][ صوره في عين شاعر ][

[][ سما الدوحه ][]

(( مسابقة صورة في عيون شاعر))



هي مسابقة سبق طرحها في قسم الشعر ....


حيث سأقوم بإرفاق صورة في هذا الموضوع ..

وأطلب من الشعراء كتابة أبيات تتناسب مع ما تحتويه هذه الصورة لا تتجاوز العشرة أبيات ولا تقل عن خمسة

.. ويترك للشعراء حرية اختيار البحر والقافية .. وإرسالها لي برسالة خاصة في ظرف أسبوع من إدارج الصوره .

وبعد أن تنتهي مهلة استقبال المشاركات .. سأقوم بكتابة موضوع يحتوي على جميع

المشاركات بدون ذكر أسماء المشاركين .. وسيكون لكل شاعر رقم خاص به .

وقد كنّا في السابق نعتمد في التقييم على لجنة مكونة من ثلاث مشرفين مع الأخذ بتصويت الأعضاء .. ولكن الجديد هنا ..

أن لجنة التحكيم هم الشعراء المشاركين في المسابقة حيث سيقوم كل شاعر بتقييم قصائد زملائه وإعطاء كل قصيدة تقييم من ( عشر درجات )

وإرسال التقييم لي .. وبعد ذلك سأقوم بجمع الدرجات وإعلان النتيجة النهائية .

الجوائز ..


1 ـ الحصول على العضوية الذهبية

2 ـ وسام المسابقة

3 ـ الحصول على إيميل مميّز



باب التسجيل مفتوح من لحظه ادراج هذا الموضوع الى السبت القادم 10-1

و أي حد عنده استفسار يدرجه هنا,,



تمنياتي بالتوفيق للجميع

سمــــــــــــــــــــا

[محمد الدغيري]

انتظر الصوره
وإن شاء الله اكون اول المشاركين ^_^

[][ سما الدوحه ][]

’,


هلا بك محمد



المسابقه بتبدأ بعد أسبوع


اللحين تسجيل الاسماء,,


:)


يسعدني انكـ تكون اول المشاركين

[أبوعبدالرحمن]

سجلي أسمي

واحجزي لي المركز الأول

وبالتوفيق إن شاء الله

[][ سما الدوحه ][]

’,


اكيد هالنسخه بتكون اقوى من اللي قبل,,


متوقعه التسجيل يكون كثيف هالمره

,,


تم تسجيلك


وبالتوفيق

[محمد نايف العتيبي]

’,




سما الدوحه



الله يعطيك العافيه



وان شالله تتم على خير هالمسابقه الرائعه ..

سجليني من المشاركين عساني مااخيب ضنكم , والشعراء كفوو ان شالله



دمتي بخير




م ح م د ..!!

[احمد مناحي]

سما الدوحه

هلا بك وغلا

وعساج ع القوه

<<<<<<< مسوي فيها قطري على شان يكسب التعاطف (*_^)

نشكر لك جهدك وحرصك الدائم على تقديم كل مايميز الموقع .

وبيض الله ويهج .

وسجليني مشارك معاااااكم .

واتمنى من الاخوان الشعراء المشاركه لانه كل ما ارتفع مستوى المنافسه

زاد ت استفادتنا جميعا وشعراءنا اكفاء وقادرين على الابداع في كل ميدان .

وفق الله الجميع

[محمد بن ضاوي]

8
8

سجلينا وفالج التوفيق لنا :مزون:

ادري الجمله ماهي راكبه بس عشان اتكلم قطري وماينفرد احمد بالتعاطف ههههههههههه

[فايز ماجد]

سجليني وفالج طيب وفالي مثله

وبشوف انا والا انتم البحر من امامكم وانا من ورائكم ههههههه

واختصارا للوقت عطيني الجوائز من الآن ياسما الدوحة وريحي راسك

[نـواف الشمــري]

الاخت ،، سما الدوحه





لا هنتي







وسجلينا مع الاخوان














فمان الكريم

[][ سما الدوحه ][]

’,


محمد بن نايف..

تم تسجيلك وبالتوفيق


,.

