بسم الله الرحمن الرحيم بادية خير ان شالله

[خليف بن دواس الجشّ]

السلام عليكم ورحمة الله وبركاته

الطارف يسد اللزوم


سلام مني عدد ما الارض دارت مدار=والليله الملعبة ليلى ومجنونها

سـيـّرت لي يم ديرة بـيـن كـل الـديـار=ياالله عسى ما نشوف الشر بعيونها

[احمد مناحي]

عليكم السلام ورحمة الله وبركاته

اولا هلابك وغلا وحياك الله بين اخوانك واخواتك في منتدى الجميع غرابيل

واسم خليف بن دواس مشهور في ساحة المحاوره ولنا الشرف في انضمامك .

عسى ان تجد مايسرك وتقدم مانتطلع اليه منك .


وتفضل الرد

الله الله



يامرحبا بك يابن دواس ترحيب حار = والملعبه ياقف الشعار من دونها
يالحر الاشقر ليامن جيت دار الحرار=ضمانتك للسلامه حفظ قانونها

[مسفر الدوسري]

يا مرحبا عد من با الارض يا القرم سار = و الليله الملعبه تهوا لمفتونها
سيرت يا خليف لديار الرجال الحرار = قومٍ علوم الوفاء للضيف يبدونها

[مسفر الدوسري]

المعذره يا بو مناحي

ما شفت ردك الا بعد ردي

كملوا يا المطاليق و حنا متابعين لكم

انا اعلن انسحابي و انضم للصفوف

تمنياتي لكم با التوفيق

[أبوعبدالرحمن]

صحت قلوبكم جميع


وارحب بالشاعر خليف بن دواس


ونتظر محاورة مميزة الليلة

[خليف بن دواس الجشّ]

يامرحبا بك يابن دواس ترحيب حار = والملعبه ياقف الشعار من دونها
يالحر الاشقر ليامن جيت دار الحرار=ضمانتك للسلامه حفظ قانونها[/quote]



الله يرضى لي عليكم لا هنتم يا القروم

طيب طيب استلم


ولك البقا وانت لن كانك صملت القرار=ولا المنيه تبا تاتي على هونها

لا طاح راس الجمل ايطيح راس الحوار=وانا ليا جيت روسً أكسر قرونها

[أبوعبدالرحمن]

الله الله

صح لسانك يابن دواس


واصلو

ومتابع معكم

[احمد مناحي]

مسفر الدوسري هلا بك وغلا

يالغالي كلنا واحد وانت كفو ولاعليك قصور

وبما ان اخوي خليف رد على ابياتي اسمح لي بالمواصله لاهنت .


ولك البقا وانت لن كانـك صملـت القـرار
ولا المـنـيـه تـبــا تـاتــي عـلــى هـونـهـا
لا طاح راس الجمل ايطيح راس الحوار
وانــا لـيـا جـيـت روسً أكـسـر قـرونـهـا


لاهنت ياطير شلوى

واستلم


اثبت على ماقفي ياخليف وارفع شعار = اكبر سبب في هلاك العالم ظنونها
ياللي وردت الموارد بالحبال القصار = عدتك ترجع ولا بليت ماعونها

[عطر طيبه]

خليف بن دواس الجشّ


اشرقت الانوار بقدومك وتدفق النهر با اطلالك
وغردت الطيور بك فياهلا وياسهلا بالقلب نبعثر
التراحيب ونزف استقبالنا معطر بالورد والكادي
مملؤء بالحب والشوق والمشاعر اتمنى لك الاستفاده بيننا
مرحباً بك
متمنياً لك قضاء وقت ممتع بين أهلك وناسك
والفائدة والاستفادة إن شاء الله
حللت أهلاً ونزلت سهلا ًسعداء لانضمامك لنا

[خليف بن دواس الجشّ]

اثبت على ماقفي ياخليف وارفع شعار = اكبر سبب في هلاك العالم ظنونها
ياللي وردت الموارد بالحبال القصار = عدتك ترجع ولا بليت ماعونها


طيب طيب


غـديـت يـا صـاحبـي خـاضـع لـهـذا الـحـصـار=سـواة قـومً نـراهـا تـذرف عـيـونـها

هـداج تـيـمـا لـنـا نـارده لـيـل ونـهـار= ولا الـتـحـايـل طـبـيـعـة لا تـسـوونـهـا

[درموح]

الله الله


كلام ياساده


متاابع

وفي صف ابو مناحي


ولا هان خليف

[خليف بن دواس الجشّ]

تسلم يا عطر ومشكورين على الترحيب يا اخواني ما قصرتم بيض الله وجيهكم

[محمد سالم الهاجري]

الله الله الله

وكبر على ها المحاوره

[احمد مناحي]

ابو عبدالرحمن

عطر طيبه

درموح

فارس قطر

بيض الله وجيهكم ولي الشرف في وجودك بصفي يادرموح .


