الموت من بكرة يجي غير غزّة .. !!

[مفرح بن مناحي]

الله يعين أخواننا في فلسطين =والله يعين الناس فديار غزّه
يا كم كلينا الضرب مرة وثنتين =و يا كم شربنا الهم في كل حزّه
عدونا يفرض علينا القوانين =وحبل الوفا لا من خذا شوي هزّه
يسلب أراضي ويتعدى ميادين =ولا من بطر جيشه على الكل دزّه
واذا ارتفع راسٍ يدافع عن الدين =عدونا وقف بوجهه وجزّه
وإذا لقانا في طريقه موالين =أشعل على جرح الموالين قزّه
حنا تعدينا مئات الملايين =بس الصحيح أنا على الخلق رزّه
كثار .. لكن فالحقيقة مساكين =نشوف .. لكن ما فرحنا بقزّه
ناسين .. لا بالله صدق متناسين =وما اقول أنا فينا العزيز المنزّه
جروحنا ماهيب من قبل عامين =في كل يوم نشوف فالجسم غزّه
أجسامنا بالشكل كبر البعاريين =وعزومنا تركب على عزم وزّه
في نشرة الأخبار نقرا عناوين =أمة تموت ونحسب إنا نتنزّه
أربع ميه وألف وعليها ثلاثين =لا شك عام الذل ماهوب عزّه
الضعف كتلة دم وسط الشرايين=يا منبر الإسلام بالله عزّه
اليوم غزة شيعتها فلسطين=والموت من بكرة يجي غير غزّه

[صهيل الصمت]

http://www.3z.cc/sml/30/003.gif



في نشرة الأخبار نقرا عناويـن
أمة تموت ونحسـب إنـا نتنـزّه
أربع ميه وألف وعليهـا ثلاثيـن
لا شك عام الذل ماهـوب عـزّه
الضعف كتلة دم وسط الشراييـن
يـا منبـر الإسـلام بالله عـزّه
اليـوم غـزة شيعتهـا فلسطيـن
والموت من بكرة يجي غير غزّه



هي عقد انفرط ولم يدركه العرب الى الان

مفرح بن مناحي

رائع بماسطر قلبك

لقلبك اكليل من نرجس

[أبوعبدالرحمن]

أربع ميه وألف وعليهـا ثلاثيـن
لا شك عام الذل ماهـوب عـزّه
الضعف كتلة دم وسط الشراييـن
يـا منبـر الإسـلام بالله عـزّه
اليـوم غـزة شيعتهـا فلسطيـن
والموت من بكرة يجي غير غزّه


جزل يابوعبدالله


صح قلبك وكلك

وسلمت اناملك

تحيتي لك

[جارح الكسر]

صح لسانك ولاهنت


يامفرح لك كل احتراماتي

جارح الكسر

[محمد الدغيري]

مفرح بن مناحي ابو عبدالله

زماااااااااااااااااااااان عن ابداعك


صح قلبك مليون

وقلوبنا مع أخواننا في غزه


ننتظرك هنا دوماً

تحيه عطره

محمد الدغيري

[احمد مناحي]

مفرح بن مناحي

هلا بك وغلا

صح لسانك الى رضاك

قصيده معبره تلامس همومنا وتلخص حالنا البائس .

كل الوطن العربي المسلم غزه لو اختلف الظاهر .

بيض الله وجهك يابو عبدالله

تقبل مروري

[نياف العتيبي]

ابوعبدالله

صدقت يالغالي

راااااائعه ليست غريبه على مفرح
صح لسااانك

ولاهنتتتتتت

والله ينصر الاسلام والمسلمين

يا كم كلينا الضرب مرة وثنتيـن
و يا كم شرب الهم في كل حـزّه

شرب = شربنا اكلت نا

راسب عندي فالاملاء ههههههه


وإذا لاقنا فـي طريقـه مواليـن

لاقنا = لقانا

راسب لعدم اتقان المهاره خخخخخخخخ
أشعل على جرح المواليـن قـزّه


الناااايف

[مطنوووووخه]

صح لساانك

[مفرح بن مناحي]

صهيل الصمت

أشكرك لتواجدك وردّك الجميل

[على طول وحداني]

صح لسانك أخوي مفرح بن مناحي على الأبيات الرائعة

والله يستر من إللي عليه الدور

تقبل مروري

[مازن]

والله إنه أسلوب لا يجيده إلا أنت وقصيدة بالتأكيد تحمل بصمة (أبو عبدالله)

قلت ما وددنا نقوله شاعر يعرف متى ينطق ومتى يكون لحضوره رونقاَ خاصاَ

[فايز ماجد]

ياحي القصيد
وحي راعيه
قصيدة مفرح بن مناحي
عندما تأتي
تأتي
محبوكة
مترابطة
جزلة
ولاترى الضعف في اي من ابياتها
صح لسانك يامعلم الشعر
تحياتي لك

[محمد بن ضاوي]

في نشرة الأخبار نقرا عناويـن
,,,,,,,,,, أمة تموت ونحسـب إنـا نتنـزّه

الله يعزنا بالاسلام ويعز الاسلام بنا


ابو عبدالله ,,,


الف صح لسانك ولاهنت على هالرائعه

[ربح السبيعي]

ياسلام ياسلام على الابداع والجزاله


صح لسانك وبيض الله وجهك

[خــــالـــــد]

أرحب يا أبو عبدالله

صح لســـانك واعتلا شانك ,,

تسلم يمينك

مبدع على الدوم ..

لاهنت!