أحمد بن مناحي


خبري حركات المشاغبه حق ناس ثانيين :مزون:

تم تسجيلكـ,,

وفالك التوفيق,,


’,

محمد بن ضاوي


,’ترى ماكنت أقصدك بالكلام:مزون:

تم تسجيلكـ,,

وفالك التوفيق


’,

فايــــــــــز


داخل جامد,,وأساليب ترهيبيه ممتازه

تم تسجيلكـ


وفالكـ التوفيق


’,


نــــــــــــــــــــــــ واف


تم تسجيلكـ



وفالك التوفيق

[N n y ~]

لحظة .. لحظة

لاتقفلو الباب

أنا معاكم :ويوي:







































تصوري يا ســــــمــــا :مزون:

أمزح

موفقين كلكم ياربـ

واللي يباني أصوت له يعطيني ريال

<~ دليل أنك ماقريتي الموضوع خخ

لا والله قريتو و فهمممتو


سموي ,,

بالتوفيق

وعساكم ع القوة جميع

[][ سما الدوحه ][]

’,


ناني


حسبي الله على ابليسج,,

يوم قريت ردج كانت بتيني جلطه,,

انتي تكتبين؟؟

بس الحمدلله كملت الرد ,,قبل لا تييني

:)


ههههههه

ترى التصويت بفلوس يصير بس 50\50

كوني بالقرب غلاي

[جارح الكسر]

سما الدوحة

يعطيك العافية وسجلييني


وان شاء الله افوز على محمد بن ضااااوي


يعطيك العافية

[عنود القصيد]

[ سما الدوحه ][;2118386']

و أي حد عنده استفسار يدرجه هنا,,



المتألقه سماء الدوحه

الاستئذان هو طلب الإذن، والإذن من أَذِنَ بالشيء إِذْنًا؛ صفة الاستئذان أن يكون باللفظ،

وصيغته المثلى أن يقول المستأذن : السلام عليكم،؟



http://farm4.static.flickr.com/3117/2640562664_f142263f18.jpg

[فهده]

مسابقه حركه

سجليني من المتابعين من بعييييييييييييييييييييييي يييييييد

وبالتوفيق للجميع

سماوي
يعطيك العافيه

سلام..

[ليــن القســا]

لم يتبقى لنا إلا الدعاء للجميع بالتوفيق ..
ولك أعذب الشكر أخية على هذه الجهود المميزة ..

[][ سما الدوحه ][]

’,


جارح ,,


تم تسجيلكـ

,’

عنود

وعليج السلام والرحمه


حياج الرحمان يالغلا


,’


بنت برقا,,


كوني بالقرب عزيزتي

[][ سما الدوحه ][]

’,


لين


حياج الله عزيزتي


ولله يوفق الجميع

[مهدي بن مسفر الحبابي]

بالتوفيق للجميع

والله يعطيك العافيه على الفكره والمجهود

[خالد بن محيل]

السلام عليكم ياسما الدوحه والاخوان الموجودين
انا اشكرك على اجتهادك في تطوير المنتدى
وسجليني مع المشاركين
بس بغيت استفسر الصورة وين القاها؟

[][ سما الدوحه ][]

,’


الحبابي


الله يعافيكـ



,’


خالد

لا شكر على واجب,,

وتم تسجيلك

,’

بخصوص الصوره ان شاء الله عالسبت الياي بنزلها,,

بس يكتمل التسجيل,


.,

[ضيف الله السميري]

سما الدوحه


بالتوفيق للجميع

موضوع جيد


يشرفني المشاركه


دئلت <<<<<<<<<<<< تلوحت عيونه يجمع صور


ههههههههه

تحياتي لك

[صايب عريقات]

سجلوووووووووني معاكم

صايب عريقات

معكم على الهواء مباشرة

أكيد بتكون مسابقة حلووووووووة

تحيااااااااااااتي

[محمد الجبريني]

سماالشعر
وسماالابداع
وسما كل التميز

لاهنتـــــــــي


راح ليلي وانا اقرا في اسما الشعار
محمد الدغيري وابو عبدالرحمن تخانقو
على الكرسي الاول ومدري من ياخذه كلهم اكفاء
ويستااهلون من يوم شفتهم فقدة
الامل في الجلوس على كرسي الفوز >>>>
ان كانه مغير واحد وسجليني المره ذي
ياسما سلوى عفوأ قصدي سماالدوحه هههههه دوحة الشعروالشعار وحجزي لي كرسي لا اقعد زي المره ذيك ....
ههههههه (والله حماس) دفعني الى مالا تحمدعقباه الله يسترههههه تدرون ابزيد حماسكم>>> حماس وفتح<<<
عفواً وش بلاي انا كل شوي اغلط >>>حماس ورفع
ظغط فقط . والا يمكن ماحتى اشارك لني
ألى نويت اشارك يحول بيني وبين
حضوري الف عايق وماعمرها
سلكت معي في الشعررر
لومره وحده لاكن
اسمعوني
جميع



