العظيمه تصغر فـ عين العظيم

[احمدالعارضي]

ياهجوس ٍ مستعده للدفاع وللهجوم=جاوبي راس ٍ تحدته الهبايب والنسيم
دقت أجراس القصايد حينما حان اللزوم=الصدر ماهوب خالي والفكر ماهو عقيم
شاعر اليا جيت للميدان ذرعت الكموم=ثم رديت أكبر مصيبه للسراط المستقيم
يازمن لو زاد حملك زادت عزومي عزوم=مادريت إن العظيمه تصغر فـ عين العظيم
همتي تاطا على خد المصايب والهموم=ماخلقت إلا لهذي والعمر ماهو مقيم
والشعر غيث الفكر يوم المطر غيث الغيوم=كم تزبر وسط فكري من غيوم الشعر غيم
وقامت بروقه تدك الارض وتدك الحزوم=يامراهيش ٍ ينوض البرق منها للهشيم
والهوى والعشق في قلبي على حد السلوم=إبدوي ٍ وإن عشقت أعشق ولي قلب ٍ كريم
والبدو تعشق على وضح النقى ولّا تشوم=إن عشقنا من صميم ٍ وإن كرهنا من صميم
هيه ياللي من غلاك أرقى على روس الرجوم=وأنتهض وآجر طاروقي من ضلوعي وأهيم
من غلاك وفي غلاك الطير في صدري يحوم=أشهد أني من طعونك يالغضي ماني سليم
وأشهد أني كم تحملت الخناجر والسهوم=دام ما وصلت كرامتنا تعال أطعن وأقيم
حد سيفك وأنت غالي عند خلك وإمحشوم=والله إنّ آموت دونك ماانقض العهد القديم

[محمد بن ضاوي]

والبدو تعشق على وضح النقـى ولّا تشـوم
,,,,,,,,,,,,,,,,, إن عشقنا من صميم ٍ وإن كرهنا من صميم

ياسلام يالشاعر ,,,



صح لسانك اخوي احمد ولاهنت على هالرائعه



همتي تاطا على خـد المصايـب والهمـوم
ماخلقت إلا لهـذي والعمـر ماهـو مقيـم

كفو يالعارضي ولكننا ماخلقنا الا لعبادة خالقنا

مره ثانيه صح لسانك ولاهنت

[احمدالعارضي]

أرحب ياابو ضاوي

وصح بدنك ولاهنت

وكفوك الطيب يالغالي

وصدقت وكلامك في محله

قال تعالى ( وما خلقت الجن والإنس إلا ليعبدون)

ومعاذ الله أن أقول غير هذا

وهذا الأمر مفروغ منه

ولكن هذه صوره من صور المبالغه والتي هي على حد علمي جائزه

أنتضر آراء بقية الأخوان والتكرم على بإبداء الرأي حيال ذلك رغم ثقتي الكبيره فيك ولكن حتى لايكون في نفسي شيء وإن كان في ذلك مايمس بالعقيده أرجو حذف الموضوع

وشكر خاص جدا لك ياابو ضاوي على التنيبه

لاهنت يالغالي

تحياتي وتقديري لك

[محمد بن ضاوي]

الله يرضى عليك يا احمد ويوفقنا وياك لما فيه الخير


يعلم الله ان ماظنيت فيك سو ولاشككت فيك ولكن كلامي كان من حبي الخير لك
والحمدلله من ردك يبين مدى غيرتك على الدين جعلني الله واياك وجميع المسلمين ممن يحبهم الله ويحبونه


وبالنسبه لقصيدتك لاغرابه ,,, جزله كسابقاتها ولن نسمح بحذفها اذا تكرمت

وبامكانك تضيف التعديل اللي تشوفه

[احمدالعارضي]

مافيك شكوك يالغالي

ويعلم الله اني فرحت بردك وملاحضتك اللي تدل حرصك على دينك

[محمد السريّع]

الرائع احمد العارضي

صح بوحك و طابت روحك

قمة الجزالة و الابداع

و انا اتفق مع راي اخوي محمد بن ضاوي

على ان ماجا بالشطر جا باللفظ فقط مع ثقتي التامه بتوجهك اخوي احمد

و لكن اختلف مع رايك اخوي احمد عندما تطلب حذف هذه الرائعه لسبب ملاحظةٍ من الممكن تعديلها

مره ثانيه اقول لك صح الله لسانك الى مالانهايه

دمت برعاية الرحمن

[محمد الجبريني]

ياهجوس ٍ مستعده للدفاع وللهجوم=جاوبي راس ٍ تحدته الهبايب والنسيم
دقت أجراس القصايد حينما حان اللزوم=الصدر ماهوب خالي والفكر ماهو عقيم
شاعر اليا جيت للميدان ذرعت الكموم=ثم رديت أكبر مصيبه للسراط المستقيم
يازمن لو زاد حملك زادت عزومي عزوم=مادريت إن العظيمه تصغر فـ عين العظيم
همتي تاطا على خد المصايب والهموم=ماخلقت إلا لهذي والعمر ماهو مقيم
والشعر غيث الفكر يوم المطر غيث الغيوم=كم تزبر وسط فكري من غيوم الشعر غيم
وقامت بروقه تدك الارض وتدك الحزوم=يامراهيش ٍ ينوض البرق منها للهشيم
والهوى والعشق في قلبي على حد السلوم=إبدوي ٍ وإن عشقت أعشق ولي قلب ٍ كريم
والبدو تعشق على وضح النقى ولّا تشوم=إن عشقنا من صميم ٍ وإن كرهنا من صميم
هيه ياللي من غلاك أرقى على روس الرجوم=وأنتهض وآجر طاروقي من ضلوعي وأهيم
من غلاك وفي غلاك الطير في صدري يحوم=أشهد أني من طعونك يالغضي ماني سليم
وأشهد أني كم تحملت الخناجر والسهوم=دام ما وصلت كرامتنا تعال أطعن وأقيم
حد سيفك وأنت غالي عند خلك وإمحشوم=والله إنّ آموت دونك ماانقض العهد القديم

الشاعر
الكبير اخوي
احمد العارضي صح صح الله
السانك اليوم ودوم تقبل مروري وتقديررري

[أبوعبدالرحمن]

لله درك يالعارضي

وفاقدينك وفاقدين قلمك

صح لسانك

تحيتي لك

[يوسف عبدالله الغنامي]

أحمد العارضي

صح لسانك ياجزل


شاعر متمكن وقدير

لله درك يالغالي

[احمد مناحي]

احمد العارضي

هلا بك وغلا

صح لسانك الى رضاك

شاعر مبدع بكل ماتحمل الكلمه من معنى .

افتخرت بمقدرتك الشعريه ويحق لك وانت كفو

ثم تطرقت للعشق بمضمونه السامي وبطريقتة المثلى

ولايستغرب عليك هذا التسامي والمثاليه .

شاعر رائع الله لايضرك

تقبل مروري