ضيف الله السميري
03-01-2009, 04:18 PM
اخواني رواد هذا الصرح الشامخ اضع بين ايديكم هذه المساجله بيني وبين الشاعر ناصر فهيد المسعودي القحطاني عندما زارني في اول ايام عيد الاضحى المبارك وهو يحمل هذه المعلقه والحمد لله سنحت لي الفرصه وقمت بزيارته والرد عليه
هذه قصيدة ناصر
الشمس في كفي اليمنى بجنب القمر=واعصر سحابة خريفي لين تمطر جليد
بعض الفراشات يسقيها الندى والمطر=والشايب اللي على ذاك الطريق البعيد
اقول هذي دوادي ماتسمى شعر=واسمع جزال المعاني كان تبغى القصيد
الله على اللي ليا منه طرالك سفر=للديره اللي غلاها كل يوم" يزيد
الخط لو هو طويل" ثم زهمته قصر=تقول كنه يقول لصاحبه وش تريد
رنج روفر سبورت فل تشارجر ووايت كلر =الكترك قير فور تيربو وهاير سبيد
يعفت ارقاب من شافوه بدو وحظر=واليا ركبته تقول انك وزير الوليد
غطا على الجمس والفكسار والغا الهمر=فرقه عليهن مثل فرق الذهب والحديد
اهب لا والله الا من قناه ادخر=كنز" ولو طالت عقود الرخا مايبيد
الود ودي ليا منه تبادى السفر=دقيت سلفه ونطحته صحاصيح بيد
متوجه" للديار اللي تقادح سطر=منصاي ديرة بني سامر كعام الضديد
ديرة عتيبه هل الوقفات درع الخطر=مابين صادق فعول وبين ساس" مجيد
وان قاله الله قبل يأذن اذان العصر=دخلتها بيت عز وبيت نخوه وجيد
بيت ابن فواز ضيف الله خوي الظفر=المحزم اللي احتزم به فالنهار الشديد
الخوه اللي جمعتني فيه خوة فخر=ومن عقب ماغاب كني فاقد" لي فقيد
عز الله انه الخوي اللي يشوق النظر=وعز الله انه الرصيد ان كان تبغى الرصيد
وبيتك اعده مقر مانيب اعده ممر=جيتك اسلم وادور منك راي" سديد
يالقرم نزرع ولكن ما جنينا ثمر=وتشتت الفكر ماحصلت علم" وكيد
من عقب ما فرش لي النوار بين الزهر=خليت في صيهد" عنه الطوارش تحيد
نسعى ورى الركب الاول ماخذينا عبر=ويعطي الزمن تجربه والمتعظ مستفيد
حتى لو ان الطمع فالعافيه والستر=ماتاصل اسهل مرام الا بجهد" جهيد
غطا على راعي الخلفات راع البقر=وبدل مفاهيم جيل" فات جيل" جديد
من لبس بشت الغناه يعاف كوت الفقر=ومن لا كفاه القليل يقول هل من مزيد
هذا ملخص علومي وانت رد الخبر=ودي بردك مجي ماهو رسالة بريد
واستاذنك في رجوعي للخبر وانتظر=زيارتك في محلي جعل عمرك مديد
هذا الرد
يامرحبا عد من طاف الحرم واعتمر=واعداد من صام خوف" من نهار الوعيد
واعداد ما مال بعد العصر ظل الشجر=واعداد ماغرهد القمري بخضر الجريد
بالصاحب اللي لفاني عصر يوم النحر=في يوم عيد" فضيل وشوفة القرم عيد
الله يحي الحزام اللي يشد الظهر=يامحزمي ساعة الشدات يابن فهيد
في قربك الدار لا وصفت روض"خصر=وفي بعدك البال مهما كان ماهو سعيد
شرفتني في محلي يا طويل العمر=من طيب ساسك ورثت الطيب وانت الحفيد
حفيد قوم" على العيال موت" حمر=اولاد مسعود نار العز ماهي هميد
من روس قحطان ساس المجد قوم" جبر=اليا نشف من غثا الميقاف دم الوريد
ياصاحبي من يعرف الاوديه ما حدر=لو قال شوفي يقديني ورايي رشيد
محدن بنا له مدينه كامله في شهر=ومحدن رقى قمة الامجاد من دون كيد
والمرجله ياوسيع العرف تبغى صبر=والصبر في معجم الاجيال دايم حميد
والمومن المتقي ماينلدغ من جحر=واليا لدغ مرة اخرى لا يمكن يعيد
ماهمنا ياحزامي بيرق" في قطر=ولا همنا شاشة" فيها الذكي والبليد
نغرف بحر وان بغيت تقول ننحت صخر=ونصخر الشرد الحذرات حتى تهيد
ونجيبها عند عشاق القصايد درر=منظومة" كنها بالوصف عقد" فريد
وشعيل لاشاف له برق" تلالا هدر=حتى ولو في يدينه من ضنا الوقت قيد
وانا على اللي لاهي لكزس ولاهي شفر=صناعها في بلاد الغرب ملعون سيد
الخشم كنه سهم واللون كله عفر=والذيل ذيل التي فيها الذحاح المبيد
سواقها لا تساوى فوقها واستقر=وطا جبروتها حيث ان راسه عنيد
لو يطلق عنانها تاصل لسطح البدر=وتصير مثل الكواكب راجمات المريد
تحركت قبل نور الشمس بعد الفجر=صفق الهوى في جوانبها غدا له وبيد
متوجهه من قرارة نجد صوب الخبر=عن مطلب اصحابنا واحبابنا ماتحيد
مخصصه ماتسمى إف خمسة عشر=وشعارها لا بريطاني ولا هو سويد
