها في كل فصل من فصول السنة
او حالة الاشجار والزهور في كل فصل يعني في الربيع تخضر اوراق الشجر والزهور تتفتح وفي الخريف تتساقط تصبح الاوراق بينية وفي الشتاء تتساقط وفي الصيف تثمر الفواكه اللذيذة بانواع متعددة

[برائــة طفــل]

السلام عليكم ....
مشكورين على الرد خواتي ..

وودي تساعدوني عندي عمل دمى (ام-اب-ولد) ومو عارفه كيف اسويها فاياريت اللي عندها فكره او اللي يسمونه _بترون>>> ودي اسويها بالجوخ

ابله دلال ياريت تكتبين لي العروض اللي بيسونها عندكم الاسبوع هذا

اختي منى الحمادي====> او حالة الاشجار والزهور في كل فصل يعني في الربيع تخضر اوراق الشجر والزهور تتفتح وفي الخريف تتساقط تصبح الاوراق بينية وفي الشتاء تتساقط وفي الصيف تثمر الفواكه اللذيذة بانواع متعددة
================> وضحيلي اكثر لوسمحتي بالصور او قصه او وسائل من عندك =>اسفه بثقل عليك





اختك .. برائــة طفــل

[القلم المضي]

شـكــ وبارك الله فيك ـــرا لك ... لك مني أجمل تحية .

[أبله دلال]

ان شاء الله تامرين أمر من عيوني
وبالنسبة للدمى كان في وحده من البنات مسويه عرايس مرررره شكله حلووو ما شاء الله إذا لقيت عندها صوره بجيبها لك ان شاء الله والي اذكره إن الملابس من الجوخ واشترت شعر مستعار ورتبته لهم وزينتهم وحطت لهم روج والوجه اخذت وعلى شكل ياقطين مدري قرع ..... إن شاء الله بشوف إذا لقيت الصور :)

[برائــة طفــل]

مشكوره ابله دلال ....
وياريت والله تجيبي صورهم اكون مشكوره لك لانو لازم اسلمهم يوم الثلاثاء (بعد بكره)
اكثر شي معقدني بالدمى كيف اسوي الوجه ""
والعرض حقي عن الجغرافيا الاسبوع الجاي يسلمو قلبـــــــــــــــــــو
واذا محتاجه شي اكتبيلي وانشا الله بردلك خبر...

اختــك:-

برائــة طفــل

[أبله دلال]

برائة طفل تفضلي هذه الصورة واذا بغيت اسال صديقتي عنها من عيوني :)

http://www.up-00.com/dafiles/YM678315.jpg (http://www.up-00.com/)

[برائــة طفــل]

السلام عليكم ورحمة الله وبركاته

يسلمو ابله دلال ويعطيك الف عافيه ومشكــــــــــــوره ياحياتي الصوره واضحه ما يحتاج يعطيك العافيه

محتاااااجه صور لتربة (الشاطئ-الصحراء-التربه الزراعيه)
بسوي العرض حقي عن انواع التربه بأذن الله

ومشكــــــــــــــورين

[الـحَنُونَـﮧْ]

مرهفه

معليش حبيت أسألك انتي تدرسين بأي جامعه !!

انا طالبة رياض أطفال وأول مرهـ أسمع بهالماده !!

[amo0on]

..sLaM..

اخباركم ..؟

موضوعكم هذا مررررررررررررررررررره افادني خاصه فكره الجغرافيا الحيوانيه والنباتيه لاني كن متوهقه :36_19_3[1

بس حبيت اسالكم انا افكر اني اسوي المفهوم التاريخي عن الهجره بس ماني عارفه
كيف اسوي العمل ياليت تساعدووني بفكره :36_1_1[1]

يسلموووووووووووووووو عالموضوع الروعه

[برائــة طفــل]

السلام عليكم ورحمة الله وبركاته

اموووون متى العرض حقك انا شكلي بستقر ولله الحمد اخيرا على موضوعك محد سواه عندنا

وطلعت كذا شي بس لسى ما كملته وضبطته اذا خاصته ارفقته بس قبل اذا انتي خلصتي موضوعك او عندك شي له على طووووول حطيه لنا اوكيشن وانا انشا الله برفق لك اللي عندي


اختك برائــة طفــل

[برائــة طفــل]

هـــذا عرض بس بدون كـــلام بس صــور للاحــداث

بور بوينت عن هجرة الرسول صلى الله عليه وسلم - منتديات التربية والتعليم (http://www.moudir.com/vb/showthread.php?t=203988&highlight=%E5%CC%D1%C9+%C7%E1%D1%D3%E6%E1)


على فكره حابه اسالكم صبايا عندكم افكار لحاسة الشم بس تكون مبتكره وحلوه وغير اعتياديه تكفوووون


برائة طفل

[أبله دلال]