ذا المرة
هههههههههه
خذو العلم دام الدعوى
حماس وتحدي

ههههههههههه
وعساج ع القوه



سجلينا وفالج التوفيق لنا



سجليني وفالج طيب وفالي مثله



يامعودة رقميلي اسمي بشارك
يامعوده ورقميلي ماهي
راكبه سوا
هالكلمتين

معدين احس
اني تقول قاعد
اترجى ذا الحريمه ترجي
وانا ماترجيت غير الله احد
ههههههههههه


ايه ايه لقيت لقيت مطلع الكصيده





ياالطيبه شكي لي اسمي بشارش=انا اربش اكبر شاعر فيه شوشت
وكذالك أن حسيت حارش و وارش =فى الشعر لامن باشو اهل الشعر بشت
طبعي كذا مغير اجارش وهارش= =وكم شاعراً لاششت فوقه تشربشت
وانتي ان كانك حاطتني يسارش= ماهو بمعنى اني من الشعر فنشت
شاعر ولد شاعر وارد اعتبارش=وياكثر مابذالشعر ياناس همشت
شاعر واماري في قصيدي واجارش=واظد لكبر خصم بالشعر لاهشت
والشعر يبغاله هوارش جوارش=ولو كان ماني ظفر باالشعر ماعشت
والشعر يكرم ماهو أل كل طارش=ياما لعذبه والله اني تعطشت
صورتش وين نا ترى بانتظارش=لن جفو الشعار انا العكس ريشت
لليلش كما لليلي ونهاري نهارش=وان قلت لش عشتي قوليلي بعد عشت






سما الدوحه
لا.... لا تحسبين الأبيات السابقه




بسوي كنت زي بعظ

الناس وماعرفت

وش الحل ؟
الحل
لازم
ابرر
موقفي
واجيب قصيده

تنفهم باللغه
العربيه الواظحه

والله الظاهر بتعدي الخميس والجمعه
والسبت وانتي ما وضعتي الصوره
بسبتي اليوم وسبت تعبثي هذا

ههههههههه
وهذا ما رغبت ان اكتبه
فى الحقيقه وكل ما سبق.
مقدمه لا اكثر ومساحه لزياده
الحماس وتوسع رقعتها في
موظوعك الجميل
والمعذرره
على الأ طاااله .


يامتصفحين


الله الله




قررة ذا اللمره ياغير اني اشارك =واني ماني شاعر أذني مشاركت
من لايشيل احمولها ليش بارك=خلو ثقال احمولها لي لا بركت
شاعر وخوظ اصلف حروب المعارك=ديرو عن ادروب الكراسي لا دربكت
لاتصاقطون البوورش ياهل السدارك=هين وعدنا باالسباق اليا حركت
لاكن علي قولو ماشالله تبارك=لولا بركت الله علي ماتباركت
وين الصور يابنت انا بانتظارك =كان الشعر حنكه فنا به تحنكت
شاعر مايفرظ فوق شعري جمارك =واليا بغيت اجمرك الخصم جمركت
وانا هنا ماجيت اريد احتقارك=واستغفر الله لن حقرتك قداشركت


وسلامةالجميع
وسلامتك
ياسماالدوحه والله
يكفيني عيون النظولين ههههه
جيب بورررش يتعدى احمد مناحي ومحمدبن ضاوي
ماينظلونه ههههههه ولامدري فايز ماجد بعد ينظل معهم هههههه

وتقبلو جميعٍ فاائق تقديرري والصوره وينها
ياسما اختاري لنا صوره زينه و تستحق
التعب بعظ الصور تراي مادانيها
هههههههههه
وشكراً



وقررت قبل دقائق قليله بعد ان
صلية الفجر اني ماشارك
هههههههههه


الا ان عذلت عن قراري السابق
الى ذالك الحين اقول
للجميع تصبحون
على خير

[محمد سالم الهاجري]

كا العاده فارس قطر متواجد ومتحدي صعب ونا في انتظار الصوره

ولكي جزيل الشكر يا سماء الدووحه

تحياتي لكم

[فيصل فرج العتيبي]

سجلوني < منين طلع هذا ؟؟

وان شاء الله تكون بداية عودتي لاحلى منتدى بعد ماغبت لظرووفي ..

الف شكر سما على جهودك

[أبوعبدالرحمن]

ههههههههههه

يروع الجبريني

[سيف الدوسري]

أنا أبغى أشارك أذا فيه فرصة


سجليني تكفين خليني أشارك أخواني



والله يعطيك العافية على هالفكرة الرائعة..


