اذا احد زعل عليك كيف تراضيه؟؟

[العنـــــــــود]

اذا احد زعل عليك كيف تراضيه؟؟
سلام والله اخباركم عساكم على القوه ...


الي ابي اقله اذا احد زعلان عليك ولا يكلمك كيف تراضيه؟؟

:confused::(:(:(

[مفرح بن مناحي]

أعطيه كف على وجهه :)

ههههههههههههههههههههههههه هههههه ترى امزح

أروح واحلف له إني ما قصدت أزعله ,,

وإذا ما صدقني أقوله ,, والله ما قصدت أزعلك ( طبعاً المرة هذي أقطب حواجبي واسوي نفسي متضايق وندمان ) ,,

وإذا ما رضى أقوله أنا ما أقدر أزعلك لأني أحبك كيف ازعل روحي ( هنا إذا جاء في راسي بيت شعر أصكه في وجهه على طول ) ,,

وإذا ما رضى ,, أقوله ,, فااااااااااااارق الله لا يردك ,, مصدق أنت ووجهك ,, طق راسك بالجدار :) <<< شديد

تحياتي

أخوك / سهم المنايا

[باسل العتيبي]

اولا كل عام انت بخير
والله لايجيب الزعل
وبعدين نبي نقووووووووول السلاااام عليكم
واقوله
لولا الكلام والملام
ياحلو لندهلك
ياغالي عندي وعند الناس وعند اهلك
لو قالو رضاك نجوم الليل ياحلو انا راضي
الباسل

[أبوعبدالرحمن]

أنا عندي حركه رهيبة

أخذ معي عشرة من شلتي ونطب عليه في بيته ونتعشى عنده ونقول نبيك ترضى على فلان ( فلان أنا :) )

وعلى مسئوليتي معاد يزعل اي مخلوق بعدها :)

إذا درى إن مع كل زعله عشى بيتعوذ من ابليس ويعقل

[هـمس المـشاعر]

أكيد ردة الفعل على حسب نوع الفعل- أم الفلسفة ياشيخ-،

يعني لو زعله على شيء ما يستاهل، أزلبه وخله ينقلع؛ لأني أنا الربحان بزعله،

أما لو كان زعله على شيء ذي قيمة، يبشر والله باللي يبي واللي أقدر عليه، يعني يبيني أسدد الفاتورة عنه، أو أدخل حصة انتظار مكانه، أو على أكثر تقدير أباشر عليه من المقصف- متأثر بالمدرسة-.

أما حل عشق ليل فهو قمة، وشكلي الليلة أبتعشى عنده، ولّم الله لا يهينك( صحن الفول المعتبر) تراي زعلان عليك.

تحية قلبية معطرة بشذى الياسمين، ومغموسة في قلب بريء يزخر بكل معاني الخير.

أخوك/ فهد.

[مخاوف قلب]

عنوووده





عطيه نظره من نظراتك الساحره ويرضى على طول




<<<< بالله خلوها تصحى شكلها نايمه وتخبص





:p




والله ياقلبي مااذكر اني زعلت احد مني الا اذا كان يستاهل







عشان كذا ماادري وش اقولك





تحياااااااااتي لك


:rolleyes:

[المرجوج]

يالربع وش السالفة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

منو الزعلان ؟؟؟؟؟؟؟؟؟؟؟؟؟؟؟؟؟؟؟؟؟؟

ياخي ترى ابغض الحلال عند الله الطلاق

اعقل يا رجل ترى التعجل مو طيب

ساعدوني يا جماعة .....

[أمل عبدالعزيز]

اممممممممممممممم

بصراحة لو زعلت منى لسبب باحاول ئاقضي على السبب وأن عجزت باقضي عليها :p

ويبدوا والله أعلم أنه ماهنا زعل ولو مرة زعلت زعلة قوية باخليها تزعل اكثر وإذا زعلت اكثر بأأأأأأأأأأأأأ أأأأأأأأأأأأأأأأأأأأأأزلب ها:p

<========== ماعمرها زعلت أحد

<============ ياشيخة انطمى بس:(