ان جاد حظك باع لك وأشترى لك

[سليمان الذويخ]

السلام عليكم ورحمة الله وبركاته

يستشهد الكثيرون بالحظ ..

تعالوا نشوف ما قاله الشريف بالحظ


*********


إن جاد حظك باع لك واشترى لك= فوايده من كل الابـواب تاتيـك
وان بار بـك دلىّ يهـزّل حلالـك=باردأ ثمن لزمٍ يبيعـك ويشريـك
وان جاد حظك بالمجالس حكى لـك=صدق مقالك كل من لك يحاكيـك
وان باربـك دلاّ يكـذب مقالـك=وتصير كذبات الملا كلهـن فيـك
وان جاد حظك بالمنـازل بنى لـك=بيتٍ رفيعٍ شامخ الطول يذريـك
وان بار بك خلاك تنقـل عيالـك=من دار إلـى دار ودارٍ تجليـك
وان جاد حظك كل شيءٍ صفا لـك=وقرايب الخلان كلـن يصافيـك
وان باربك بين جميع العدا لـك=وصار المحب اعدا عدوٍ يعاديـك
وان جاد حظك كل شيءٍ عنا لـك=ويباشرك عند المـوده ويعطيـك
وان باربك ظليت محـدٍ بحالـك=ولا بفنجالٍ مـن البـن يسقيـك
وان جاد حظك قام واطلق عقالك=ومشى معك في كل درب يباريـك
وان بار بك جوّد يميـن الثنا لـك=وعن كل درب يعقلك ثـم يثنيـك
وان جاد حظك كل شيء زها لـك=حلياه بارواح المجالـس تزهيّـك
وان بار بك شيّن حلايـا خيالـك= لا اقبلت تغضي كل عينٍ تراعيك
وان جاد حظك كل شيء أضا لـك=يشبه فم القنديل نـوره يقديّـك
وان باربك عزي لحالي وحالـك=أرذل رذيلٍ هافي الجـد يوذيـك









الشريف محمد

[خــــالـــــد]

صح لسانك ولسان الشريف ,,

قصيدة عالقة في أذهان الكثير

وأصبحت كلمة دارجة على الألسن

لا عدمتك يا غالي على الاختيار

[يتم]

؛

سليمان يبدو ان أذمان اصاب هذه اليُتم لـ هذا المعرف
وتسعد كلما لمحته ..لاعدمتك ياطيب
واختيار لايشبه اي اختيار:)

ودّي

[سليمان الذويخ]

صح لسانك ولسان الشريف ,,
قصيدة عالقة في أذهان الكثير
وأصبحت كلمة دارجة على الألسن
لا عدمتك يا غالي على الاختيار


اهلا بالأستاذ خالد

نعم البيت يستشهد به الكثيرون ممن يلقون الكثير من اللوم على الحظ :مزون:
وينسون او يتناسون النصيب الذي كتبه الله لكل منا حتى قبل ان يولد

اشكر لك تفضلك بالحضور

[سليمان الذويخ]

؛

سليمان يبدو ان أذمان اصاب هذه اليُتم لـ هذا المعرف
وتسعد كلما لمحته ..لاعدمتك ياطيب
واختيار لايشبه اي اختيار:)

ودّي




اشكر لك حضورك
رزقنا الله سعادة الدارين