تحياتي..

[][ سما الدوحه ][]

ضيف الله

تم تسجيلكـ

وبالتوفيق

’,
’,


صايب عريقات

تم تسجيلكـ

’,

الجبريني



بحطك في فصل المشاغبين,,:مزون: ردك قريته عشر الاف مره ولا فهمت السالفه,,

فصل المشاغبين مافيه كراااسي هههههه نفس ذيك المره ,,


لازم يزيدون عدد المشاغبين فالمسابقه احسن :مزون:>>ما اقصد احد

لفيت راسي,,واخر شي اللي فهمته انك ما تبي تشارش ,,صح ولا لا..؟؟ان شاء الله تعذل عن قرارك,,انت من الاسماء اللي مشاركتها مكسب لنا


اي صح,,

صح لسانكـ

’,
’

يـالفارس,,

تم تسجيلكـ


’,

’,
فيصل

والله من يومين ادور اسمكـ :) ,,

مشاركتك مهمه


وتم تسجيلكـ

’,

’,





ابو عبد الرحمن



الجبريني يبي يسويلكم رعب قبل المسابقه

’,

[][ سما الدوحه ][]

’,

الدوسري


تم تسجيلكـ ولا يهمك بلا تكفين بلا شي,,واذا مافيه فرصه نسوي فرصه ونشاركك :)


تم تسجيلكـ


وفالك التوفيق



وبالتوفيق للجميع


’,



سعيده جدا هالنسخه شكلها بتكون اقوى ان شاء الله

’,

سمــا

’’

[محمد الجبريني]

ههههههههههه

يروع الجبريني



شكراً ابو
عبدالرحمن
ولا اروع ولا ابدع والا اشعر ولا اكرم ولا اوفي ولا حلا منك يا استاذي الشاعر سعد

بس انت شفت كل التعب غدى بلاش ههههههههه حتى محتى قبلت في التسجل


بحطك في فصل المشاغبين,, ردك قريته عشر الاف مره ولا فهمت السالفه

انا مادرس عند حريم هههههه




لازم يزيدون عدد المشاغبين فالمسابقه احسن >>ما اقصد احد
افهمها يالبيب

جاي بسجل ووعلى طول حطية مشاغب وانا محمس الشعار ماخليت ولا واحد ماصحيته من نومه



واللي ادق عليه واللي ادوره واللي ارسله واللي واللي واللي واللي على قول ذاكـــ



لفيت راسي,,واخر شي اللي فهمته انك ما تبي تشارش ,,صح ولا لا..؟؟الا


ن شاء الله تعذل عن قرارك,,

ا

ماني عاذل ولن اعذل
ولاطيع والله العذال
اعذل بعد هاذا الذل
وانا ماني من الانذال
وابي فوزاً ياشايخه طل
عسى الله لي يعدل الحال
ههههههه





انت من الاسماء اللي مشاركتها مكسب لن
شكراً




ابو عبدالرحمن
تدري بلغـــ سما قطر تسجلني والله ماني
مكلمها. ومسابقتها لاتفتكر انها جائزة نوبل العالميه ههههه


ههههههههههه

يروع الجبريني

والله لو ما انت مديرالمنتدي ههههههه
ماعاد اعرض عليه



واستلم
مني بيتين على شان
مرورك اخووي وتقبل ودي ورضاي

وتراها مقاربه الحن قصيدة
الشيباني هذيك اللي يقول فيها
تكفى تكفي تكفي تكفي




انت الرئع وكل الروعه=والشاعرالجزل الفنان
النادر باشعره من نوعه=تسلم لنا ياذيبان
سجلني ظمن المجموعه=ماني مكلم غيرك انسان
ماني مترجي ،،،،=تسلم لي يابو عبدالرحمن
تعرف جبرينيك وربوعه=منت بجاهلهم سلمان
ياأصل ألشعر وفروعه=انتم هل الشعر المليان
انتم سيفه ودروعه = واصايل خيله بالميدان
سواكم مايدل سنوعه=يالله عليك التكلان
من يجهل كوعه من بوعه=اكيد بيبطي حيران
واجوعه واجوعه واجوعه=ياعنك ألـ يبطي جوعان
وانا مالي بمشروعه=لله المنه شبعان
الطيب ماتبلش بطبوعه=يكسبك اب اب اب طيبه يافلان

[عنود القصيد]

