سطام الشمّري
06-02-2009, 01:58 AM
خذيت تال الروح والبنت والليد = وأفيت مع دربِ هفا فيه درداح
لا نادتن عقده بكى قصتي فيد = وراس الرعيله يشلع القلب لا ناح
يا كثر مابا الشرق ناسِ مقاريد = وياكثر مابا القلب طعنات وجراح
ياكيف باسي با العرب باس أبو زيد = وأخاف خوف الطفل في ليل الأشباح
وياكيف غنوا من قصيدي أناشيد = والحزن وسط الروح له سبعة أرواح
وياكيف تصدق ساعتي با المواعيد = والكذب يلقى له مع الناس مدّاح
وياكيف من تربطه الأيام با القيد = تلقاه في روض المحبين سرّاح
إللي حروفه شيبت حفلة العيد = ياكيف ترجي منه يا وقت الأفراح !
أدله مع الدلاه وألعب على البيد = خلّه عجاج يعمي العين ورياح
أطرد سراب اللال بين الجلاميد = وش عاد من ياتي ! ووش عاد من راح !
وش عاد لو تنقص ولو ترجع تزيد ! = من يخسر سنينه مهو حول الأرباح
إنزع من الميلاد إسم الأواليد = وإمزع من التقويم صفحات سواح
يا كثر صدقان الرخا والأجاويد = ويا قلّهم لا جرهد الكون بصياح
يا قلّهم لا نشبت الرجل با الحيد = و يا كثر عذال الفتى حين ما طاح
صار الردا في عالم اليوم تمجيد = وصار الوفا ضحكِ با الأسنان ومزاح
سطام الشمري
لا نادتن عقده بكى قصتي فيد = وراس الرعيله يشلع القلب لا ناح
يا كثر مابا الشرق ناسِ مقاريد = وياكثر مابا القلب طعنات وجراح
ياكيف باسي با العرب باس أبو زيد = وأخاف خوف الطفل في ليل الأشباح
وياكيف غنوا من قصيدي أناشيد = والحزن وسط الروح له سبعة أرواح
وياكيف تصدق ساعتي با المواعيد = والكذب يلقى له مع الناس مدّاح
وياكيف من تربطه الأيام با القيد = تلقاه في روض المحبين سرّاح
إللي حروفه شيبت حفلة العيد = ياكيف ترجي منه يا وقت الأفراح !
أدله مع الدلاه وألعب على البيد = خلّه عجاج يعمي العين ورياح
أطرد سراب اللال بين الجلاميد = وش عاد من ياتي ! ووش عاد من راح !
وش عاد لو تنقص ولو ترجع تزيد ! = من يخسر سنينه مهو حول الأرباح
إنزع من الميلاد إسم الأواليد = وإمزع من التقويم صفحات سواح
يا كثر صدقان الرخا والأجاويد = ويا قلّهم لا جرهد الكون بصياح
يا قلّهم لا نشبت الرجل با الحيد = و يا كثر عذال الفتى حين ما طاح
صار الردا في عالم اليوم تمجيد = وصار الوفا ضحكِ با الأسنان ومزاح
سطام الشمري