حكام أجانب لجميع مباريات الهلال !!

[متغلي لعيون الهلال]

السلام عليكم ورحمة الله وبركاته

وسلام خاص للشعب الهلالي الكبير ،،

هاردلك الخساره ،،

والعوض ان شاء الله بالدوري وآسيا اللي واحشتنا ،،


بعد مهزلة مباراة نجران وهدف الهلال الصحيح الملغي (( واللي تسبب إلغاءه تصدر الاتحاد ))
وبعد مهزلة مباراة الشباب (( وتغاضي الحكم عن جميع المخاشنات الشبابيه وعدم إعطاء أي لاعب كرت أصفر أو حتى توبيخ )) مع العلم بأن لاعبي الشباب تسببو بأكثر من 35 فاول !!


غريبه حسب هالفاول للشباب !!! وللأسف كان الحكم قريب جداً ، والحمد لله ما انكسر ساق الشلهوب ،، والمفروض فاول وكرت على لاعب الشباب .


http://alhilalclub.com/2008-2009/gif/Shalhob.gif

حسن معاذ (( انبراشات )) وللأسف مافي كرت !!
زيد المولد طق بدون كوره وبكوره وللأسف مافي كرت !! كوع وركل
وللأسف الحكم كان قريب منهم واللقطه قدامه

http://alhilalclub.com/2008-2009/gif/WWilly1.gif

من أمن العقوبه أساء الأدب يا زيد المولد
http://alhilalclub.com/2008-2009/gif/WWilly4.gif

الجروان كان سيء بمعنى الكلمه ، وأنا مستغرب كيف يعطي (( سيول )) كرت أصفر من احكتاك عادي جداً !!


هنا فديو يحكي عن احتراف تحكيم الجروان !! ماشاء الله عليه في مباره الشباب والهلآل !!!


تحميل الفيديو من هنا (http://arabsh.com/pejtk8ajciyx.html)


الأمير عبدالرحمن بن مساعد يتمنى من الإتحاد السعودي لكرة القدم بتواجد الحكم الأجنبي في جميع مباريات الهلال المتبقيه في دوري المحترفين وكأس ولي العهد ولو تحمل نادي الهلال جميع المصاريف .




ا

[ياســـر]

والله العظيم مهزلة

وخصوصا لقطة ويلهامسون

شي لا يمكن تصور غلطة حكم فيه

انا بسراحة من شفت هالقطةعرفت ان المباراة رايحة للشباب بالطيب ولا بالغصب

[محمد الدغيري]

بالامس كانت الأخطاء بالكوم
ولكن لازالت هناك اربع بطولات
الدوري وخادم الحرمين والاسويه وولي العهد


تحيه عطره
محمد الدغيري

[ThAmErOnA]

يارجال خلك واقعي بغض النظر عن الحكم فريقك مايستاهل..

صحيح اننا افضل من الشباب لكن برضه مب مستوانا هذا اللي امس وخلهم ينقرصون..

اجل سيول السواق هذا لاعب؟؟

التعويض بقدوم التايب إن شاء الله..

والتحكيم ياخوي هذا مب جديد..

[طنطل]

يا رجال ما جاب البطولات للهلال الا الحكام السعوديين من جيل الجعيد وفوده الى المهنا والعمر الى المرداسي والبقعاوي والمرحوم بقوله الى جيل خليل والعمري

[خــــالـــــد]

تخيل لو الأخطاء هذي ضد الهلال ولـ مصلحة الشباب !

يعني المستفيد الهلال

ويفوز الهلال هههههههههههههه

والله ما يخلونا الجماهير الثانية

لكن هذي إدارة وجماهير الهلال دائماً تتعامل وتناقش بـ عقل !!

عموماً ,, فاز الشباب وألف مبروك

والحمدلله على كل حال .. معوّضين خير

وإن شاء الله القادم أحلى .....

شكري وتقديري لك

[ناصر الراشد]

مدام الهلال هو اللي يطلب اكيد راح ينفذ له كل شيء
بس اعجبتني الحشو اللي بالكلام

ولو تحمل نادي الهلال جميع المصاريف

[دفء البوح]

الزعيم لايهُزم بسهوله في تواجد الحكم الأجنبي

لكن قد يُهزم قهراً بوجود الحكم السعودي

والغريب أن كل الجماهير الأخرى تشاهد ماوقع على الزعيم من ظلم

ومن أخطاء تحكيمية فادحة إرتكبها الجروان

ولسان حالها أنه لم يقع شيء ولا نشكك في نزاهة الحكم السعودي

أما إذا كان المستفيد هو الزعيم فالتشكيك مسموح به والحكم السعودي قد ظلم الفريق الآخر

وأنه في خدمة نادي الهلال

عجبي على حالهم

,

شكرا لك متغلي

[ســ ع ــد الــ ح ــارثي]

كل هالصجة طوال يومين
وصور ولقطات وتصاريح

وأخرتها يقولون ادارة الهلال وجماهيره تناقش بعقل !!!!!!!!!!!!!!!!!!

اجل بدون عقل كيف بالله

هههههههههههههههههه
خخخخخخخخخخخخخخخخخخخخ

[عطر طيبه]

والله استغربت تساهل الحكم مع الاخطاء الشبابية وخاصة مع نايف القاضي وخشونتة الواضحة مع العنبر اضافة لضربة الجزاء الواضحة بعد دخول زيد المولد مع ويلي

[f_ail7]

السلام عليكم ورحمة الله وبركاته

ههههههههههههههههههههههه

الله وكبر قبل عام تقولون

النصر لله الحمد بس يطلب حكام اجانب

شف يوم أصبحو الحكام ضدكم وش سويتم

لله الحمد والشكر

[البعد الخامس]

أنا اتعجب من لجنة الانضباط


اللي تصحى وتنام مع ارتفاع الاصوات


ما قام به زيد المولد ضرب متعمد


وكان يجب ايقافه كما أوقف غيره بالدوري


شكراً على الموضوع