طـــيــــــور الــشــــــوق ..

[عبدالعزيز الناصر السبيعي]

مساكم الله بالخير جميع ..

عودة بقصيّدة بعد غياب ..

.

.

.



زهمت الحرف وأسراب القصيد ولوعة المشتاق=أبجمع من طيور الشوق في صـدري وبعتقهـا
أماني تنزرع فيني . . وتزهر داخل الأعمـاق=والى مني رجيت الما .. بزوغ الشمس يحرقها
تعبت اجاذب ادلي المواصل لين صدري ضـاق=ويأس كفّي من أبيار عجزت اوصـل عمايقهـا
وسريت اسامر همومي ودرّج مابقى بالسـاق=غَصْب .. ولاّ ترى نفسي تعاف اللي يضايقهـا
اخاف آصد عن ذكر الحبيب وثـورة الاشـواق=واصير بعيني الجاني رغـم عرفـي عوايقهـا
حكاية تنحت صخور الزمان وتقفـل المغـلاق=وتبقى سر في صـدر العشيـق وليـل فايقهـا
ظلام يلبس وجيه السلام .. ويطعـن الخفـاق=واجيه افج له صدري واقول اطعـن حقايقهـا
ابي احيا على كذب الزمـان ومـدّة السـرّاق=بياض البال ماينفـع مـدام الذنـب يسرقهـا
وانا ذنبي عشقت الموت في قربك وقلبي فـاق=على حلم حسبت انه يبـي قربـه .. وطلقهـا


.
.

وسلامتكم

[عبدالعزيز الناصر السبيعي]

يبدو لي فيه مشكلة في تنسيق القصايد

العذر والسموحة

[محمد بن ضاوي]

وانا ذنبي عشقت الموت في قربك وقلبي فـاق
,,,,,,,,,,,,,,,,,,,,,,, على حلم حسبت انه يبـي قربـه .. وطلقهـا

ياسلام عليك ياعبدالعزيز

قصيده رائعه والف صح لسانك ولاهنت

[وليد الهاجري]

صح لسانك لين ترضى يا عبد العزيز


نص فائق بالجمال


تحياتي وإعجابي .

[محمد الدغيري]

عبد العزيز الناصر

,
,
تم حل مشكله التنسيق مع انه تعبني حبتين هههههههه

صح قلبك وكلك يا بعدي

تجيه ع ــطره