المساعد الشخصي الرقمي

مشاهدة النسخة كاملة : وينك يا بن دحيلان .. الأسمري يبيك


محمد الاسمري
22-04-2004, 01:25 AM
أشتقنا والله للمصاااامخ مع بن دحيلان

أستلم لاهنت يالذيب


سلام رديةٍ من شاعرٍ ما يلين = لأهل القوافي وللي يفهم طروقها

قم يامحمد ونا خابرك رجلٍ فطين= تعرف مواجيبها لا تبخص حقوقها
محمد بن دحيلان
22-04-2004, 01:58 AM
يامرحبا يالاسمري


ابشر ابشر

استلم طال عمرك

يامرحبا ياعميل الخير هات الثمين=سوق العني ملكة الندر ابسوقها

اهل الوفا عندنا تبشر بسمن وسمين = ساحيب الصيف ما تغريني ابروقها
محمد الاسمري
22-04-2004, 02:19 AM
الله الله


أستم لاهنت



وش صار في داركم سمعت علمٍ مشين=يالله عسى سلم صاحبنا من حروقها

لا صار ما تحتمون الأرض جينا نعين=نقفل بساتينكم ونحرق عروقها
محمد بن دحيلان
22-04-2004, 02:40 AM
طيب طيب ،،


استلم ،،





ماصار خطة خبيثِ حاكها منسين = لكّن يخسى عن الفيضه ورقروقها

لونها بالمواجه كان فعلي يبين = ارخوم قومٍ كتب ربي لها عوقها
محمد الاسمري
22-04-2004, 02:56 AM
الله الله
صح لسانك أسف للتأخير كنت في مشوار خفيف :بفكر:



حنا ندين الردى واهله بقولة ندين= ما نرتضي وسمة الشيطان في نوقها

العالم الله نمتم صافطين اليدين=وقامت شياطينها تلعب على بوقها
محمد بن دحيلان
22-04-2004, 03:14 AM
طيب طيب ،،


استلم ،،



الله يديم الامن يافلان للمسلمين = في كل موقع تجيه الشمس بشروقها

ماهمنا زمرة الفساق والمغرضين = نبتت هل الشر نقطع عرق زملوقها
محمد الاسمري
22-04-2004, 03:28 AM
الله الله

أستلم لاهنت



ياشين كثر الوسالف والكلام الحزين=القوم صاحو بمذنهم على طوقها

يابن دحيلان شبت نار في المدبرين=أشوف كنك تغير كل منطوقها
محمد بن دحيلان
22-04-2004, 03:51 AM
طيب طيب ،،

استلم ،،



المختصر يعجبك لاجاك في كلمتين= اطلق طيور المعاني من عنى سبوقها

يالاسمري هات علم البحر والمبحرين = ترى العرب ناشبن الهم بحلوقها
محمد الاسمري
22-04-2004, 04:18 AM
الله الله

أستلم لاهنت



قد جاك علمي وأشوفك ماتبي باليقين= وشلون أعيد المعاني وانت من فوقها

يأهل الرياض العساكر كلهم نايمين=اخلو لنا الدرب نحكم حكمٍ يشوقها
مشعل العتيبي
22-04-2004, 04:50 AM
ياسلام ياسلام شعار لهم وزنهم فعلا
ابن دحيلان
المختصر يعجبك لاجاك في كلمتين
اطلق طيور المعاني من عنى سبوقها

يالاسمرى هات علم البحر والمبحرين
ترى العرب ناشبن الهـم بحلوقهـا
الاسمرى
قد جاك علمي وأشوفك ماتبي باليقين
وشلون أعيد المعاني وانت من فوقها

يأهل الرياض العساكر كلهم نايميـن
اخلو لنا الدرب نحكم حكـمٍ يشوقهـا

صح السنتكم

تقبلووووووووو من تحياتي اغلالالالالالالالالالاها
محمد الاسمري
22-04-2004, 05:04 AM
أرحب ياالعتيبي

