طاروق

[بادي السبيعي]

سلام ردية على الشعار نارٍ موقدة = تقدر تسميها عتب والنار تاكل في الحطب
من جاء على ظني عسى الله في حياته يسعده = واللي يعاندني فيبشر بالمعاند والتعب

[الصقر البرازي]

هلابك في جحيم الشعر وناره فوقك موصده=والحنظله ماهي عنب ونحاسها ماهو ذهب
دامه شبع بطنك توض واسجد لربك واحمده=واهل المعاند قل لها تبت يدين ابو لهب

[بادي السبيعي]

يالصقر يالصقر البرازي قلنا مننت اولده = وان كان لك دقن وشنب او مالك دقن ولا شنب
الرابح اللي يالبرازي نجدته ساعد يده = واللي نجح اكيد ماهو مثل رجالٍ رسب

[الصقر البرازي]

انته تعرف انا شفاء لهل القلوب المرعده=كلن يقول اقلط هلا يامرحبا شيخ العرب
ذيك الفزايع يالصدوق امسجلات ومسنده=يفرح بنا شيخك وربعه لحتمى وقت النشب

[عبدالمحسن الحارثي]

صحت السنتكم
جزلين
متابع

[الصقر البرازي]

الشاعر عبد المحسن الحارثي


صح بدنك ولاهنت على مرورك الكريم


لك التحيه من \ الصقر البرازي

[بادي السبيعي]

ياصاحبي ألا يابن عمي توسد مسنده = وقت النشب والاّ وياشين التنابز باللقب
الواجبه قامو بها الشيبان ولاهي واحده = والطيب باقي في السهول اهل الحسب واهل النسب

[الصقر البرازي]

وقت الرخا مامن وزا والكل يعرف مقعده=وان كنت غاوي انشد القوقل يجيب الك العجب
حنّا البرازات الكرام اهل السيوف المجرده=وانتم سبيع اهل العطا فالحرب نارن تلتهب