صح لساانك


اقول خلوني على اللي يحارش=جيته و من باب اللقافه تحرشت

ان مارجع مكروش ماهو بكارش=انا العنود ويشهد الشعر لاششت

كم شاعرن جاني جنوبه تهارش=ولبسته جلالي بعد لبست البشت

سجلي مشاغبه 2 :مزون:

[][ سما الدوحه ][]

الجبريني

تم تسجيلكـ


العنود


تم تسجيلج


فالكم التوفيق

[منوخ العمودي]

فكره جميله ياسماء الدوح

ارجو التسجيل اذا امكن

[محمد الجبريني]

صح لساانك


اقول خلوني على اللي يحارش=جيته و من باب اللقافه تحرشت

ان مارجع مكروش ماهو بكارش=انا العنود ويشهد الشعر لاششت

كم شاعرن جاني جنوبه تهارش=ولبسته جلالي بعد لبست البشت

سجلي مشاغبه 2 :مزون:




الله يستر
هذي وين من صلته علي
ههههههه
تحرشين بعد هاااه
بين على اني حلو زياده
هههههههههه

هاذي تراها امزززززززح
دايم تجي وتروح
ومني انا مسموح
ماهما يكون وكان

وانتي اكبر من ذالك
والله روعتيني
ههههههههههه



يبغى لنا قاف ثاني معدين ان بغيتيناناخذ لنا
عنه فيه مافيه مشكل ياصديقه عفواً وان قرت الكتابه المدام وش اقول لها ههههه قصدي يامامه يامامه
مافيه مشكــــــ

استلمي ياعنود
والله البني هنا شبه انتها وابياتك كلها معيوده من الابيات السابقه وصح صح السانك
هذا رد مني وعذريني قلبناها محاوره هني افسدنا موضوع سما الدوحه



يابنت ماودي بهدة جدارش=ولا مرني يومٍ ببنت(ن)تحرشت
عودي عنود الشعر لاصوب دارش=تراااي لا حششت يابنت حششت
وان كان ونك صامله في قرارش=وباقي بك اعراش(ن) لجيتك تعرمشت
يابنت مايه يطفي الهيب نارش=مالش غير الا من يطفي لحرتش






عنود الشعر لامني بغيت اصيدك اصيدك =وانا اتحداك يابنت الرجال انك تصيديني
عسي ربي يخارجني بابنت الناس من كيدك =ترى لاشفت بنت ادناة ماله بس يغريني

ههههههههههه انتبهي

واخذي الحيطه والحذر والانتباه واليقظه الشديه مني ههههههه سرة عدو
مثل ماقال الشاعر
الحذر ثم الحذر مني ياظبي



وشكراً لك ولاتناوشين بشوت الرياجيل ياحرمه
هههههههه خايف على بشته تنحاش به هل الحرمه
شكلها تدور على بشة ساكنه في ديرره برد

[][ سما الدوحه ][]

’,

العمودي

,’

تم تسجيلكـ

وفالكـ التوفيق

[عنود القصيد]

محمد الجبريني


عنود الشعر لامني بغيت اصيـدك اصيـدك=وانا اتحداك يابنت الرجال انـك تصيدينـي
عسي ربي يخارجني بابنت الناس من كيدك=ترى لاشفت بنت ادناة ماله بـس يغرينـي

عنود القصيد



عنود الشعر يالشاعر يشرفها قصيدك=وانا لولا الملامه قلت ساس الشعر جبريني

عسى الله يحفظك ياسيد الشعر ويزيدك=ولاتطري علوم الصيد اخاف تطيح من عيني

[عوادالعلي]

الاخت سما الدوحه

ارجو التسجيل ان امكن ذلك


محمد الجبريني + عنود الصيد صحت الالسن تحدي مثير


ايها
المتألق نحو القمم ايها العنفوان سأحجز لك مساحات من الشوق
لإنتظار حرفك ذو الحضور القوي سأظل أنتظر حروفك على دروب
الإشتياق الجارف إلى نبض معانيك


