خيال

[عبدالعزيز عبيد العدواني]

مابين اجمع خيال وبين اشتت خيال

تختال فكره وفكره مات مضمونها


..


لمسامر الشعر لذه يوم جالي مجال

اشد عزم القريحه غصب بمتونها


..


مادام جتني مع الهاجس يمين وشمال

اسوار عجزو صغار القوم يرقونها


..


ابطلق عنان فكري واستصيغ المحال

لا للهزيمه وشوق البنت مجنونها


..


ماني بعبدالعزيز ولا انتسب للرجال

ان ماتعديت ذيك الدار وحصونها


..


الحب يابنت ماهو بس غنج ودلال

والا عبارات تغري من يحاكونها


..



الحب له نبرة(ن) بالصوت تصرخ تعال

يا بايع الورد وقف لا يسومونها


..



عندي ثمنها الغلا والشوق والإنفعال

ياشفت ناس(ن) هدفهم بس يشرونها


..



أكره تملق بعضهم واكره الإبتذال

واحب صدق النوايا لو يعادونها


..



وان جيت كلي أجي ما احب انا الإنفصال

الروح ترقي جميع او تنثني دونها


..



سامرت ليلي وهمت وخافقي لا يزال

يضغط على النفس لين تخالف ضنونها


..



ياشحت وجهي غديت بسكة الإحتمال

ذا صح لا ذا غلط ياللي تحسبونها


..



بعض الفراغ يتكاثر لين يصبح جبال

يصعب على رجال ماترخص بمكنونها


..



مابين اجمع خيال وبين اشتت خيال

احترت مدري وش اكتب ضاع مضمونها

[محمد الجبريني]

ياسلام عليك انت من نسل حكما العرب والذي منهم حاكم بن .... الظرب العدواني ان ما خانني التعبير والنسيان .

لله درك ولله روعتك يارائع


أخوي عبد العزيز عبيد العدواني
صح صح السانك لين ترضي وبعد ان ترضي والى
ان تمل من الرضي ولله درك ومــــا شــــا لله عليـــيك
الله الله

ان ماتعديت ذيك الدار وحصونها


..


الحب يابنت ماهو بس غنج ودلال

والا عبارات تغري من يحاكونها


..



الحب له نبرة(ن) بالصوت تصرخ تعال

يا بايع الورد وقف لا يسومونها


..



عندي ثمنها الغلا والشوق والإنفعال

ياشفت ناس(ن) هدفهم بس يشرونها


..



أكره تملق بعضهم واكره الإبتذال

واحب صدق النوايا لو يعادونها


..


تقبل تقديري واحترامي
اخوك محمد الجبريني

[عبدالعزيز عبيد العدواني]

القدير / محمد الجبريني



أهلا بك وبحضورك الفاخر


صح قلبك على هذا التواجد النير



للمعلوميه أخي العزيز :



العداوين من عنزه هم من أنتمي إليهم ومنا الفارس المشهورعقيد البجايده من عنزه / مريبد العدواني

وهو الذي يقول في بيته الشهير من قصيده له :


النوم ساس اللوم بان الردى به

وعينن تبى الطولات نومه شلافيح



وصاحب القصه المشهوره في العفو عن قاتل إبنه الشيخ / عمران العدواني



وقبيلة عدوان خوالنا ونعتز فيهم وسمينا بإسمهم لأن جدنا الأول تزوج من قبيلة عدوان


وحنا عداوين من البجايده من عنزه




تحياتي لك ولحضورك


أخوك / عبدالعزيز عبيد العدواني العنزي

[فيصل فرج العتيبي]

عبدالعزيز

باذخه شعرا


صح لسانك

ابدعت وامتعت


سجل متابعتي وانتظاري الدائم لجديدك

[محمد الدغيري]

عبد العزيز العدواني
,
,
مبدع
مبدع ومميز

صح قلبك وكلك


تحيه ع ـــطره

[عبدالله محمد]

أخوي : عبدالعزيز العدواني
صح لسانك
بكل أمانا لا أستطيع التعبير
قصيدة تفوق كل التعابير
إبداع
لاتحرمنا جديدك
ولي عودة
تقبل خالص تحياتي ،،،،،،،،،،،،،،،،،،
أخوك: عبدالله محمد

[فايز ماجد]

ماني بعبدالعزيز ولا انتسب للرجال

ان ماتعديت ذيك الدار وحصونها


..


الحب يابنت ماهو بس غنج ودلال

والا عبارات تغري من يحاكونها


..



الحب له نبرة(ن) بالصوت تصرخ تعال

يا بايع الورد وقف لا يسومونها





الله الله

ياعبدالعزيز

اراهن دائما انني

سوف اقرأ قصيدة

قبل دخولي متصفحك

صح لسانك ملايين

تحياتي لك

[سيدة_الحرمان]

وان جيت كلي أجي ما احب انا الإنفصال

الروح ترقي جميع او تنثني دونها









مشكــــور يا خوي ع الابيـــــات الحلــــوة ..

صح لسانك لا هنـــــــت ..

[فــوزان العــتيبي]

صح لسانك ولاهنت