صح قلبك ولا هنت

التميز بوجودك ،، لاهنت وانا اخوك
محمد بن دحيلان
22-04-2004, 05:11 AM
ياسلام ،،


الله الله ،،


استلم ،،



الاسمري سهمة دايم ورى خطوتين = لاصار مايازن الكلمه ومنطوقها

الجاهل اللي يضن الحرب خوخن وتين = ليلى حماها من الفرسان معشوقها
مشعل العتيبي
22-04-2004, 05:21 AM
صح لسانك يابن دحيلان وصح لسانك يالاسمرى


الله يعطيكم العافيه ماقصرتو ولاهنتوووووووووو


وعلى ماقالو القاف شاب ياشعار رررررررررررر


تسلمون جميعا"
محمد بن دحيلان
22-04-2004, 05:31 AM
يامرحبابالشاعر مشعل العتيبي ،،



صح ابدنك ،،


مروورك زاد المحاوره اشارقا طال عمرك ،،


تقبل تحياتي ،،
محمد الاسمري
22-04-2004, 05:43 AM
هههههههههههههههه

((( منطوقها ))) عدت عليك وانا اخوك


استلم لاهنت



حنا كتبنا المعاني والقوافي تبين=ماهمنا وارداتٍ كثرت شقوقها
في بحر جدة نطبب كل راسٍ رزين=ونفتش القوم لا صاحو بمسروقها
محمد الاسمري
22-04-2004, 05:56 AM
صح قلبك يا بن دحيلان أنشهد انك سعد الرفيق ،، أشكرك على الليلة الرائعة وأنشاء الله نتقابل في محاورة لاحقة وانا اخوك

أعتذر منك الحين الساعة 6 الصبح وراي دوام الشركات ما ترحم وانا أخوك

خل أنتم يا اللي في الحكومة الله موسع عليكم حتى بأوقاتكم

أشكرك من كل قلبي ،، ولا يهون ألشاعر الغالي مشعل العتيبي ..

لازمنا ولا قصر بالتشجيع ،، لاهانتم يا شعارناااااا
محمد بن دحيلان
22-04-2004, 06:36 AM
طيب طيب ،،

استلم ،،





ياللي بصيد المسرى هاجسك يستعين = عبايتك فوق ظهرك خيّط فتوقها
دامك تهاب المجابه والقا يا ذهين = مالك سوى الحيّه ام الناب وشدوقها
محمد بن دحيلان
22-04-2004, 06:39 AM
معذور معذور

ونا والله ماشفت اعتذارك الا بعد ماحطيت ردي


وصح ابدنك

ولسانك بعد ولنا لقا انشالله تصبح على خير


محمد ابن دحيلان
محمد الاسمري
22-04-2004, 08:04 AM
صح لسانك يا بن دحيلان

سلم راسك ولا هنت ،، وعلى قولك الجايات أكثر

أشكر لك سعة صدرك

أخوك محمد الأسمري
أبوعبدالرحمن
22-04-2004, 08:42 AM
صح السااانكم جميع

والله امتعتونا صدق

وانت يامحمد الاسمري انا قلت شكل الرجال خريج دورة صاعقة وبيجي يحمي الرياض واخرتها تقول بروح لان دوام الشركات مايرحمون

:confused:
محمد الاسمري
22-04-2004, 02:34 PM
هههههههههههههههه

الكبير دوم عشق ،،،، عدها ولي يرحم والديك ،، ولا ترى علومنا زينه لابغينا ..:بفكر: ،،،، تلفون على شركة المجال .. ونعسكر كل الشعب

صح بدنك ولاهنت يالذيب
فالح الشلوي
22-04-2004, 02:43 PM
بيض الله وجهك يالأسمري شاعر وطلب شاعر

وامتعتونا والله بالقاف والمعنى الجزيل


بيض الله وجيهكم وصح لسانكم
طيف الوله
23-04-2004, 05:20 PM
صحت قلوبكم جميع

ولو انها جت متاخره شوي:eek: :eek:
محمد الاسمري
24-04-2004, 12:16 AM
صحة قلوبكم مشرفينا الكبار

لاهنتو على الحضور ،، دوم متميزين

وبيض الله وجه من قال والحاضرين