يالفورد هذي دروب الجوف تومي لـك=ادخل وتلقى مـع الظلعـان منطاقـي
ماني من اللي بنار الحرص ياوي لـك=وصبح الشتاوي يحطك وسط مشراقـي
والله يلو خـر كـل الزيـت كرتيلـك=انك فلا تهتنـي مـع واحـد ضاقـي
ولو تقطع الدرب مع طقـة صواميلـك=او تعلن الضيم واسمع طقـة الواقـي
وان طال ليلي تذوق الطول في ليلـك=ان ساعف الله وانـا للفـورد سواقـي
دامي شريتـك جديـد برقـم موديلـك=وهذي دروجك وفيهـا كـل الاوراقـي
انحش ولاتقرب اللي بيدو حيلـك=ياصعب كسرت غرور الشاعر الراقي
المعذره ياعشيري ويـش اسويلـك=حاولت لكن عجزت وصابـن ارهاقـي
ياحبنـي لحروفـك الا ياحبـي لــك=احـس كنـي امـام ابداعـك معاقـي

[][ سما الدوحه ][]

عواد,,

كنا في انتظار تسجيلكـ

تم تسجيلكـ

وفالك التوفيق

[فهد خلف الشمري]

السلام عليكم ورحمة الله وبركاته



انا هذي اول مشاركه لي بالمنتدى ومسجل عشان المسابقه



فإذا امكن تسجيلي اكون لكم شاكر



وإذا لم تسمح ظروف المشاركات



مالي إلا اقول عساكم ع القوه



وفالكم التوفيق

[][ سما الدوحه ][]

’,

سعيده ان المسابقه استقطبت شعراء جدد للمنتدى

:)

تسعدنا مشاركتك يا فهد

وتم تسجيلك


’,



اقترب موعد انتهاء التسجيل

[احمدالعارضي]

سجلوني معكم :11owoff:
>> مايدري وش السالفه مير شاف الربع كلهم يسجلون وجاك مصفي الطبلون :icon_chee

[][ سما الدوحه ][]

هلابك يالعارضي

,.

تم تسجيلكـ

,.

[][ سما الدوحه ][]

اليوم أخر يوم للتسجيل..


فياليت اللي وده يسجل يستعجل

:)

[قيـس]

أفاااا


والله مادريت



سجليني سما الدوحه لازم تسجليني.. عاد أنا القط الصوره وهي طايره


ألأول بكل ثقه كافخ..لاشك لاريب

[][ سما الدوحه ][]

كافخ


أبشر,,تم تسجيلكـ


وفالكـ التوفيق

[نياف العتيبي]

سما الدوحه


يسعد ايامك


اتمنى للجميع التوووووفيق

وسجلي النااااااايف

[فخر أهلها]

ماشاء الله والله الناس متحمسين ياسما هههههههههه

اقول ماقعد احد للمره الجايه :)

بصراحة كنت ناويه اسجل بس شفت العدد كبير وهونت << تصرف ههههههه

لاجد انا بغيت اسجل بس عندي شرط للتسجيل ان فيصل ومحمد ضاوي مايشاركون خخخخخخخخ

ياناس مشاركين بالجزء الاول وش جابكم تطامرون هنيا عاد محمد بنبلع ان وده بالجايزه وماحصلها لكن فيصل اخذ الجايزه وجاي ياخذها هالمره :)

بشاور نفسي لليله وارد لكم خبر

تمنياتي للجميع بالتوفيق

[قيـس]

ماشاء الله والله الناس متحمسين ياسما هههههههههه

اقول ماقعد احد للمره الجايه :)

بصراحة كنت ناويه اسجل بس شفت العدد كبير وهونت << تصرف ههههههه

لاجد انا بغيت اسجل بس عندي شرط للتسجيل ان فيصل ومحمد ضاوي مايشاركون خخخخخخخخ

ياناس مشاركين بالجزء الاول وش جابكم تطامرون هنيا عاد محمد بنبلع ان وده بالجايزه وماحصلها لكن فيصل اخذ الجايزه وجاي ياخذها هالمره :)

بشاور نفسي لليله وارد لكم خبر

تمنياتي للجميع بالتوفيق


فخر اهلها..

شكلك ماليه يدك من محمد وفيصل ..مدري أذا ضنك مالي أمل علمني خليني ألملم جروحي وأنسحب...

أقول سما عجلي بالصوره ..الله يوفق الجميع

بعدين كيف يتم الأختيار يعني كيف يتم التقييم..أشرحي لنا ياسما ..الله لايهينك

[][ سما الدوحه ][]

النايف


تم تسجيلكـ
’,


فخر أهلها,,

ياليت تستعجلين


,’

كافخ

بقت شغله بسيطه اكملها وانزل لكم الصوره

[][ سما الدوحه ][]

تم انتهاء موعد التسجيل



سيدرج الموضوع بعد دقائق ان شاء الله

[درموح]

مساء الخير


تسجيل

[][ سما الدوحه ][]

درموح

تم

:)