غديت يا صاحبي خاضع لهذا الحصار
ســواة قــومً نـراهــا تـــذرف عيـونـهـا
هــداج تيـمـا لـنـا نــارده لـيـل ونـهــار
ولا الـتـحـايـل طـبـيـعـة لا تـسـوونـهــا

لاهنت

استلم


عجزت احدك يمين القاك رايح يسار = نفسك تحت حكم شيطانك دركسونها
ياخليف مدري وش اللي معك ياخليف صار= الذاكره خانتك ولا انته تخونها

[خليف بن دواس الجشّ]

عجزت احدك يمين القاك رايح يسار = نفسك تحت حكم شيطانك دركسونها
ياخليف مدري وش اللي معك ياخليف صار= الذاكره خانتك ولا انته تخونها



هيييييييييييييييييه خلووووووووووووها


الـطـايـره وقـّعـت يـا صـاحـبـي بـالـمـطـار=تـشـوفـهـا وأكـثـر الـعـالـم يـشـوفـونـهـا

الـوعـل لا طـاح راسـه طـاح راس الـحـوار=يـامـا وعـولً كـسـرنـاهـا مـع قـرونـهـا

[احمد مناحي]

الطايره وقّعت يا صاحبـي بالمطـار
تشوفهـا وأكثـر العالـم يشوفونـهـا
الوعل لا طاح راسه طاح راس الحوار
ياما وعـولً كسرناهـا مـع قرونهـا

هالله الله

لاهنت واستلم


الطايره في المطار انحرفت عن المسار = ياليت طاقم ملاحتها يدفونها
ياقدرة الله سبحانه يابعض الثمار = ماهي سوى بالطعم لو هو سوى لونها

[عوادالعلي]

خليف واحمد

صحت السنتكم ولاهنتو جزلين ومبدعين


ابن زايد مسفر الدوسري

بيض الله وجهك مزارق طيب والجايات اكثر

[فهده]

صحـت السنتـكم يالشعـار

سلام..

[خليف بن دواس الجشّ]

يعطيك العافيه والجايات اكثر ان شالله صح لسانك يا ابو مناحي

معلش ودي اكمل بس مشغول شوي

تحياتي لكم جميعاً

[احمد مناحي]

عواد العلي

بنت برقا

اسعدني مروركم الله لايهينكم

خليف دواس

الله يعافيك وعلى المحبه نلتقي دائما ان شاءالله

اسعدني اللعب معاك لاخليت منك

تقديري واحترامي للجميع

[عنود القصيد]

سلام مني عدد ما الارض دارت مدار=والليله الملعبة ليلى ومجنونها

سـيـّرت لي يم ديرة بـيـن كـل الـديـار=ياالله عسى ما نشوف الشر بعيونها








يامرحبا بك يابن دواس ترحيب حار = والملعبه ياقف الشعار من دونها
يالحر الاشقر ليامن جيت دار الحرار=ضمانتك للسلامه حفظ قانونها








ولك البقا وانت لن كانـك صملـت القـرار=ولا المـنـيـه تـبــا تـاتــي عـلــى هـونـهـا
لا طاح راس الجمل ايطيح راس الحوار=وانــا لـيـا جـيـت روسً أكـسـر قـرونـهـا






اثبت على ماقفي ياخليف وارفع شعار=اكبر سبب في هلاك العالـم ظنونهـا
ياللي وردت الموارد بالحبال القصار=عدتك ترجـع ولا بليـت ماعونهـا






غديت يا صاحبي خاضع لهذا الحصار=ســواة قــومً نـراهــا تـــذرف عيـونـهـا
هــداج تيـمـا لـنـا نــارده لـيـل ونـهــار=ولا الـتـحـايـل طـبـيـعـة لا تـسـوونـهــا





عجزت احدك يمين القـاك رايـح يسـار=نفسك تحـت حكـم شيطانـك دركسونهـا
ياخليف مدري وش اللي معك ياخليف صار=الذاكـره خانتـك ولا انـتـه تخونـهـا








الطايره وقّعت يا صاحبـي بالمطـار=تشوفهـا وأكثـر العالـم يشوفونـهـا
الوعل لا طاح راسه طاح راس الحوار=ياما وعـولً كسرناهـا مـع قرونهـا







الطايره في المطار انحرفت عن المسار=ياليـت طاقـم ملاحتـهـا يدفونـهـا
ياقدرة الله سبحانـه يابعـض الثمـار=ماهي سوى بالطعم لو هو سوى لونهـا




الله عليكم مبدعين بحق

احمد مناحي شاعر نظم من الدرجه الاولى

وهذه اول محاوره اشاهدها لك

وابهرتني

[فهد المخلفي]

صح لسانك ياخليف بن دواس
وصح لسان قبيلك
لاكن هل انت الشاعر المعروف خليف بن دواس
اللي اعرفه خليف بن دواس الشاطري ماهو الجش

[درموح]

خليف دواس
احمد مناحي

صحت السنتكم