السلام عليكم ورحمة الله وبركاته
والله مرررره فرحت انه عجبك يا برائة طفولة
وبالنسبة لعرض البنات الي في الاسبوع الي فات فيه مجموعتين كان عملهم بركااان ومثلوا انفجار البركان ( حطوا خل ولون طعام أحمر وبودور) كان شكله حلووو ما شاء الله وعرضهم كان عبارة عن قصة والمجموعة الثالثة كان الجغرافي عن دورة االماء في الطبيعة وكان العرض قصة... أما التاريخي فوحدة من المجموعات كان عرضهم عن قصة سليمان عليه السلام مع النمل والثانيه عن فتح الرياض وكااان العرررض مررره حلو ما شاء الله وعطتهم درجة كامله والأخيره عن قصة هدم الكعبة ...
إذا ما عليكم أمر أبي طريقة عرض هدم الكعبة قبل يوم الأحد مرررررره محتاااره كيف ابدأ بالقصة وكيف اختمها تكفووووون لا تردووني

[برائــة طفــل]

السلام دلال انشا الله عرضك مو بكره....

مدري صراحه شوفي الرابط عن قصة ابرهة وقصه مصوره له..

بس هدم الكعبه انتي مو تقولي فيه بنات مسوينه خلاص خليه وسوي شي ما سوه احسن لك عشان مايكون فيه ملل عرفتي...

قصة فيل إبرهة - منتديات التربية والتعليم (http://www.moudir.com/vb/showthread.php?t=197810)

وهذ له بس فيه اسأله وللعرض تطرحينها على البنات

شرح مفهوم تاريخي .! - منتديات التربية والتعليم (http://www.moudir.com/vb/showthread.php?t=249756&highlight=%E5%CF%E3+%C7%E1%DF%DA%C8%E5)




اتمنى اكون افدتك


برائــة طفـــل

[برائــة طفــل]

بناااااااااااااااات ابي فكره لحاسة الشم ضرووووووووووووري اليوم او بكرررررره استناكم لازم اسويها واقدمها الاثنين

واذا فيه عندكم اوراق عمل او العاب لحاسة الشم حطوه لي ضرروري

[أبله دلال]

مررررررره أفدتيني الله يجزاك خير
إذا شرحتي بشرينا عن عرضك

[برائــة طفــل]

السلام عليكم ورحمة الله وبركاته
كيفكم ؟
ابشركم الحمد لله عرضت درسي وارررتحت هم وانزااح باللي هو به ..

اول شي قلت السلام على البنات ثمن ........


كيفكم يا اطفاال ياحلوووين ...=======>حلوينا كثير مع ذى الماده خخخخخ
يالله نقول دعاء الصباح مع بعض ..........

اليوم اي يوم من ايام الاسبوع ؟
بتاريخ //1430 من هجرة الرسول(صلى الله عليه وسلم)

امممممممممممم من فيكم راح البحر ؟؟
====> واللي جاوبت ناضرت فيها وقلت لها باسمها يا --- وش شفتي بالبحر(يعني من باب تعزيز الطفل)

ثمن قلت اناا اليوم جايبه لكم قصه حلوووه بس ابي منكم عيونكم واذانكم تكون معي===>بالحركات طبعا الطفوليه يعني لما اقول عيونكم ااشر على عيوني وبعدها اذاني
ويديكم زي كذا====>كنت اتكتف يعني عشان ينضبطون معك شوي بس وربي ضبطتهم بشكل كني اتعامل من جد مع اطفال يعني وانا اشرح بنات تكلمن مجرد نظره للمعلوميه ضبط للبنات عليه درجات
وبعدها سرد لهم القصه طبعت الصور وغلفتها تغليف حراري ==حتى ماتعلق على جودة الوسيله

واليكم القصه

قصة سمكة الطيف وحدة الماء - منتديات التربية والتعليم (http://www.moudir.com/vb/showthread.php?t=144048&highlight=%D3%E3%DF%C9+%C7%E1%D8%ED%DD)

وانشا الله يعجبكم

برائــة طفل

[مــــايا]

يسلمووووووووووو

[مازن]

الله يجعلها في موازين اعمالك

جزاكم الله خيراً

[برائــة طفــل]

السلام عليكم كيفكم ... مابشرتوووني بنات شسووويتوا بعرروضاتكم

وبالتوووفيق وكيف استعداداتكم للأختبارات واكتبولي اي ماده اكثر شي خايفين منها ودي اعرف صعوبات موادكم زي صعوبات موادنا ولا لا ؟؟



اختكم ... برائة طفل

[برائــة طفــل]

السلام عليكم بنات تكفوون اسعفوووني اللي عندها الجدول تكتبه

جدول كلية اعداد معلمات بالرياض - رياض اطفال

الفرقه الاولى ---

لو بس اول يوم وش علينا سيكلوجيه اللعب ولا امراض الطفل

اختكم برائة طفل