يجيبها اللي ملايينه بليا حكر=ماجابها اللي قضا عمره وماله زهيد
هذا مرد الجواب ودرع جنبك حظر=تشريف لك في محلك يالحزام الجويد
هذه قصيدة ناصر
الشمس في كفي اليمنى بجنب القمر=واعصر سحابة خريفي لين تمطر جليد
بعض الفراشات يسقيها الندى والمطر=والشايب اللي على ذاك الطريق البعيد
اقول هذي دوادي ماتسمى شعر=واسمع جزال المعاني كان تبغى القصيد
الله على اللي ليا منه طرالك سفر=للديره اللي غلاها كل يوم" يزيد
الخط لو هو طويل" ثم زهمته قصر=تقول كنه يقول لصاحبه وش تريد
رنج روفر سبورت فل تشارجر ووايت كلر =الكترك قير فور تيربو وهاير سبيد
يعفت ارقاب من شافوه بدو وحظر=واليا ركبته تقول انك وزير الوليد
غطا على الجمس والفكسار والغا الهمر=فرقه عليهن مثل فرق الذهب والحديد
اهب لا والله الا من قناه ادخر=كنز" ولو طالت عقود الرخا مايبيد
الود ودي ليا منه تبادى السفر=دقيت سلفه ونطحته صحاصيح بيد
متوجه" للديار اللي تقادح سطر=منصاي ديرة بني سامر كعام الضديد
ديرة عتيبه هل الوقفات درع الخطر=مابين صادق فعول وبين ساس" مجيد
وان قاله الله قبل يأذن اذان العصر=دخلتها بيت عز وبيت نخوه وجيد
بيت ابن فواز ضيف الله خوي الظفر=المحزم اللي احتزم به فالنهار الشديد
الخوه اللي جمعتني فيه خوة فخر=ومن عقب ماغاب كني فاقد" لي فقيد
عز الله انه الخوي اللي يشوق النظر=وعز الله انه الرصيد ان كان تبغى الرصيد
وبيتك اعده مقر مانيب اعده ممر=جيتك اسلم وادور منك راي" سديد
يالقرم نزرع ولكن ما جنينا ثمر=وتشتت الفكر ماحصلت علم" وكيد
من عقب ما فرش لي النوار بين الزهر=خليت في صيهد" عنه الطوارش تحيد
نسعى ورى الركب الاول ماخذينا عبر=ويعطي الزمن تجربه والمتعظ مستفيد
حتى لو ان الطمع فالعافيه والستر=ماتاصل اسهل مرام الا بجهد" جهيد
غطا على راعي الخلفات راع البقر=وبدل مفاهيم جيل" فات جيل" جديد
من لبس بشت الغناه يعاف كوت الفقر=ومن لا كفاه القليل يقول هل من مزيد
هذا ملخص علومي وانت رد الخبر=ودي بردك مجي ماهو رسالة بريد
واستاذنك في رجوعي للخبر وانتظر=زيارتك في محلي جعل عمرك مديد
هذا الرد
يامرحبا عد من طاف الحرم واعتمر=واعداد من صام خوف" من نهار الوعيد
واعداد ما مال بعد العصر ظل الشجر=واعداد ماغرهد القمري بخضر الجريد
بالصاحب اللي لفاني عصر يوم النحر=في يوم عيد" فضيل وشوفة القرم عيد
الله يحي الحزام اللي يشد الظهر=يامحزمي ساعة الشدات يابن فهيد
في قربك الدار لا وصفت روض"خصر=وفي بعدك البال مهما كان ماهو سعيد
شرفتني في محلي يا طويل العمر=من طيب ساسك ورثت الطيب وانت الحفيد
حفيد قوم" على العيال موت" حمر=اولاد مسعود نار العز ماهي هميد
من روس قحطان ساس المجد قوم" جبر=اليا نشف من غثا الميقاف دم الوريد
ياصاحبي من يعرف الاوديه ما حدر=لو قال شوفي يقديني ورايي رشيد
محدن بنا له مدينه كامله في شهر=ومحدن رقى قمة الامجاد من دون كيد
والمرجله ياوسيع العرف تبغى صبر=والصبر في معجم الاجيال دايم حميد
والمومن المتقي ماينلدغ من جحر=واليا لدغ مرة اخرى لا يمكن يعيد
ماهمنا ياحزامي بيرق" في قطر=ولا همنا شاشة" فيها الذكي والبليد
نغرف بحر وان بغيت تقول ننحت صخر=ونصخر الشرد الحذرات حتى تهيد
ونجيبها عند عشاق القصايد درر=منظومة" كنها بالوصف عقد" فريد
وشعيل لاشاف له برق" تلالا هدر=حتى ولو في يدينه من ضنا الوقت قيد
وانا على اللي لاهي لكزس ولاهي شفر=صناعها في بلاد الغرب ملعون سيد
الخشم كنه سهم واللون كله عفر=والذيل ذيل التي فيها الذحاح المبيد
سواقها لا تساوى فوقها واستقر=وطا جبروتها حيث ان راسه عنيد
لو يطلق عنانها تاصل لسطح البدر=وتصير مثل الكواكب راجمات المريد
تحركت قبل نور الشمس بعد الفجر=صفق الهوى في جوانبها غدا له وبيد
متوجهه من قرارة نجد صوب الخبر=عن مطلب اصحابنا واحبابنا ماتحيد
مخصصه ماتسمى إف خمسة عشر=وشعارها لا بريطاني ولا هو سويد
يجيبها اللي ملايينه بليا حكر=ماجابها اللي قضا عمره وماله زهيد
هذا مرد الجواب ودرع جنبك حظر=تشريف لك في محلك يالحزام الجويد